عدد مرات النقر : 0
عدد  مرات الظهور : 626,371


❦ وهـج القصص والخيال ❦ ❧ لكل ما يروق لنا من قصص او خاطرة

إضافة رد
 
أدوات الموضوع انواع عرض الموضوع
#1  
قديم 03-09-2013
بنت النيل
مي محمد غير متواجد حالياً
Egypt     Female
لوني المفضل Crimson
 رقم العضوية : 528
 تاريخ التسجيل : Mar 2012
 فترة الأقامة : 4407 يوم
 أخر زيارة : 08-25-2020 (10:59 PM)
 الإقامة : المنصورة
 المشاركات : 36,790 [ + ]
 التقييم : 228073882
 معدل التقييم : مي محمد has a reputation beyond reputeمي محمد has a reputation beyond reputeمي محمد has a reputation beyond reputeمي محمد has a reputation beyond reputeمي محمد has a reputation beyond reputeمي محمد has a reputation beyond reputeمي محمد has a reputation beyond reputeمي محمد has a reputation beyond reputeمي محمد has a reputation beyond reputeمي محمد has a reputation beyond reputeمي محمد has a reputation beyond repute
بيانات اضافيه [ + ]
شكراً: 201
تم شكره 562 مرة في 461 مشاركة
افتراضي هن و الملتزم حلقات جميلة



مي :عارفين يا بنات شفت مين النهاردة


مريم : مين يا أهم الأنباء


مي : يااااااا خفة طول عمري بقول عليكي ثكر


ياسمين :يووووووه هتفضلوا لحد إمتي عاملين زي ناقر ونقير كده


مي : لحد ما تبطل ترخم عليا


ياسمين : يا ستير عليكوا دا الأطفال أعقل منكم


مريم : طب احكي يا شهر زاد


مي : شفتي بقي مين اللي بيبدأ


ياسمين : بس بقي كفاية إنتي وهي وإنتي احكي وخلصينا وأنتي يا مريم بطلي تستفزيها


مي : انتوا عافين باسل يا بنات


مريم وياسمين في صوت واحد : آه عارفينه


مي : مبقاش باسل



ياسمين : أومال بقي الشحات مبروك مثلاً



مريم : بصي يا ياسمين انا مش هتكلم أيدي هي اللي هتتكلم عارفة لو متكلمتيش بسرعة هديكي

قلمين يفوقوكي ما تقولي يا بت ماله أنتي هتكلمينا بالقطارة


مي : أصله بقي شكله غريب أوووووووووي ربي دقن كده وبقي شكله فظيع


مريم : باسل متأكدة إن هو ولا واحد تاني



مي : أيوة يا بنتي هو هو أنا برضه معرفش باسل



مي ومريم وهما بيتكلموا مع بعض لقوا ياسمين مش معاهم خااااااااااااااالص



فجأة مي ومريم قالولها : بخخخخخخخخخخخخخخخخخخخخخخخ ( خضوها يعني :d)



طبعاً ياسمين اتفزعت يا عيني ونزلت فيهم ضرب



المهم بعد ما فاقت ياسمين من الخضة سألوها وقالولها كنتي سرحانة في إيه


قالتلهم بصوا كده يا بنات وشاورت ناحية باسل وكانت المفاجأة لمريم لأن مي شافته



مريم سكتت وقالتلهم علي فكرة يا بنات هو هيجي يسلم علينا لأنه بقاله مدة مشافناش



وطبعاً الأخ باسل عدي من جنبهم ولا يعرفهم


مريم بقت تنده عليه : يا باسل يا باسل يا باااااسل



ياسمين قالتلها : إنتي بتدوري علي عيل تايه مش عاوز يرد عنه ما رد



مريم قالت : مش ممكن باسل يعمل معانا كده أنا هروحله



مي وياسمين ندهوا عليها يا مريم يا مريم ولا حياة لمن تنادي


مريم قالت لباسل : إيه يا واد مالك بننده عليك مش بترد ليه أنت مننا


باسل حط وشه في الأرض وقال : السلام عليكم ورحمة الله وبركاته


مريم استغربت جداً من لهجته بس محطتش في دماغها وقالت له :


تصدق ليك وحشة مش بتسأل يعني وغيرت رقم موبايلك أنت


خطبت ولا إيه طب بلاش يا سيدي ما تسلم عليا ولا ........وكانت الصاعقة







عاوزين تعرفوا باسل عمل إيه مع مريم تابعونا الحلقة الجاية بإذن الله ولا اقولكم هنزل الحلقة الثانية عشان متزعلوش علي البيعة يعني

المواضيع المتشابهه:



 توقيع :
[img3]http://q87b.info/do.php?img=6324[/img3]


[img3]http://store1.up-00.com/2017-08/150302030675131.png[/img3]

رد مع اقتباس
قديم 03-09-2013   #2
بنت النيل


الصورة الرمزية مي محمد
مي محمد غير متواجد حالياً

بيانات اضافيه [ + ]
 رقم العضوية : 528
 تاريخ التسجيل :  Mar 2012
 أخر زيارة : 08-25-2020 (10:59 PM)
 المشاركات : 36,790 [ + ]
 التقييم :  228073882
 الدولهـ
Egypt
 الجنس ~
Female
لوني المفضل : Crimson
شكراً: 201
تم شكره 562 مرة في 461 مشاركة
افتراضي



الحلقة الثانية


مريم استغربت جداً من لهجته بس محطتش في دماغها وقالت له :


تصدق ليك وحشة مش بتسأل يعني وغيرت رقم موبايلك أنت


خطبت ولا إيه طب بلاش يا سيدي ما تسلم عليا ولا


........وكانت الصاعقة




باسل: آسف يا مريم مش هقدر أسلم عليكي حرام يا مريم وكمان

حرام نقف مع بعض عن إذنك



طبعاً مريم متسمرة مكانها مش عارفة تودي أيديها في أي جهة أهي تكسفت واللي كان كان رجعت لياسمين ومي وهي يا عيني وشها قرب يبقي زي الأوطة



ياسمين قالتلها مالك فيكي ايه مش عاوزة ترد يا بنتي مالك
مي قالتلها هو عملك حاجة قالك كلمة زعلتك مثلاً كسفك يعني


قالتلهم كسفني آل إيه بيقولي حرام باسل بتاع البانجو بيقولي حرام وحياة ......



