سجل حضورك ببيت من الشعر

لولا الحسد ماشفت بالناس ضايق
وماشفت ناسٍ تشتكي من مرضها

" الوقت علّمنا دروس وحقايق "
الناس كل أسبابها ؛ من بعضها ..

خلك عزيز النفس لو همومك جبال
لاتشتكي للناس من حر مافيك

هاذا الزمن ياصاحبي كله أهوال
يهديلك البسمه ويرجع يبكيك .

‏ما كُنتَ مثل العابرينْ بأعيني
إنّي أراكْ مَكثت في أعماقيِ..!!
راق لي

بين الصبر والصمت والخاطر الشين
ما قلت .. يا ليل العنا وش جرالي

و من كثر صدماتي بناسٍ عزيزين
قمت أتحرى صدمتي من ظلالي

نجـ سهيل ـم معجب بهذا

لا تصغّر كبير وْلا تكبّر صغير
وانتبه والمعادن ميِّز افروقها

وأنزل الناس منزلها وخلّك بصير
وأعط كل الخلايق صافي حقوقها .

نجـ سهيل ـم معجب بهذا

يالله ياللي فزعتك تكشف الضيق
في بحر عفوك ماتضيق المراسي

انا فوجهك من قليل التوافيق
ومن موقفٍ مايرتفع فيه راسي .

نجـ سهيل ـم معجب بهذا

انا فـ ذرا يمناي ماني في ذراك
لي عزة ٍ ترقا سما ما ترتعش

كانك تبي تروح روح الله معاك
ماني بميت منك جوع ولا عطش .

نجـ سهيل ـم معجب بهذا

‏على الساعه " ثمان " اقول يا فتاح
وتذبل وردتين // وتمطر احداقي

توسدت الحنين .. وكل حلمٍ لاح
وتلحفت الغياب .. وطعنة فراقي

وصحى جفن القصيد الغافي الوضاح
وتبسم وجهك الفاتن على اوراقي

تورّد عقرب الساعه " لقاء وافراح "
وانا بين الثواني فاقد الساقي .. !

‎
ذائقة

روح الأمل معجب بهذا

‏جيتك وقلبي صادق الود مشتاق
يدفعني الحب الحقيقي وشوقي

ماكنت اظن انـك مخـادع وبوّاق
ولاجـا على بـالي وفكـري تبوقي

ورجعت منـك بنيّة البعد وافراق
لو الغـلا يجـري بـدم العروقي

ذائقة��

روح الأمل معجب بهذا

تلزمني الخوه ويلزمني الطيب
لو هي على فنجال والا بياله

ولا التفت فـ مدورين العذاريب
خل الحسد يقضي عليهم لحاله