منتديات وهج الذكرى - موقف طريف ومقلب من صاحبتى

من يومين جالى على الواتس رقم غريب كله اصفااار وحد حاطط صوره بروفايله قطه راكبه دبابه ههه

ما شاء الله...

ما علينا
(يعنى حتى اللى عاوز يعمل مقلب فى حد يعمله باتقان ههه)

المهم لقيت رساله كاتب ..

السلام عليكم ورحمه الله وبركاته

معاكم ابو عبد الله والمازن من مجاهدين الدوله الاسلاميه

فبصيت اوى كده على اللى مكتوب ده ايه ده يعنى مين دول ..انا بحقق مع نفسي قبل ما اكتب حاجه

وده بيعمل ايه عندى هههه

المهم كتبتله ...اهلا وسهلا وعليكم السلام نعم

(انا قولت حاجه عيب)؟

المهم لقيت بيقولى يا اختى اكتبي السلام كامل

فانا بدأت اتوغوغش اختى ايه... كان ممكن يقول راجل معه اشمعنى نشن على دى

قولتله يعنى المهم حضرتكم عاوزين ا ايه ..انتو جبتو نمرتى منين ومين انت ولا انتم

قالى بقول من المجاهدين الدوله الاسلامى يعنى اى نمره اجبها

وبعدين انا واحد انتى كترتينا ليه

فبقولو ارسي على بر مش بتقول ابو عبد الله والمازن ولا الاتنين اخوات وانت بابهم (هههه دماغى لما تلف ويصاحبها النوم )

يااا اختى بالله عليكى ما تخلينى اعصب

بكل هدوء وريلاكس ههه طب ما تتعصب ( ابتدا النمر يطلع ) اعملك ايه

انا مجاهد

اه يعنى مجاهد بتعمل ايه

حضرتك انا مش البواب بتاعكم انتى بتكلمينى ليه كده

ما انا مش عارفه انت مين اصلا بقولك ايه انا بقول روح نام وتعالى بكره انا فاضيه بكرا ..بكرا نتكلم ان شاء الله

( هو مش خوف هههه بس زى ما تقولو كنت بقرا عن المواضيع دى وانهم بيهددو للى بالواتس )

وبردو مش خوف ولا شىء بس عاوزه اعرف مين ده وجاب تمرتى منين

المهم..لقيته ضحك (كتبلى ضحكه غريبه رايقه هعهعهعهعهعهعهعهعه)

ايه يا اخ انت من المجاهدين فى الدوله الاسلاميه مينفعش تضحك كده برستيجك حتى قدامى

فى بالى حد من اصحابي بيشتغلنى ههه

مش عارفه اميز ...

وفى نفس الوقت قلقنى الرقم الاصفار ده

بكره ايه اللى اكلمك فيه ..معلش اصحيلى شويه

لالالا انا بقول تريح انت كمان اكيد جاى من المجاهده تعبان تنام وبكره نكمل( فين الحظر هههه)

ليله استهدى بالله يعنى انا بكلمك فى الوقت ده ( الساعه 4ونص صباحا)عشان تقولى روح نام

انا جيت انام معرفتش ..قولت اكلمك
221:221:wahjj.4wahjj.4wahjj.4 عارف اسمى كماااان !!

انا قولتها قبل كده مبقتيش تحبينى زى الاول

( واحده صاحبتى دى لازمتها متعوده عليها كل ما حد يزعلها تقول هالجمله)

ههههههههههههههههه انا بضحك معاكم الضحكه دى لما بفتكر..بس وقتها كنت عاوزه اديها بوكس فى وشها وتستاهل هههه

لان عقلى وقتها رايح جاى خوتنى مين ده وساب كل الناس وجيلى انا ..طب انا عاوزه انام ومش مركزه

انتى (هاله) وجبتى منين الاصفار دى ..المهم انها بترد عليا بريئه خالص ولا كانها عملت حاجه

امتصيت غضبي وقفلت معها بشياكه هههه وروحت انام

فى برنامج بيغير ارقام الموبايل بالواتس ..بس ياريت محدش ينزله لانه بيسرق كل ملفاتك وصورك من عالموبايل ودا اللى حصل معها وخلى مازن ينفعها ههه

واعيش ومخدش غيرها بيكفى الخضه دى هههه ...

مودتى

نجمه ليل