مي وقفتها عند حدها : عيب يا مريم لمي لسانك إيه مالك خلاص إن شا الله عنه ما سلم


مريم : ده كسفني قدام الجامعة كلها يا مي أنتي مشفتيش منظري ياربي



ياسمين : هو الواد ده ماله فيه إيه إيه اللي جراله أتجنن ده ولا إيه







شفتوا بقي نسيت احكيلكم حكاية باسل






باسل دا بقي كان واد روش روش آآآآخر 10 حاجات وكان بيكلم بنات وبيخرج


وكان من ضمن البنات دي ياسمين ومي ومريم بس هما دول أنتيمه فجأة وبدون أي


مقدمات باسل بعد عنهم مدة طويلة جداً بس الفترة اللي باسل بعد فيها عنهم كان بسبب


أنه كان بيتعالج في مصحة من الإدمان وفي المصحة ربنا ارشده للطريق الصح

طبعاً لقي صعوبات كتيييييرة في الأول ضعف واستسلم لكن واحدة واحدة بقي بيتأقلم مع

الناس اللي هناك وبعد عن الشباب اللي كانوا بيضروه واتصاحب علي شباب كويسين

الحمد لله بدأ يصلي وواحدة واحدة قرب من ربنا اكتر لحد ما قربه من ربنا ساعده

علي الشفاء بسرعة وخرج ومارس حياته عادي بس مش أي حياة دي كانت اجمل واحلي حياة في طاعة الله
أول مشكلة واجهت باسل صحابه القدام عاوزين تعرفوا شكل المقابلة كان عامل إزاي برضه هتابعوني في الحلقة الجاية

ان شاء الله الحلقة الجاية هتبقي نار لأن أحداثها هتسخن جامد وباسل هيواجه مصاعب كتتتتتتتتتتتتير بس السؤال يا تري هيتغلب عليها ولا لأ

تابعووووووووووووووووووووونا



 


رد مع اقتباس
قديم 03-09-2013   #3
بنت النيل


الصورة الرمزية مي محمد
مي محمد غير متواجد حالياً

بيانات اضافيه [ + ]
 رقم العضوية : 528
 تاريخ التسجيل :  Mar 2012
 أخر زيارة : 08-25-2020 (10:59 PM)
 المشاركات : 36,790 [ + ]
 التقييم :  228073882
 الدولهـ
Egypt
 الجنس ~
Female
لوني المفضل : Crimson
شكراً: 201
تم شكره 562 مرة في 461 مشاركة
افتراضي



الحلقة الثالثة
بعد اللي عمله باسل مع مريم حس بتأنيب ضمير وقال في نفسه



أنا إزاي أعمل كده دي مريم أعز صديقة ليا أجرحها بالإسلوب دا لكن


سرعان ما رجع لعقله وأيقظ نفسه وقال : أعوذ بالله من الشيطان


الرجيم لا حول ولا قوة إلا بالله أنا اللي عملته دا عين العقل أنا إتغيرت


وعرفت ربنا وعرفت أن مفيش صديق غير القرآن والصحبة الصالحة


وكمان حبيبي أمرني بكده يبقي لازم أطيعه وأنفذ أوامره مش كفاية


اللي عملته قبل كده وحس باسل بدموعه علي خده وبكي بشدة لأنه


كان غافل عن عن طاعة الله




تاني يوم في الجامعة باسل قابل صحابه القدام تيجوا نشوف شكل المقابلة


إبراهيم : مين اللي جاي علينا ده ياد يا إيهاب



إيهاب : محمد منير هههههههههههههه هيكون مين يعني



إبراهيم : يا خراشي علي خفة دمك ياد ياخراشي علي العسل هات بلاص


ولم العسل ياض وبعدين أنت تعرفه ؟؟؟


إيهاب : لأ بس تيجوا أعرفكم عليه هههههههه



إبراهيم : تصدق يا إيهاب أنا بدأت أكرهك بسبب خفة دمك دي

تصدق إنك ثقيل يالا غور من هنا بقي لأرش ميا


محمد : إنتوا عمالين تهزروا والشخص دا جيلنا إحنا بالذات بصوا لبسه

عامل إزاي


إيهاب : أه والله ياد يا محمد تصدق عندك حق لبسه عامل كده ليه جلابية بيضا وطاقية بيضا هو جاي من الحج ولا إيه هههههه




إبراهيم : إيهاب بطل بقي الظرف بتاعك دا وركز شوية في الجد


اكيد الإنسان دا عارفنا



إيهاب : أه يااااااااااااااد دا جاي علينا أخلع أنا سلاموز يا كبير لقي صوت من



بعيد بينده عليه ويقول :



يا إيهــــــــــــــاب



إيهاب وقف مكانه ونفس الصوت اللي قال إسمه قاله



تعالي تعالي رايح فين أنا جايلك إنت مخصوص


طبعاً إنتوا متخيلين منظر إيهاب عامل إزاي :d



إيهاب لف وراه لقاه باسل قال :


مش ممكن باسل حبيب قلبي أزيك عامل إيه واحشني يا برنجي إيه يا


فينك يا ندل يا جبان يا وحش كدا تسيبني لوحدي


باسل : إيه يا إيهاب مالك هو أنا كنت واخدك عن حب :d:d:d:d






نسيت أقولكم أن باسل بيتمتع بخفة دم لذيذة وإيهاب أقرب الأصدقاء ليه من الشلة القديمة



باسل سلم علي إبراهيم ومحمد لكن برضه كانوا مستغربين جدأ من



منظره إبراهيم قاله :



إيه يا باسل منظرك ده وربيت دقن ولبست جلابية إيه دا كله إيه دا كله


إيهاب : تلاقي هدومه في الغسيل كخ كخ كخ كخ كخ كخ كخ كخ كخ


دا أنت بقيت شبه توفيق الدقن


فضل باسل ساكت لحد ما خلصوا كلامهم وقالهم خلاص خلصتوا

كلامكم وأنت يا محمد عاوز تقول حاجة ولا ..... هو أنت لسه مندهش

زي ما أنت :d:d




معلش هقولكم حاجة كمان أن محمد مشهور بالمندهش بين اصحابه بس لانه بيفضل متنح كده وبيفوق بعد الخضة




باسل قالهم : أنا سمعت تعليقاتكم اللي كنت متوقعها منكم بس لما تعرفوا السبب بجد هتتمنوا تبقوا زيي زيي إيه أحسن مني كمان




معلش طولت عليكم يارب تكون الحلقة دي عجبتكم


.
.
.
.
.
.
.
.
.
.
.
.


