~{فعاليات منتديات وهج الذكرى}~ | |
|
|
|
أدوات الموضوع | انواع عرض الموضوع |
|
12-23-2023 | #3 |
|
رد: ملامح عراقيه - - مايروقني ويروقكم من ابيات شعر عراقيه
راح اصبر بدونك وارهـــــــــم بلياك واذبح رمش عيني الچان يبجيلك واتحمل عذابك والبعد والشــــوگ وماحط صورتك گدامي واشـكيلك ما اگلك نسيتك بس جرح بالروح يكسر واهسي ومايقبل امشيلك عيني الشالتك گلتلها اشيلك راح گالت شيلني وماقبـــــلت تشيلك جرحي الفاك صدره وما يريد خياط واگف چنــــــــه واحد جاي يدعيلك بس مجبور ادفنك ياعشگ ياشوگ واقره الفاتــــحه وبالوحشه اصليلك |
|
12-23-2023 | #4 |
|
رد: ملامح عراقيه - - مايروقني ويروقكم من ابيات شعر عراقيه
ينعش گلبي شوف عيونچ الشّهلات
واسكر بيهن ومن نظرتچ اسعد يسحرني جمالچ جوهر البنيان فرحان وبديّه الردته والازوَد باجواء الخدود ايذوبن البوسات وشفافچ عليها شفافي تتصيَّد ماهمني العقل يرفضها بالطگاگ خلي گليبي بسوادينه يتعربَد مو عيشه اذا مابيها حب هيهات وگلوب الي مابيها عشگ ترمَد وحبيبي سند يصدگ وفى واخلاص ونبض گليبي من نبضاته يتورَّد روحي مشتِّتَه ولمَّت بگايا الروح واسمچ يالحبيبة بروحي يتجسَّد صدگيني العمر گبلج فلا محسوب كلها احزان وما بيها فرح ينعَد يا نسمة فجر بالعنبر وبالهيل ياوجه الگمر ياغيمه من ترعد بغيابچ أمِل وبجيتچ آمال فرحه وغيث وبسمة اعلى الوجه تنشَد |
|
12-27-2023 | #5 |
|
رد: ملامح عراقيه - - مايروقني ويروقكم من ابيات شعر عراقيه
لمني بيدك
قبل لا نصبح سوالف ترفه، بحلوك الجريده لمني بيدك مثل شاعر لملم أحروف القصيدة لمني بيدك قبل لا تخسر عشگ أنت لتريده ولمني بيدك مثل شايب خاف لا يخسر وحيده مثل واحد عاش گابوس بحياته ولگه أحلامه لسعيده لمني بيدك قبل لا گلبي الهجر، يگطع وريده قبل لا جسر المودة تهدمه زلزال ورعيده او قبل لا ياخذني غيرك اصرخ ابحسره اريده |
|
12-27-2023 | #6 |
|
رد: ملامح عراقيه - - مايروقني ويروقكم من ابيات شعر عراقيه
عمر خلص تعب بي راحة ماشفنه
لاعشنة بشبابة ولاتونسنه كل باجر يجي باجر نگول تهون وباجر من يجي ازيد يتعبنه نرتاح شوگت والعمر ماله حدود التعب ينشاف ظل حتى بسوالفنه بله بيا بخت نگضي العمر حسرات الفرح مامر علينه الحزن صاحبنه ليغرك شكلنه ادكول ذوله اكبار اصغار اعمارنا والوگت شيبنه |
|
01-08-2024 | #8 |
|
رد: ملامح عراقيه - - مايروقني ويروقكم من ابيات شعر عراقيه
ها ياليل....
مامليت من لوعاتي وجروحي ولك ياليل ماضل حيل ... كل ساعه التمر منك... تذلني وتعصر بروحي حتى الكمر والنجمات... ملن من لهفتي وصفنتي ونوحي ولك ياليل.... والله انه اكسر الخاطر... كضه عمري الحزن يمطر على اسطوحي وحلمي انذبح جدامي.... وصرت مجبور... اغني بطور مامطروق.. ابشهكه وطالعه من حلك مذبوحي وسالفتي جبل ياليل .... بس ذلني الوكت ياحيف... خلاني اطخ الراس لسفوحي اونكت روحه عليه الظيم... وصارت سولتي بالآه ..... سكته وحاير بروحي |
|
01-08-2024 | #9 |
|
رد: ملامح عراقيه - - مايروقني ويروقكم من ابيات شعر عراقيه
عيوني وچذبن وياي
وين الگه الصدگ عدمن؟ بس طيور تعبانات يمي بليل يلتمن سوالف گلبي وي دنياي بيمن هالگلب أمن؟ تعز روحي تفز روحي واگل للخوف ظل بالبيت وانه امشي انه الخواف يادنيا انه الخواف من كلشي |
|
كاتب الموضوع | وارفة البيان | مشاركات | 286 | المشاهدات | 16734 | | | | انشر الموضوع |
(عرض التفاصيل) عدد الأعضاء الذين شاهدوا الموضوع : 14 (إعادة تعين) | |
, , , , , , , , , , , , , |
|
|