| ~{فعاليات منتديات وهج الذكرى}~ | |
|
|
|
|
|
|||||||
| وهج الطرائف والإشاعات والمقالب كل ماضاق صدرك ادخل هنا |
 |
|
|
|
أدوات الموضوع | انواع عرض الموضوع |
|
#1
10-05-2017
|
||||||||||||||
|
||||||||||||||
عريس يا بوووى !!
عريس يا بوى .... طخه بس متعوروش يا بوى... بركاتك يا حسين :sm240:  هالو ايفرى بادى لا مش يقرا سورتين اقصد يفتح عليه فى الكلام ...... وحشتونى جدا جدا اوى خالص اياك وان .....اسمع حد بيقول لا انتى موحشتناش خالص .... سكتم بكتم انا بقى حبيت اكتب النهاردة الموضوع ده علشان البنوتات اللى فالمنتدى علشان نفرح بيهم بقى وان شاء الله يروحه بيت العدل .....مش "العدل جروب"  لا انا اقصد بيت الهنا والسعادة والسكر الزيادة وعقبالكم كلكم جميعا نفر .....نفر لما تنفك عقدتكم "قولوا امين "ولو انها شكلها عقدة بشنيطة ومحدش يقولى يعنى ايه لانى معرفش سيداتى انساتى عايزاكم النهاردة تطرطقوا ودانكم على الاخر :sm2  ان شاء الله اذا حد فيكم اتفكت عقدته واتخطب فاليكن بعض من النصائح اللى بأذن الله هتوديكم فى داهية عايزاكى اول ايام الخطوبة لازمن ..... ولابندق انك تاخدى بالك من تصرفاتك كويس بدل ما العريس يطفش من اولها بعد ما جه بطلوع الروح ..... والدعاء فى الصلاة .... وزيارة اولياء الله الصالحين والدوخة عند المشايخ ...والكلام ده كله يعنى تحافظى عليه لاخر نقطة فى دمك وتذكرى جيدا انه محدش بياكلها بالساهل..... ده المثل الوحيد اللى يفضل حلقة فى ودنك فردة واحدة مش فردتين اول ما تعرفى ان العريس قادم وجاى يزوركم بعد الخطوبة  علطول من غير كلام تروحى تنضفى وتلمى النعكشة والكمبوشة اللى عملاهم فى دماغك وتحاولى تسرحيه كده وتسشوريه او تولعى فيه الاتنين واحد ده اذا كنت من ذوات الشعر ابوسلك مواعين اما اذا كنتى من ذوات الشعور الناعمة الملساء فانصحك بانك تخبيه من عين العريس وامه لانه بعد الجواز مش هيفضل منه ولا شعره وبالتاكيد هتركبى باروكة ده من كتر حرقة الدم والعلق اللى هتاخديها فالاحسن والافضل انك تلبسى ايشارب وتداريه  - نيجى للميك اب والميك ام عايزين مكياج بنانيتى يا ست الكتكوتة " على راى اللمبك" يعنى حاجات كده على خفيف بلاش سايبس وتريكس والبلاك اللى بتهببى بيه عينك خليكى على طبيعتك ميك أب رقيق كده كده الراجل هيشوفك بعد الجوازمن غيره وبالتاكيد هيتفزع ومش بعيد يغمن عليه من اول طلة فعلشان نتفادى الصدامات والذى منه نؤهله من بدايتها واهم من ده كله البرفانات واختراع الروايح والحاجات الحلوة دى وتسيبك بقى من فرم التوم وريحة البصل والموغات كده كده ايامهم جاية جاية غصب عنك او برضاكى اللبس عايزين احترام واحتشام وادب يعنى بلاش محزق وملزق وبلبانة علشان ميقولش من اولها سايبة ومفيش حد يلمها وابقى بعد الجواز طلعى عينه والبسى كل اللى نفسك فيك اهو هيكون ادبس وخلاص ولو ان ابقى قابلينى لو عتبتى بالهدوم دى بره عتبة باب البيت ولو عتبتى هتلاقى الباب فوق نفوخك عدل امال..... ساعتها هيكون زمن الدلع والعياءة ولى وراح وأتى زمن الجلاليب ام سفرة وكم بكرانيش المهم لبسنا واستحمينا وحطينا ميكب واتريحنا وبقينا تمام نقعد بقى نستنى الفرج لحد ما العريس يجى يرزع على الباب لا استنى .... مش من اولها لهفة وقلبنا يهفهف زى الغسيل المنشور ونروج جرى رهوان على الباب.... لا ساعتها تفتكرى ان التقل صنعة تهمدى كده ونقعد مكانا وتخلى حد من اخواتك يفتح الباب ويستقبله وتنبهى عليهم خاصة لو كانوا صغيرين مش اول ما يشوفوا علبة الشيكولاته يخطفوها ويسيبوه ملطوع على الباب علشان الراجل مايقولش محرومين وطفسين ويحس انه مناسب مجاعة افريقيا تسيبه كده يجى نص ساعة قاعد مع بابا ياكل دماغه شوية من الرغى وبعدها تخرجى من الاوضة علشان هيكون الراجل فرفر خلاص وبيقول انقذونى اول ما تشوفيه عايزين اتنين كيلو صلصة طماطم على وشنا من الكسوف والخجل والكلام ده والعينين فى الارض لحد ما تحسى بالحول  قال يعنى محرجة وفى نص هدومك وكأنك اول مرة تشوفى الكائنات دى "اللي هما الرجالة " بعدها نستنى جملة سلمى على خطيبك وتمدى ايدك بالطراطيف وتسلمى وبكل رقة اهلا ازى حدرتك ايون حدرتك وختيبى وتنت وكده مش حضرتك وخطيبى وطنط ابعدى عن حرف الطاء خالص لانه بيكلكع البق وأول ما الراجل ربنا يفتح عليه نسمع كويس ونرد بأدب ومش عايزين ايه... ونعم وطرش وضعف سمع من اولها خلى الاعاقة دى لبعدين كله جاى بعد كده ماتستعجليش وتفتكريها بمبى  والضحكة اهم حاجة الضحكة تكون بسيطة يادوبك فتح الخدين وضم الشفاتين بلاش الضحكة ام سنان دى علشان الطقم ما يبانش وياخد باله من الحشو والتركيب والتسويس  يعنى عايزين "يابو ضحكة جنان " "مش يابو ضحكة سنان" كمان تبقى مركزة اوى مع ماما اول ما تغمز بعينيها يعنى امشى انجعرى على المطبخ تروحى على المطبخ رهوان  وتمشى بسرعة 3 حصان بس منغير رفس وتحسسيه انك كلك نشاط وحيوية مش حيوانية وتروح تقدمى المشروبات بكل شياكة وخلى بالك من الدلق وخاصة العصاير على البنطلونات علشان التلزيق والنمل واول ما يبقى فيه كلام على الطبخ والمواعين وتقشير البصل مش عايزين نتأفف من اولها ونشوح بايدينا عارفين انها حاجات تزهق بس ما باليد حيلة لازم تبينى انك ست بيت شاطرة وياريت لو تحفظيلك كام وصفة كده من كتاب ابلة حظيرة وتقوليهم ادامه علشان قلبه يطمئن انه واخد ست البنات مخترعات الهبابات وعك البطون وعمل الشلنكبات  معلش تعالى على نفسك فى الخطوبة بس وبعد الجواز ابقى تنبلى براحتك واضربيهاله صرمة قديمة ويبقى يقابلنى لو شاف شغل بيت المهيه من جيبه لايد الشغالة عدل وابقى اتحججى بضوافرك والباديكير والمانيكير ... واوه باباه .....اوه ماماه.... فينك يا تيزة وكده يعنى لكن بالله عليكى اذا كنتى عايزة تكلبشى فى الراجل بايدك ورجلك وتاخديه الى قفص النسانيس والقرود  اقصد الزوجيه لازم تتبعى هذه الخطوات اللى كل خطوه منها تودى على سكة جنينة الحيوانات واللى يروح مايرجعش واسأل مخرب والف الف مبروك وربنا يتمم بخير  المواضيع المتشابهه: 
آخر تعديل انثى متمرده يوم
10-05-2017 في 03:40 AM.
|
|
10-05-2017
|
#2 | |
 