رايحين فين هو أنتوا مش عاوزين تعرفوا قاعدة الشباب حصل فيها إيه


تابعوني في الحلقة الجاية بفضل الله



إلي اللقاء بإذن الله



 


رد مع اقتباس
قديم 03-09-2013   #4
بنت النيل


الصورة الرمزية مي محمد
مي محمد غير متواجد حالياً

بيانات اضافيه [ + ]
 رقم العضوية : 528
 تاريخ التسجيل :  Mar 2012
 أخر زيارة : 08-25-2020 (10:59 PM)
 المشاركات : 36,790 [ + ]
 التقييم :  228073882
 الدولهـ
Egypt
 الجنس ~
Female
لوني المفضل : Crimson
شكراً: 201
تم شكره 562 مرة في 461 مشاركة
افتراضي



الحلقة الرابعة









بعد ما باسل ساب صحابه يقولوا كل اللي عندهم اتكلم هو بقي وقال:


أنا دقت حلاوة القرب من ربنا..~ الفترة اللي كنت بعيد عنكم فيها كنت مخنوق ومتضايق لدرجة

إني كنت مش عاوز معايا مخلوق زهقت من حياتي اللي انا عايشها حاولت أدور علي أي شئ

جديد ملقتش بس لقيت إن مفيش حاجة هتتجدد غير إني أتجدد سألت عن مصحة لمعالجة الإدمان

طبعاً كنت متردد جداً وأنا رايح اسأل بس كان لازم اتشجع وسألت ودلوني علي مصحة ورحت

لقيت ناس ولا كأنها أدمنت أصلاً بالعكس لقيت شباب زي الفل المهم جه واحد وقالي أنت هتكون هنا

مرتاح ومبسوط قلتله أنا عاوز أتعالج مريت بظروف صعبة جداً عليا كنت أقول لأبويا لما كان

بيزورني خدني معاك مش عاوز أكون هنا كنت غلطان لما قلت إني عاوز أتعالج صرخت بأعلي

صوتي أبويا كان بيشجعني وساعدني كتير أوووووووووووووووووي وتعب معايا لقيت شباب برضه

في المصحة بيدمنوا وخدوني معاهم وشربت بس أنا بعدها خدت قرار إني مش هرجع تاني وفعلاً

مرجعتش واتحملت التعب والألم اللي كانوا في جسمي الحمد لله ربنا أراد إن يكون ليا صديق في

المصحة كان متدين وعلي خلق قالي : أنا كنت زيك كده تمام ويمكن اسوأ منك بس بفضل ربنا عليا

إني كنت بدعيه والحمد لله استجاب ليا أول مرة احس يعني إيه إيمان كنت مشتاق أوي للدنيا دي


وكل ما اشتاق كل ما أقرب وأقرب وأقرب لحد ما بقيت باسل بجد مش مجرد اسم وشكل ووسامة

وزي ما انتوا شايفين أنا بجد مبسوط بحياتي عقبالكم يارب




طبعاً عاوزين تعرفوا رد فعل صحاب باسل هقولكم الحلقة الجاية بفضل الله بس تعالوا نشوف البنات بقي يالا بينا




مريم ومي وياسمين عندهم فيس بوك كلهم اتجمعوا وفتحوا شات مشترك واتكلموا مع بعض وبسمة

أخت باسل وكانت من صحاب شلة البنات القديمة لباسل المهم كلهم فتحوا واتكلموا :


مريم : شفتي يا بسمة أخوكي عمل فيا إيه النهاردة في الجامعة مش مصدقة باسل يعمل كدا


بسمة : هو عمل إيه حكتلها مريم علي اللي حصل في الجامعة بسمة قالت : لألألألألألألألألأ


ملهوش حق باسل أصلاً معرفش إيه اللي قلبه كدا كل حاجة عنده بقت حرام حرام حرام خنقني

أووووووف إيه دا أنا قاعدة في كبت جو كآبة اسمع أغنية يقولي اسمعي قرآن اقوله طيب

زهقني مبقتش طايقاه ألبس حاجة يقولي لأ أقلعي اللي إنتي لابساه ده وجابلي إسدال آل إيه البسيه

ياسمين : إسدال لالالالالا أخوكي أكيد اتجنن هو ايه بقي هيعمل فيها شيخ علينا ولا إيه ماله دا


قوليله يخليه في حاله احنا مش ناقصينه بقي إيه دا مبحبش التشدد ده الدين يسر وليس عسر

مي : يا بنات أنا عارفة إنها حاجة تضايق بس إنتوا مأخدتوش بالكم من باسل بقي إنسان تاني


بقي كويس جداً إبتسامته مش بتفارقه ابدً انا كنت بضحك عليه بس لما روحت البيت استغربت اوي

قلت أكيد فيه سر .........

مريم :نعم نعم يا ست مي إنتي إيه غير رأيك فجأة كده إنتي ناوية تنضميله ولا إيه لأكده مش هينفع


بسمة : إيه يا بنات انتوا مش ملاحظين إنكم بتتكلموا عن أخويا ولا إيه انا مش عاجبني حاله بس دا


برضه اخويا خفوا التفل شوية واتكلموا عدل

مريم : خلاص يا ستي متزقيش محسساني أنك بتتكلمي عن عمرو دياب ولا محمد منير


ياسمين : خلالالالالالالالالالالاص يا بنات احنا صحاب مش كده بت يا مي هتروحي معانا إن شاء الله


الرحلة بتاعة مرسي مطروح دي هتبقي رحلة جامدة مووووووووووووووووووووووووووووووت

مي مي مي مي ................................. مريم مي فاتحة عندك ؟

مريم : لأ يا بسوم خلاص يا حبي متزعليش يا قمري بقي ها مي فاتحة عندك ولا إيه ؟؟؟


بسمة : لأ مش فاتحة استني اتصل بيها اشوف قفلت ليه رنت عليها لقت موبايلها مقفول قالتلهم


إيه دا كمان موبايلها مقفول

ياسمين : اومال راحت فين البت دي خلاص يا جماعة يمكن النت فصل عندها







مريم وبسمة وياسمين قضوا اليوم في ضحك وهزار واغاني وفرفشة ولايكات

.
.
.
.
.
.
.
.
.
.
.
.
.
.

تيجوا نشوف الحلقة الجاية مي قفلت ليه وتأثير كلام باسل علي
صحابه

إلي اللقاء



 


رد مع اقتباس
قديم 03-11-2013   #5
بنت النيل


الصورة الرمزية مي محمد
مي محمد غير متواجد حالياً

بيانات اضافيه [ + ]
 رقم العضوية : 528
 تاريخ التسجيل :  Mar 2012
 أخر زيارة : 08-25-2020 (10:59 PM)
 المشاركات : 36,790 [ + ]
 التقييم :  228073882
 الدولهـ
Egypt
 الجنس ~
Female
لوني المفضل : Crimson
شكراً: 201
تم شكره 562 مرة في 461 مشاركة
افتراضي



الحلقة الخامسة



بعد ما مي قفلت معاهم قعدت مع نفسها وفضلت تفكر في اللي عمله باسل واللي بيعمله

قالت لنفسها : إيه اللي جراله خلاه كده باسل عمره ما كان كده هو دايماً بيحيب يقعد معانا

وكمان بيحبنا مش ممكن يكون باسل سبنا عشان لبس طاقية وجلابية بيضا طب إيه السر

في اللي بيعمله باسل دا أنا لازم أعرف السبب لا يمكن أقعد كده بس فيه مشكلة إن باسل

شالني من الفيس يعني مش هعرف اتكلم معاه وكاتب في النيك نيم (حسابي للإخوة فقط )

مش فاهمة حاجة ويعني إيه إخوة صلاً لالالالا أكيد الموضوع دا غامض وباسل اتجنن

ما هو لازم اعرف الفولة وانط في البير واغطس واطلع بالمطلوب ...................




