 |
منتديات وهج الذكرى
(https://www.wahjj.com/vb/index.php)
- مقهى الوهج
(https://www.wahjj.com/vb/forumdisplay.php?f=43)
- - ملامح عراقيه - - مايروقني ويروقكم من ابيات شعر عراقيه
(https://www.wahjj.com/vb/showthread.php?t=36728)
رد: ملامح عراقيه - - مايروقني ويروقكم من ابيات شعر عراقيه
يصبرني الما يدري بقصتي ويكلي تهون عشره .. عشره وشيبت بأولها تاليها شلون ينسيني من هو ينسيني وأنطيه ألباقي من سنيني وأنطيه البــــاقي من سنيني وأني الممنون **** يصبرني المايدري بقصتي وهو شمدريه ولو نار ألشبت بضلوعي تتحول بيـــــــــه يمكن يتركني لاحزاني ما يسأل شمغير الـــواني كل ساعه بلــون **** يصبرني الما يدري بعلتي شيفيد أدواه راحو لبعيد وما ردو خلوني هنــــــــــــــا *** هنيالك يالقلبك خالي ما تدري شصاير بحوالي ما تدري شصاير بحوالي وهمه اليدرون يصبرني الما يدري بقصتي ويكلي تهون عشره .. عشره وشيبت بأولها تاليها شلون ينسيني من هو ينسيني وأنطيه ألباقي من سنيني وأنطيه البـــاقي من سنيني وأني الممنون |
رد: ملامح عراقيه - - مايروقني ويروقكم من ابيات شعر عراقيه
مااريـد تطلع شمـس وانت علي زعلان مليـون مرة اعتــذر لو كلــبي عنده لســان مااريد اخلي الزعل يترك في كلبك اثـر وما اريد اخلي الحصـل ان يجبرك على الهجــر لو بيدي الغي الزعل من كلب كل انسـان ميلون مرة اعتذر لـو كلبي عنده لســان مااريد يطلع صبح بعينك اشوف دموع فهمني حتى اعتذر واحسملك الموضوع لاتخفي هذا الزعل صارحني يا حبي مااريد غير الهوى في كلبك وكلبي الدنيا ما تسوى زعـل ماتسوى هم واحزان مليون مرة اعتذر لو كلبـي عنده لسـان مااريد لحظة تمر وانت عليه بعيد شيسوى حبيبي العمر من بعدك وميفيد لو نفرض انت ازعلت ومن عندي شفت القهر صدكني صار الكلب باقة ورد واعتذر والله انا بنفسي احس طيبة بشكل انسان مليون مرة اعتذر لو قلبي عنده لسان |
رد: ملامح عراقيه - - مايروقني ويروقكم من ابيات شعر عراقيه
وانتضرتك...
بين صفنات الليالـي وجرح ودخان الجگايـر وبين لچمـاتي وحسرتي وحيرتي وكسرة الخاطر وبين مدري و وين صاير..؟ |
رد: ملامح عراقيه - - مايروقني ويروقكم من ابيات شعر عراقيه
عراقي ولگيت بعشرتك بغداد
هم شايف عراقي يعوف بغداده..؟ |
رد: ملامح عراقيه - - مايروقني ويروقكم من ابيات شعر عراقيه
مو تعودني عليك وبية تگطع
قبلك النفسية چانت صفر وانت الرجعتني كلش غيرتني انت چنك صُبح بس يومية اسهرَك خاف اقصر يوم عنك اني ما اسئل عليك هواي چي ماريد اخسرك والله والله تلمست گلبي ولزمتك والله والله ارد اغلب اهل الكهف من اغفى على صدرك كلشي اشوف ولا دمعتك انت يالماخذ مُكان بكل مكان باني غرفة بوسط غرفتنا بضحكتك مو تعودني عليك وتمشي مني خل اكلك كلشي عني : اني طيب ما انام من اسمع حچاية تغثني چي وفي محد فهمني اني يمكن رقم واحد بالحزن بس جاي اكابر الوطن خلص شباب المنطقة وخلاني حاير استراح وياك اجيتك مَحني من ثگل الچوادر |
رد: ملامح عراقيه - - مايروقني ويروقكم من ابيات شعر عراقيه
بيه بكثر مابيك هم وشده بال
وانت ادرى ما بالروح حال اشوه من حال ياعيني ,,,,,,,,,, خلاني وكتي وياك ريشه بوسط ريح لاتثبت على القاع ولا تقبل اتطيح ياعيني ,,,,,,,,,,,,, ما ارجى بالصفصاف يطلع ثمر بيه وانا على جيد اعداي ازرع واباريه ياعيني ,,,,,,,,,,,,,, |
رد: ملامح عراقيه - - مايروقني ويروقكم من ابيات شعر عراقيه
لاتحزن بعد وتبچي على الراح
وعوف ادموع عينك لا تبديهه ووگف على الجرح لاتصرخ وياه وراح اكتب قصيدة والك اهديهَ مدينة الم روحي لاتظــن ترتاح وانه ابن المدينة وتيهت بيه يل عندك جرح وتگلي مجروح انه جروحي فاضت وين اودّيه |
رد: ملامح عراقيه - - مايروقني ويروقكم من ابيات شعر عراقيه
|
رد: ملامح عراقيه - - مايروقني ويروقكم من ابيات شعر عراقيه
لا تگول إجدامي ملّن
والدرب كِلّش طويل مو مِثل ليل اليُمركم ليلي ليل ليلي گمره ومسامَر وليلكُم عنبر وهيل ليلكُم نازع ظَلامه وليلي لابس ثُوب ليل ليلي يركُض وره الغُبشَة شما أصل ليها يشيل آنه مكتول بهواكم هم شفتوا المَيت يعيل ؟ |
رد: ملامح عراقيه - - مايروقني ويروقكم من ابيات شعر عراقيه
لگينا الدِنيا ما تنحب
حِزن ودروب ما تنطب درب مكتوب بي نبچي ودرب مكتوب بي نتعب |
| الساعة الآن 03:18 PM بتوقيت الرياض |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By
Almuhajir
new notificatio by 9adq_ala7sas
دعم فني استضافه مواقع سيرفرات استضافة تعاون