|
هههههههههههه كبس النووووم هكمل بكره وارد تانى عليكى بس رووووعه تمرد ربى يسعدك اضحك الله سنك يا اخف دم الفجر اذن سلام الى اللقاء غدااا ... فكرينى اكملها ههههههههه
|
|
|
|
|
10-05-2017
|
#3 | |
  
|
هههههههههههه
شكرآ جزيلا على الطرح الرائع و المميز إبداع في الطرح وروعة في الإنتقاء لجهودكم باقات من الشكر والتقدير اتمنى لكم المزيد من التالق والتميز لروحكم جنان الورد دمتم بسعاده لا تغادر ارواحكم |
|
|
|
|
10-08-2017
|
#5 | |
 
|
اقتباس:
المشاركة الأصلية كتبت بواسطة البرنس رامى  هههههههههههه كبس النووووم هكمل بكره وارد تانى عليكى بس رووووعه تمرد ربى يسعدك اضحك الله سنك يا اخف دم الفجر اذن سلام الى اللقاء غدااا ... فكرينى اكملها ههههههههه كويس انى سبب فضحك قبل النوم رامى ربنا يديم ضحكتك اخى ويسعد قلبك يارب واهو شويه نصايح للبنات علشان نخلص منهم بقى 1  نورتنى وشرفنى حضورك |
|
|
|
|
10-08-2017
|
#6 | |
|
اقتباس:
المشاركة الأصلية كتبت بواسطة ريماس هههههههههههه شكرآ جزيلا على الطرح الرائع و المميز إبداع في الطرح وروعة في الإنتقاء لجهودكم باقات من الشكر والتقدير اتمنى لكم المزيد من التالق والتميز لروحكم جنان الورد دمتم بسعاده لا تغادر ارواحكم دوم الضحكه ريمااس شرفتينى يا قمرى بووساتى |
|
|
|
|
| كاتب الموضوع | انثى متمرده | مشاركات | 10 | المشاهدات | 6482 |
|  |
| انشر الموضوع |
(عرض التفاصيل)
الأعضاء الذين شاهدوا هذا الموضوع منذ بعد 04-11-2024, 01:59 PM
(إعادة تعين) (حذف)
|
|
| لا توجد أسماء لعرضهـا. |
| أدوات الموضوع | |
| انواع عرض الموضوع | |
العرض العادي
|
|
الساعة الآن 01:00 PM بتوقيت الرياض
Designed and Developed by : Jinan al.klmah