نشوف صحاب باسل قالوا إيه بعد ما باسل روح وهما ماشيين فكروا في كلامه



إيهاب : تصدق يا محمد كلام باسل أثر فيا أوي مش عارف ارتعشت كده لما سمعته


إبراهيم : تصدق وأنا كمان ياد يا إيهاب كنت هعيط من كلامه والله حسيت إني عاوز

اهرب للجامع واعيط ومخرجش منه إلا وأنا ميت بس إزاي بقي إحنا داخلين النار أصلاً


محمد : إيه يا حلو منك له إنتوا فاكرين إن باسل هيفضل كده علطول باسل دا يابني

كلامنجي النهاردة بكلمة بكرة بكلمتين بعده بتلاتة وهكذا انتوا بس اللي يقلبكم رهيف

فوق منك له أنتوا مش شايفين البنات أشكال وألوان حلوين إزاي بص بص متع نظرك


أيهاب وإبراهيم فضلوا يبصوا ويعاكسوا بس إبراهيم آه بيعاكس بس مش مركز في كلامه خالص وبيقول : إيه يا سكر إيه يا حلو إيه يا

................... مش شتيمة ولا حاجة النقط دي بس هتعرفوا دلوقتي من كلام محمد ليه

محمد :إيه يا عم إبراهيم إنت شغال في التموين إيه يا سكر إيه يا مكرونة دا انت ناقص

تقولها إيه يا رز إيه يا زيت إيه يا سمنة جت نيلة بومة من يومك جتك القرف يالا

ياخويا ومتنساش تعدي علي السوق تجيب قوطة وكليو بصل دي بنات يا أبو جهل




إيهاب سمع كلام محمد ونزل ضحك لحد ما قال يا بس كل واحد فيهم روح البيت وإبراهيم بقي يفتكر كلام باسل وعقله يودي ويجيب




قال في نفسه : طب وليه مكنش زي باسل هو مش أحسن مني في حاجة ولا انا أحسن منه أنا ليه مكنش مسلم ليه مكنش محمدي ليه وليه وليه سقطت منه دموع عينيه وهو اول مرة يعيط من قلبه دموغه قربت تبقي دم قام اتوضي وصلي وفي السجود :

أنت وحشتني اوي يارب غيابي طول أنا عارف طول 20سنة ( ده سن ابراهيم )

انا مش قادر يارب إنت عارف إني نفسي أرجعلك من زمان بس مش عارف

مش قادر مش قادر انا بموت ف اليوم ألف مرة ومحدش حاسس بيا يارب أنا تعبان

آآآآآآآآآآآآآآآآآآآآآآآآآآآآآآآآآآآآه خدني ليك خدني ليك وريني الطريق نور لي النور وأنا هروح

بس قولي فين الطريق أنا يارب عرفت بنات بس معملتش حاجة وحشة معاهم بسمع

أغاني بعاكس البنات بتفرج علي مواقع إباحية وبسهر بليل اشرب مع صحابي اشرب

حشيش وآخد حقن أنا مقرف أوي يا رب أنا حقير أوي يارب أنا حيوان


قام إبراهيم من السجود وسمع آذان الفجر خلص صلاة وقام صلي الفجر أول مرة ابراهيم

يصلي في المسجد ولقي مفاجأة غريبة جداً هتعرفوها بعدين



نشوف باسل بقي




أهل باسل رغم إنهم فرحوا بإلتزامه بس أمه معجبهاش تصرفاته

وقالت له : باسل يا ابني انا فرحانة بيك أوي بس مش معني كده إنك تمشي كلامك

علينا لازم تعرف إن أبوك لسه عايش مماتش قالها :

ربنا يديكم العمر يا ست الحبايب بس فيه إيه لكل الكلام ده أمه اتكلمت معاه بعنف قالت :

بقولك إيه يا زفت إنت متستهبلش عليا انت فيك ايه هتعملنا فيها شيخ حرام وحلال

ماتبطل انت فاكرنا قدامك شياطين احنا الحمد لله عارفين الصح من الغلط ملكش دعوة

بأختك خالص أختك مؤدبة ومحترمة وأنا مربياها احسن تربية و........

قطع باسل كلام أمه وقالت لها بعنف : إنتي إزاي تتكلمي معاا كده أنا راجل برضه ومن

حقي أخاف عليها زي ما بتخافوا عليها أنتوا إيه مالكوا من ساعة ما ربنا هداني وانتوا

مش طايقين لي كلمة في البيت دي حاجة تقرف مش تفرحولي حرام عليكم بقي مش انتوا

اللي كنتوا عاوزيني اتصلح اديني اتصلحت يارب انا تعبت بقي وزهقت من القرف دا

مش عارف ارضيهم تعبت قولي اعمل ايه ارضيك ولا ارضيهم


دخل باسل اوضته وقفل علي نفسه ومخرجش منها إلا تاني يوم



.
.
.
.
.
.
.
.
.
.


تيجوا نشوف باسل عمل ايه لما دخل اوضته

تيجوا نشوف مي هتعمل ايه عشان تعرف حقيقة باسل

تعالوا نشوف المفاجأة اللي شافها إبراهيم كل ده هتعرفوه


الحلقة الجاية بإذن الله






أحبكم في الله



 


رد مع اقتباس
قديم 03-11-2013   #6
بنت النيل


الصورة الرمزية مي محمد
مي محمد غير متواجد حالياً

بيانات اضافيه [ + ]
 رقم العضوية : 528
 تاريخ التسجيل :  Mar 2012
 أخر زيارة : 08-25-2020 (10:59 PM)
 المشاركات : 36,790 [ + ]
 التقييم :  228073882
 الدولهـ
Egypt
 الجنس ~
Female
لوني المفضل : Crimson
شكراً: 201
تم شكره 562 مرة في 461 مشاركة
افتراضي



