من داخل الميدان

انا مش طرطور

انا مش لعبه فى ايد العسكر ولا شخشيخه فى ايد منصور

مره يقولى امشى وروح ومره يقلى انزل ثور

انا بالعربى مش طرطور

اقتل واسجن واسرق صوتى ..

وامنع عنى حقى وقوتى ..

انا مستنى دورى فى موتى

وبكره الجنه كلها حور .. انا بالعربى مش طرطور

ارمى قنابل او ملوتوف

تيجى فى صدورنا او فى الجوف

مش بيأثر فينا الخوف

بينا وبينو مليون سور

بس انا بالعربى مش طرطور

المواضيع المتشابهه:

• حايل مطر
• من أغرب فواكه العالم (قد يقتل الناس لأجلها في بعض الأحيان!)
• يا خادم البيتين لا باس لا باس
• تدريب الميدان على نظام" نور" في المرحلة الابتدائية 12 شوال

قصيدة جديدة من داخل الميدان
أنا فـ سلميِّتي ماشي ..
................................

أنا فـ سلميِّتي ماشي ..
عشان يرحل طاغوت فاشي ..

علا صوت الهتاف بالحق ..
لقيت فجأة وميض البرق ..

و رعد بيضرب الآذان ..
هتفت اعلى كمان و كمان ..

لقيت البرق نار خرطوش !
و رعد الصوت رصاص مرشوش !

سلاح آلي و قناصة !
بيزرع صدري برصاصة !

و ينزع مخي من راسي !
و ناس تشمت و لا تواسي !

أنا المغدور و أنا ساجد ..
و بيت ربِّي فـ حصار جاحد ..

أنا المسلم شهيد ديني ..
و حرب الطاغي عـ الإسلام ..

أنا اللي دمي صار مسفوح ..
أنا المبطوح أنا المذبوح ..

بأمر العسكري السفّاح ..
و داخلية معاه فـ سفاح ..

و طيب شَرْعَنِ الأزمة ..
و بوبّ البردعة لازمة ..

و حقد الطائفي تواضروس ..
و برهامي حسود مفروس !

أنا المسجون عشان بابوات !
يخلُّوا الشعب كالأغوات !

أنا المذبوح عشان عسكر ..
يقربع من دَمِي و يسكر ..

و يحكم بانقلاب العار ..
بلادي بالحديد والنار !

لكنِّي يا رفيق الدمّ !
دمائي للطاغوت بالسمّ !

و مهما بيادته كانت كاس !
ثباتي تاجي فوق الراس !

يا سيسي مش حصان قُزعة !
و لا فارس و لا خيال ..

ياسيسي فار صغير و خسيس !
نهايتك مصيدة و فـ شوال ..

أنا بالطوب أرد رصاص !
و صوتي بالهتاف قناص !

و لو حبِّيت بحور الدمّ !
أكون مُوجَة و لا بيهمّ !

دمائي لعنةْ مرصودة !
و أكفاني عليك سُودَة !

أنا القربان عشان الحق ..
ما يروِي المجد غير الدمّ !

.........................
إسلام أنور المهدي