| ~{فعاليات منتديات وهج الذكرى}~ | |
|
|
|
|
|
|||||||
| نفحــات ايمانيـة يختص بالمواضيع الاسلامية العامة على منهج أهل السنة والجماعة |
 |
|
|
|
أدوات الموضوع | انواع عرض الموضوع |
|
#1
09-07-2017
|
||||||||||||||
|
||||||||||||||
يلا نرقص!! اه نرقص مهو الفرح فرحنا ولازم نجامل العروسه
[frame="1 70"] مهو لازم نرقص امال ايه مهو الفرح فرحنا [/frame]ولازم نجامل العروسه وام العروسه كمان طبعا مستغربين العنوان وازاى هنا وبنقول يلا نرقص وبتاع استنو بس عليا وواحده واحده كده هتفهموا الموضوع !!! للاسف .. الفترة دي من الصيف هي فترة الافراح .. والناس بتروح بتحضر حتى لو عندها ثانوية عامة ! فقولت لازم ننبه على الموضوع ده .. موضوع ايه بقى ..؟؟؟ تعالوا نعرف مع بعض .. ننتقل بقى للنقظة اللي انا عامله الموضوع علشانها .. ألا وهي .. رقص البنات في الافراح !!! وطبعا ً.. هنحسن الظن في البنات .. وهنقول انهم عمرهم نيفر ايفر ما هيرقصوا في أفراح مختلطة قدام شباب .. ولكن المشكلة.. لما بيبقى البنات لوحدهم مع العروسة .. بتبدأ المهازل ! وطبعا مش محتاجه أوضح لكم طبيعة المهازل دي .. ولكن الموضوع بيتطور من الرقص الى خلع الحجاب وبعض الملابس والهزار السئ وما إلى ذلك .. وده مش كلامي ..ده على حسب رواية شهود عيان من الافراح ..  وكل ده بحجة انهم بنات وسط بعض .. عادي يعني .. بييييس يا مان .. لازم نفرّح العروسة .. هي هتتجوز كام مرة في عمرها ..؟؟!! خلونا نرقص شوية ونفرفش حبتين .. ونسيت البنت ان فيه واحدة صاحبتها واقفة في ركن الاوضة وماسكة الموبايل وعمالة تصور !! البنت دي هتقولى : وايه يعني ؟؟ صاحبتي وبتصورني ؟؟ انت مالك انتى ياست الخنيقه ؟؟!!  انا مش هرد عليكي .. بس بعد كام يوم ..لما تلاقي الفيديو بتاعك وانتي بترقصي مرفوع ومتشير على الفيس ومليون واحد شافوه ..هتعرفي ساعتها انا مالى ..  هتقولي : أبدا ً.. ده مش ممكن يحصل .. ده صاحبتي الانتيم ومش ممكن تعمل كده أبداااااااااا !!! هقولك وهو صاحبتك بس اللي كانت بتصور ؟؟؟ يمكن انتي اخدتي بالك من صاحبتك .. كان فيه عيل صغير بتاع 60 سم كده مش باين من الارض أصلا ..وسبحان الله تلاقيه ماسك ايفون وعمال بيصور !!! وتلاقي برده الواد ده اللي لسه مطلعش من البيضة ده .. هو اللي مشير الفيديو على الفيس تاني يوم ..!! بلاش كده .. هنقول ان صاحبتك هي الوحيدة اللي كانت بتصور .. وصاحبتك دي فعلا مش ممكن تعمل كده معاكي .. ولكن ..أخوها وهو بينقل نغمة من عندها ..شاف الفيديو بتاعك ..قام نقله ع الموبايل بتاعه .. ودخل على الفيس .. وشييييييييييييير يا رجالة .. تخيلي لما أمة لا إله إلا اله والأمم الاخرى تتفرج عليكي وانتي بترقصي ..؟؟؟!!!  انا مش هتكلم عن الذنوب والوزر وان كل واحد شافك والكلام ده كله .. انا هقولك هل فيه شاب محترم بعد كده هيفكر فيكي كزوجة ؟؟؟؟ ولو كنتي متزوجة .. زوجك لو شاف الفيديو ده ممكن يعمل فيكي ايه ؟؟؟؟ كل ده علشان ايييييييييه ؟؟؟ ليه تعملي كده ...؟؟؟ علشان صاحبتك هتزعل لو مش رقصتي معاها ؟؟؟ علشان طنط ام فاروق هتزعل منك لو مرقصتيش في فرح بنتها ؟؟؟ الكلام ده أنا مش بقوله من فراغ والله.. احنا عايشين الواقع المرير ده للأسف .. وكل شوية بنلاقي مشاكل ومصايب للبنات بسبب الموضوع ده ..!! لسه من فترة أخت واحده زميلتى حصلها مشكلة وكان الموضوع هييتطور لخناقة كبيرة بين عيليتن .. كانت في فرح واحدة صاحبتها .. وكان البنات في قاعة لوحدهم وهي قامت بالواجب وزيادة يعني ..  وبعدها بكام يوم .. لقت واحد بيتصل عليها وبيقولها انه معاه فيديو ليها وهي بترقص ولو مقابلتوش في المكان الفلاني هينشره على اليوتيوب والفيس بوك .. البنت طبعا خافت جداااااااا .. ولما أتاكدت من الفيديو ..كانت هتروح تقابل الولد .. لولا ان مامتها شافتها قلقانه فسألتها فالبنت قالتلها على الموضوع.. فباباها راح للولد واتخانق معاه وكانت مشكلة .. والواد في الاخر حذف الفيديو من عنده على الموبايل .. بس الله أعلم ان كان عنده على الجهاز ولا حد عند واحد صاحبه ولا في أي حتة ..!!!!! والله المستعان .. البنت = حياء والرقص وسط الناس ده حتى لو كانوا بنات ميدلش إن البنت عندها ذرة حياء .. عايزة تجاملي صاحبتك أو قرايبك .. فيه ألف طريقة وطريقة .. محبكش الرقص يعني !!!! مش متخيله واحدة تيجي يوم القيامة وفي صحيفتها : رقص 10 بلدي !!!! الله المستعان .. صوني نفسك .. واحفظي نفسك من فضيحة على الفيس والتويتر واليوتيوب قدام العالم كله ! الموبايل بقى أسوأ سلاح بيستخدم في الفضايح ..ربنا يبعد عنا شره يارب.. وربنا يستر بنات ونساء المسلمين أجمعين .. اللهم امين.. اللهم إني قد بلغت .. اللهم فاشهد .. المواضيع المتشابهه: 
|
|
| كاتب الموضوع | انثى متمرده | مشاركات | 9 | المشاهدات | 2877 |
|  |
| انشر الموضوع |
(عرض التفاصيل)
عدد الأعضاء الذين شاهدوا الموضوع : 0
(إعادة تعين)
|
|
| لا توجد أسماء لعرضهـا. |
العرض العادي
|
|
الساعة الآن 12:46 AM بتوقيت الرياض
Designed and Developed by : Jinan al.klmah