الحلقة السادسة











باسل قفل باب أوضته بالمفتاح وفضل يكسر في أوضته وبعدين بعد ما خلص تكسير


بكي باسل وقال : يارب أنا تعبت بقي مش عارف أرضيهم إزاي ليه يا رب الناس


بيهاجموا اللي ماشين في الطريق الصح ليه عاوزين يهدونا يارب ليه أنا تعبت أوي بقي


اتصل باسل بصديق ليه إسمه أيمن فضل يرن مردش عليه رن تاني رد ودار الحوار


أيمن : السلام عليكم ورحمة الله وبركاته


باسل : وعليكم السلام ورحمة الله وبركاته إزيك يا أيمن


أيمن : الحمد لله بس مين معايا


باسل : أنا باسل يا أيمن إنت نسيتني ولا إيه


أيمن : إزيك يا حبيب قلبي عامل إيه أصل صوتك متغير معرفتكش مالك يا باسل


باسل : قرفان يا أيمن أهلي تعبوني مش عارف أراضيهم إزاي طب قولي أعمل إيه


لأني تعبت خلاص يارب اموت عشان يرتاحوا مني خالص


أيمن : استغفر الله العظيم متقولش كده يا باسل كل حاجة وليها حل يا غالي بص يا باسل


مشكلتك دي أنا كمان وقعت فيها في بداية إلتزامي مكنتش عاجب حد ههههههه لدرجة


إنهم كانوا بيدعوا عليا وكمان بينادوني بالإرهابي شفت وصلت لدرجة إيه يا حبيبي


لازم تقابل الصعوبات دي اومال هتدخل الجنة كده لازم تتعب عشان توصل كل دي


اختبارات من ربنا يا باسل عشان ربنا يعرف اللي صادق واللي كاذب أوعي يهزك كلامهم


وإعرف إنك كدا ماشي صح طول ما الناس كلها بيعارضوك يبقي إنت كده في الطريق


الصح خليك ماشي متبصش وراك او تحت رجليك متسمعش لكلام الناس دول هيضلوك


تاني أهدأ يا بيبو كدا واستعيذ بالله من الشيطان الرجيم كل دا شيطان يا باسل ما بيصدق


يلاقي الملتزم إتهز عشان يغويه تاني أوي تديه فرصة قوله لأ أنا محمدي أنا مسلم


وبعدين إنت هتقابل صعوبات في الشارع وفي البيت وفي الجامعة في كل حتة يعني لازم



تستعد للحرب مع الشيطان وتجهز دفاعك وهو الكتاب والسنة آه فيه ناس مش هيقتنعوا


بكلامك بس إنت كده بتحارب نفسك الأمارة بالسوء والشيطان قوم صلي ركعتين كدا


واستهدي بالله وإن شاء الله الجاي أحسن ولو عاوز أي حاجة اخوك موجود



باسل : ياااااااااه يا أيمن كلامك ريحني أوي ربنا يحبك ويرضي عنك يارب



حاضر هقوم أصلي يا حبيب عاوز حاجة ؟؟



أيمن : عاوز سلامتك يارب غالي يالا عشان مأخركش السلام عليكم ورحمة الله وبركاته



باسل : وعليكم السلام ورحمة الله وبركاته قفل باسل مع أيمن وراح عشان يتوضي



ويصلي صلي باسل وبقي يستغفر ربنا ويرجوه إنه يرضي عنه ويسامحه وخلص باسل



صلاة وطلع لأمه عشان يصالحها باس إيديها ورجليها وقال لها : سامحيني يا أمي حقك



عليا آخر مرة هرفع صوتي عليكي ومش هعصيلك أمر تاني أنا سف سامحيني يا أمي



بكت أم باسل من اللي عمله وقالتله مسامحاك يا ضنايا دا انت ابني دا انت حبيبي


انت روحي ربنا يهديك ويصلح حالك كمان وكمان يارب يا حبيبي



قالها أمي مش ة مني بجد قالتله بجد يا نور عيني قلها كده انام وأنا مطمن تصبحي


علي طاعة ربنا يا غالية عليا قالتله : وإنت من أهله يا حبت عيني



حس باسل بالراحة لما نجا ربنا وصالح امه ونام أحلي نومة وبعد ساعات من النوم قام



باسل عشان يصلي قيام الليل وبعد كده ينزل يصلي الفجر ويلحق الصف الأول








بعد ما إبراهيم خلص صلاة نزل عشان يصلي الفجر وأول مرة إبراهيم يصلي الفجر في


الجامع دخل المسجد ولقي مفاجأة رهيبة جداً لقي صاحبه محمد قاله :


مين محمد طب إزاي لالا أكيد مش إنت إيه دا يا محمد إنت في المسجد


مش واخد بالك إنت دخلت جامع


محمد: أنا كنت جايلك عشان نسهر مع بعض زي ما بنتعود بس أول مرة أسمع الآذان


واتكسف من ربنا أوي كدا حسيت إن حاجة بتقولي خش يا محمد ربنا بيناديك ربنا بيحبك


عشان كدا الآذان أذن وإنت موجود جنب الجامع اترددت أوي عشان ادخل لقيت راجل


كبير قاللي مالك يا إبني إيه مش عاوز تدخل ؟ تعالي يا حبيبي مش هتندم والله هتحب


الصلاة اوي استغربت جداً لما عرفت أنه عارف إني مبصليش وبعدين قلتله :هو إنت


تعرفني قاللي آه يا حبيبي بس معرفش اسمك مش إنت اللي بتيجي لإبراهيم هنا علشان


تخرجوا في معاد الصلاة قاللي أنا إمام الجامع بس نسيت حاجة وطلعت أجيبها من البيت


محمد : آه أهلاً وسهلاً


الشيخ : أهلاً بيك يا حبيبي ربنا يهديك ويهدي شباب المسلمين جميعاً


محمد أول مرة حد غريب يدعيله جسمه قشعر وكتم دموعه عشان الشيخ ميشفهاش



إبراهيم :ياااااااااااااااااااااه كل دا حصل وأنا فوق سبحان الله بس تصدق إني مش


مصدق إنك هنا دلوقتي عاوز ميا تلج عشان حد يفوقني


محمد : متفرحش أوي كدا يا خويا وهتبقي آخر مرة إن شاء الله


إبراهيم : لأ يا محمد مش هتبقي آخر مرة بالعكس ده أول الطريق يا صحبي أنا فرحان



الآذان اذن وأقاموا الصلاة ومحمد وإبراهيم وقفوا في الصف الأول لأنهم جايين بدري


جداً وقرأ الشيخ بصوت عذب جداً خلي محمد وإبراهيم يبكوا من الآية الكريمة دي


قال تعالي :(( قل يا عبادي الذين أسرفوا علي أنفسهم لا تقنطوا من رحمة الله إن الله


يغفر الذنوب جميعاً إنه هو الغفور الرحيم )) لا حول ولا قوة إلا بالله بعد ما الصلاة


خلصت الشيخ لقي إبراهيم ومحمد خارجين نده الشيخ وقال : يا إبراهيم إزيك يا إبني


قاله الحمد لله كويس قاله والله النهاردة فرحتي مش سايعاني يا ولاد الحمد لله يارب


أيوة كده يا شباب النبي أيوة كده يا حبايب علوا الهمة كدا وخلوا قلبكم جامد


ومتستسلموش للشيطان يا سلام علي فرحتي بيكم يا ولاد ها قولولي رايحين فين ؟؟


محمد قاله : مشوار صغير كده وراجعين


الشيخ عارف هما رايحين فين وقال برضه يا ولاد هتروحوا تشربوا بانجو وحشيش


بلاش يا ولاد السم الهاري دا متفتكروش إنه الهباب دا بيبسطكوا لا دا بيموتكم وانتوا


عاوزين تموتوا اللهم احفظكم من ختمة السوء تموتوا علي معصية عاوز تموت وفي


إيدك سجارة ولا إبرة ولا حباية الهباب دا فوقوا يا ولاد وخلوا الخطوة دي أول خطوة



في حياتكم كأنكم أول مرة تتولدوا كأنكم راجعين من الحج كما ولدتكم أمهاتكم من غير



ذنوب يالا يا إبراهيم اطلع يا حبيبي نام فوق وإنت يا ميدو تعالي معايا



محمد وإبراهيم بصوا جنبهم وقالوا في صوت واحد : ميدو مين يا شيخ ؟؟؟؟؟؟



الشيخ قال : ميدو إنت يا حبيبي خد هات إيدك نروح سوا يا محمد وضحكوا هما التلاتة



وفعلاً كلام الشيخ دخل قلوبهم بطريقة جمييلة جداً وإبراهيم طلع ومحمد والشيخ روحوا







في الجامعة بقي




مي قابلت بسمة وده كان الحوار : ازيك يا بسمة اخبارك إيه يا قمر



بسمة : يا بكاشة ما احنا لسه مقابلبن بعض وامبارح واتكلمنا كمان



مي: وإيه يعني وحشتيني برضه يا بت إلا قوليلي يا بسمة هو باسل شالنا من الفيس ليه




بسمة : باسل دا اتجنن خلاص كل حاجة حرام حرام وقلتله كدا قالي عشان حرام اكلمهم




مي : هو إيه خلاه كده احنا كنا صحاب جامدين أوي معرفش إيه اللي جرا ؟؟؟؟؟؟؟؟؟؟؟؟؟



بسمة : بيقول إنه ربنا هداه ومش عاوز يرجع تاني للطريق اللي كان ماشي فيه



قلتله الدين يسر وليس عسر قاللي إفهمي الآية الأول وبعدين قوليها بس فضل يتكلم



معايا في الدين وقاللي مش نفسك تقربي من ربنا قلتله آه طبعاً بس شاء الله اتجوز



والبس النقاب كمان مش إسدال بس باخده علي قد عقله يعني مي يا مي ؟؟؟؟؟؟؟؟؟؟



مي : مفيش بس تصدقي كلام أخوكي صح نفسي أقرب من ربنا بجد نفسي ......



بسمة : بت بت إيه إيه حيلك حيلك مش كده غن شاء الله هنقرب من ربنا بس مش



دلوقتي لما نكبر



مي : هو حد ضامن عمره يا بسمة اللي قدنا واللي أصغر بيموتوا انتي مش هنا ولا إيه ؟



بسمة : أوووووووووف عليكي يا مي لما بتبقي كئيبة أوف بجد يالا يا ختي عشان نلحق



المحاضرة وخدي بالك متفكريش في الموضوع دا عشان مش هتوصلي لحاجة يالا بقي



















الحلقة الجاية بإذن الله نكمل وقولول رأيكم في الحلقة دي

أحبكم في الله



 


رد مع اقتباس
قديم 03-11-2013   #7
بنت النيل


الصورة الرمزية مي محمد
مي محمد غير متواجد حالياً

بيانات اضافيه [ + ]
 رقم العضوية : 528
 تاريخ التسجيل :  Mar 2012
 أخر زيارة : 08-25-2020 (10:59 PM)
 المشاركات : 36,790 [ + ]
 التقييم :  228073882
 الدولهـ
Egypt
 الجنس ~
Female
لوني المفضل : Crimson
شكراً: 201
تم شكره 562 مرة في 461 مشاركة
افتراضي



الحلقة السابعة










مي قعدت مع نفسها تاني وفضلت تفكر وقالت في نفسها :


طب ليه مكونش زي باسل طالما أنا نفسي أقرب من ربنا


مش اعمل خطوة ليه ليه سايبة نفسي كده لازم اتحرك آه


بس بس أنا هتحرك إزاي وأنا بسمع أغاني وبكلم شباب


علي الفيس اللي هما زمايلي في في الجامعة أوووووووف


طب والحل أنا مش عاوزة اموت وربنا غضبان عليا لالا


يارب متقبضش روحي وانت غضبان عليا نفسي أوصلك


يارب بس معرفش الطريق أنا من ساعة ما شفت باسل


وهو بروح جديدة عجبني أوي اسلوبه وتعامله مع الناس


انا ليه معملش زي ما هو بيعمل بس هو بيعمل ايه يخليه


يعمل كده ؟؟؟؟ القرب من ربنا ليه لذة حلوة أوي كده


وأنا معرفش أنا كنت نايمة طول ال18 سنة دول ( ده سن مي )


يارب خد بإيدي يارب أنا مش عاوزة أفضل كده


مش عاوزة أموت وأنا كده لازم أوصلك يارب



مي دخلت علي النت وفضلت تدور في المنتديات الدينية بس


تقرأ فيه عن حاجات دينية قلبها رق وبعد ما خلصت قفلت النت


وقالت أنا لازم آخد خطوة بس صحابي هعمل معاهم إيه أقولهم إيه مش مهم


بقي أنا لازم ابدأ واحدة واحدة مينفعش آخد الموضوع علطول لو أخدت


الموضوع علطول هحس بتقل عليا أنا هعمل حاجة حلوة اعمل خير واترك


ذنب كدا برافو عليا بس ابدأ بأي ذنب بقي ؟؟؟؟ يا نهااااااااااااااااري


للدرجادي ذنوبي كتيرة يظهر مش هعرف أتوب خليني كدا أحسن واسمع


كلام بسمة لما اتجوز إن شاء الله ابقي اتوب بس بس. توء يارب اهديني






إنما محمد وإبراهيم الحمد لله صلوا الظهر والعصر وهيروحوا وبقوا يتكلموا مع بعض في السكة


محمد : تصدق يا إبراهيم الشيخ اللي قابلناه الفجر دا كويس أوي أول مرة


حد يضمني وأحس بالأمان بجد حسيت بفرحة في قلبي كمنت هبكي بسببها



إبراهيم : يارب تدوم الفرحة جواك يا صاحبي بس قولي يا واد الشيخ قالك


إيه دا شكله حبك من أول نظرة هههههههههههههههههه احكي متتكسفش



محمد : بس يالا انت بتقول ايه دا فضل يتكلم معايا عن المخدرات وقاللي


إنه كان بيدعيلنا كتير أوي ............. سكت محمد شوية وبعد كده وقال :


انت عارف يا إبراهيم إن أهلي مش حاطني في دماغهم أصلاً ولا كأني


ابنهم هه معرفش ليه ميكونليش أهل بيخافوا عليا زيك إنت وباسل وإيهاب


نفسي حد يزعقلي عاوز أحس بخوفهم عليا عاوز يكون لي أخت أخاف


عليها هو أنا مش بني آدم يا إبراهيم قولي أنا ليه محدش بيحبني ؟؟؟



إبراهيم : إنت بتقول إيه يا محمد انت عارف أنت بحبك أد ايه يا واد أنا


وباسل وإيهاب كلنا بنحبك وإحنا يعني لو مكناش بنحبك كنا فضلنا معاك


واستحملنا هبلك هههه انا أقرب واحد ليك يا محمد ولو مكنتش بحبك


مكنتش سمعتك رغم إن عندي مشاكل برضه وكان ممكن أقولك أنا فيا


اللي مكفيني بس لأ أنا عشان إنت غالي عندي سمعتك أنا بمشي معاك أكتر


ما بمشي مع البنات ههههههههههه بس أنا اخدت عهد علي نفسي إني


مش همشي مع بنات تاني ........ تفتكر يا محمد بعد ما صلينا من الفجر


للعصر هنرجع نضرب تاني ( يعني يدمنوا ) أنا مش عاوز أرجع للقرف دا


تعالي نعمل زي باسل هو باسل تعب عشان لوحده بس إحنا اتنين هنساعد


بعض وناخد عهد اننا منرجعش تاني ها مواقف ؟؟؟



محمد : معرفش يا إبراهيم توء بقولك إيه بقي أنا اتخنقت معاك سيجارة ؟؟



إبراهيم : لا مش معايا أصلي بعد ما صليت الفجر رميتهم ما تيجي



محمد : إيه يا إبراهيم مالك انت شغال ما تيجي ما تيجي انت إيه بالع شريط


إسمه ما تيجي تعالي نشوف أي حد معاه سجاير اضرب ونروح إيه دا



إبراهيم : براحة علي نفسك يا خويا طيب يوه إيه دا




وللأسف إبراهيم ومحمد شربوا سجاير ملفوفة ببانجو

علي فكرة محمد وإبراهيم وإيهاب مش مدمنين أوي

زي باسل هما بيشربوا يوم آه و3 لأ بس تفتكروا

يقدروا يلحقوا نفسهم ولا هيفضلوا كده ؟؟؟؟؟؟



تعالوا نشوف باسل بقي



بعد الكلية باسل قابل صاحبه أيمن وده كان الحوار :


باسل : السلام عليكم ورحمة الله وبركاته


أيمن : وعليكم السلام ورحمة الله وبركاته ازيك يا

بيبو عامل ايه وحشتني من إمبارح


باسل : ههههه يا بكاش منا كلمتك إمبارح لحقت

أوحشك ههه انت عامل ايه بقي يا واحشني هه


أيمن : ههههه الحمد لله كويس بفضل الله قوللي بقي

عملت إيه إمبارح مع أهلك في البيت ؟؟؟؟


باسل : مش عارف أقولك إيه يا أيمن ربنا يسترك

ويرضي عنك يارب صالحت أمي والحمد لله


أيمن : ربنا يكرمك يا أخي ربنا يصلح الحال يارب

إلا محمد وإبراهيم وإيهاب عاملين إيه مش بشوفهم ؟


باسل : انا كمان مشفتهمش بقالي يومين تصدق

وحشوني أوي اما اكلمهم


قاطعه أيمن وقاله :

باسل إبعد عن صحابك ؟؟؟


باسل استغرب جداً وقاله : ابعد . ابعد عنهم إزا ي

وليه طيب ابعد ؟؟؟؟؟


أيمن : ممكن يشدوك تاني للطريق اللي كنت ماشي

فيه وبعدين يا باسل إنت لسه في بداية إلتزامك

الصاحب ساحب يا باسل اختار الصحبة اللي تعينك

علي طاعة ربنا يا باسل إنت محتاجهم أكتر من أي حد

تاني بعد ربنا معلش ابعد شوية وبعد كده ارجع


باسل : بس دول صحابي يا أيمن مقدرش أسيبهم

والحمد لله انا عندي مناعة قوية جداً وعلي فكرة أنا

قعدت معاهم أول ما شفتهم وقلتلهم أد إيه القرب من

ربنا جميل أوي واتأثروا بكلامي أوي هما في الأول

اتريقوا عليا بس بعد كده اتكلمت معاهم وبجد كلامي

أثر فيهم واكيد هما محتاجين اللي يصحيهم زي ما أنا

كنت محتاج اللي يصحيني برضه ولا إيه يا أيمن


أيمن : عندك حق يا أخي بس برضه مش في كل

الأحيان الصحاب بينفذوا الكلام وكمان هيبقي صعب

إنهم يغيروا حياتهم بالسهولة دي أكيد انتقدوك يا

باسل بس برضه لازم تاخد حذرك كويس وتجهز

دفاعك طب جتلي فكرة إيه رأيك لو إحنا الإتنين

نتكلم معاهم ونحاول معاهم برضه تمام يا بيبو ؟؟


باسل : دي فكرة جميلة اوي يا أيمن دماغك دي

ألماظات هههههه بارك الله فيك يا حبيبي


أيمن : بس عشان بتكسف ههههههههه ماشي يا

صاحبي نتوكل علي الله ونساعدهم


باسل : علي بركة الله






محمد وإبراهيم حطوا رجليهم علي أول الطريق بس يا

تري هيكملوا وإيهاب لسه تايه ومي وبسمة وياسمين

ومريم برضه تايهين يا تري باسل وأيمن هيعرفوا

يأثروا علي محمد وإبراهيم وأيمن ده اللي هنعرفه

الحلقة الجاية بإذن الله







أحبكم في الله



 


رد مع اقتباس
قديم 03-11-2013   #8
بنت النيل


الصورة الرمزية مي محمد
مي محمد غير متواجد حالياً

بيانات اضافيه [ + ]
 رقم العضوية : 528
 تاريخ التسجيل :  Mar 2012
 أخر زيارة : 08-25-2020 (10:59 PM)
 المشاركات : 36,790 [ + ]
 التقييم :  228073882
 الدولهـ
Egypt
 الجنس ~
Female
لوني المفضل : Crimson
شكراً: 201
تم شكره 562 مرة في 461 مشاركة
افتراضي



الحلقة الثامنة



الحلقة النهاردة هتكون عن مريم ومي وياسمين






بعد الكلية كلهم روحوا بيوتهم



الساعة 6 كده مريم كلمت مي وياسمين وبسمة عشان

يجيبوا معاها لبسمي وياسمين قالوا ماشي لكن بسمة

اعتذرت لإن أهلها قالوا لأ .....



مي وياسمين ومريم اتقابلوا في حتة معينة ومشيوا عشان

يختاروا لبس مع مريم لفوا علي محلات كتير أوي لحد ما مريم

عجبها طقم بس كان ضيق أوي خدت رأيهم وقالولها :



ياسمين : وااااااااااااااو دا جامد أوي يا بت هاتيه دا هياكل

منك حتة جميل أوي



لكن مي معجبهاش الطقم وقالت : دا هيبقي ضيق أوي

عليكي يا مريم هتلبسيه إزاي ده لالا بلاش تجيبيه يا مريم



مريم : لا مش ضيق ولا حاجة وبعدين انتي شفتيه عليا

شوفيه وبعدين احكمي


مريم سألت صاحب المحل وقالتله ينفع أقيس الطقم قالها آم

اتفضلي وطلع فعلاً ضيق عليها بس شكله الطقم عاجبها



مريم : تصدقي يا مي طلع عندك حق دا ضيق أوي بس هو

عاجبني جداً أنا هاخده بصراحة هيطلع من عيني



مي : لا يا مريم متجيبيهوش هيبقي وحش عليكي أوي



مريم : وحش ليه وحش لو أنا كنت وحشة أنا قمورة وأكيد

هيطلع حلو عليا عشان وبعدين إنتي مالك أنا اللي هلبس

ولا إنتي متضايقة عشان أنا أحلي منك



ياسمين : إيه الي قلتيه دا يا مريم مينفعش كده عيب هو احنا

فيه بينا شكل ولون



مي : خلاص يا ياسمين متقوليش حاجة يظهر إن مريم اتغرت

في نفسها علي العموم يا مريم أنا مش هجبرك علي حاجة

لو عجبك الطقم مبروك عليكي وابقي بخريه عشان العين



مريم : متزعليش مني يا مي أنا كنت بهزر معاكي بجد كنت

بهزر معاكي



ياسمين : هو فيه هزار كده برضه يا مريم الهزار ليه حدود

احنا نهزر ونضحك آه لكن نتريق ونعيب علي بعض أهو دا اللي

لا يمكن



مي : خلاص يا ياسمين أنا مش ة يا مريم مبروك عليكي

الطقم بس أنا مضطرة أروح عشان تعبانة شوية




مريم : لالا يا مي خلاص متزعليش مني والله معلش عشان

خاطري روحي معانا



مي : انا مش ة يا حبيبتي بجد مش ة أنا حسيت

بدوخة بسيطة بس هكون كويسة إن شاء الله وأنا اقدر

استغني عنكم برضه



ياسمين : ألف سلامة يا مي طب نوصلك



مي : لالالا خليكم انتوا انا هروح السلام عليكم



اصروا انهم يركبوها عشان يطمنوا انها مشيت ومريم رجعت

الطقم ومرضتش تجيبه وجابت طقم أوسع منه شوية

الطقم عبارة عن فيست طويل وتحته بنطلون جينز وطرحة

وهما مروحين مريم قالت لياسمين :

أنا معرش إزاي قلت كده لمي بجد أنا عاوزة اضرب نفسي

مش مصدقة بجد وفضلت تعيط مريم جامد جداً


ياسمين خدتها في حضنها وقالت : حبيبتي خلاص هدي

نفسك هيا مش ة منك يا ستي اطمني


مريم : لأ انتي كدابة مي مشيت عشان ة مني بجد

مش قادرة مش عارفة ايه خلاني أقول كده


ياسمين : خلاص يا مريم اللي حصل حصل وانتي اعتذرتيلها

خلاص متزعليش نفسك يالا عشان هننزل وامسحي دموعك

بقي


مريم سلمت علي ياسمين وروحوا تعالوا نشوف مي بقي :




مريم روحت البيت متضايقة ودخلت اوضتها والدتها قالت لها

تعالي عشان تتعشي قالت لها لا مش جعانة والدتها قالت لها

انتي كلتي بره قالتها لأ قالتلها مش هاكل انا هنام خرجت

والدتها من الاوضة ومي فضلت تعيط لمدة ساعتين مي

حست بخنقة شديدة قامت مي عشان تتوضي موبايلها رن

مسمعتهوش دخلت الأوضة لقت مكالمتين من مريم اتصلت

مريم بيها تاني واترددت ترد ولا لأ اضطرت إنها ترد :


مي : السلام عليكم ازيك يا مريوم


مريم : وعليكم السلام أنا مش قادرة انام يا مي انا عارفة إنك

ة مني بالله عليكي متزعليش مني والله هزعل من

نفسي اوي لو زعلتي


مي : والله ما ة يا قمري نامي اتغطي كمان يا ستي :)


مريم : يعني بجد مش ة مني


مي : آه والله مش ة يا حبي يالا تصبحي علي خير


مريم : وانتي من اهله يا مي


مي كانت بتتكلم وهي كاتمة دموعها بالعافية لأن أول مرة

واحدة من أعز صاحباتها تجرحها كده صلت مي وشكت لربنا





نسيب بقي مي تصلي ونشوف باقي البنات





بسمة ومريم قعدوا في الفيس يتكلموا لأن ياسمين نامت ومي بتصلي


بسمة : مريم ها قوليلي عملتوا ايه


مريم : مفيش جبت لبس وروحنا بس مي روحت قبلنا


بسمة : ليه مش هي كانت معاكم


مريم : آه معانا بس أنا زعلتها عشان كده مشيت


بسمة : :( طب حصل ايه خلاكوا تزعلوا من بعض


مريم : أنا اللي زعلتها قلتلها إنك متغاظة عشان أنا حلوة


بسمة : معقولة يا مريم تقوليلها كده هو فيه بينا شكل برضه


مريم : غصب عني والله معرفش قلت كدا إزاي كل ده عشان

جبت طقم طلع ضيق ياسمين قالتلي حلو ومي قالت بلاش

لأنه ضيق أوي عليكي لبسته كان حلو عليا طلعت أوريهولهم

قالت دا ضيق أوي ومش حلو عليكي قلتلها إنتي مالك أنا

اللي هلبس ولا إنتي متضايقة عشان أنا أحلي منك :(


بسمة : عشان طقم تزعلي صاحبتك هي مي آه بقت غريبة

بس مش للدرجادي يا مريم انا هتصل بيها واطمن عليها


مريم : أنا كلمتها وهي بتقول مش ة مني بس أنا عارفة

إنها ة :( طب كلميها كده وأنا برضه هكلمها


بسمة : ماشي هشوفها


( مريم فضلت ترن علي مي مش عاوزة ترد

..... وبسمة برضه رنت برضه مش عارفة ترد )







ما تيجوا نكمل الحلقة الجاية

أحبكم في الله



 


رد مع اقتباس
إضافة رد

(عرض التفاصيل عدد الأعضاء الذين شاهدوا الموضوع : 0 (إعادة تعين)
لا توجد أسماء لعرضهـا.
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:26 AM بتوقيت الرياض


Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
new notificatio by 9adq_ala7sas
Ads Organizer 3.0.3 by Analytics - Distance Education
دعم فني استضافه مواقع سيرفرات استضافة تعاون