ابوك غراب لو امك لگلگ
 

https://a.top4top.io/p_2958y28j60.jpg

قصة صورة🌻
يكولك .. جانت رازقية احلى وحدة بالمحلة😍 سوالفها وملگاها يرد الروح وذيچ الندارة للفلك تكوله ولك🤨
بس ابنها (شهوبي) شالع أفادها هم وكيح وهم سويچ🥴
يدور الطلايب دواره .. مرات تدزه للتكان يتأخر يله يرجع
يظل بالدرب يتملعب لو يسويله مشكلة بس هي فرحانة بي
وتكابر (يمه شهوبي الوردة وقندرته فرده وفرده وألف ولد مجنون ولا بنية خاتون)😘 عاد صاحته وهالمرة كالت :

_ حبيبي شهوبي قربان هالوجه الحلو ادزك للتكان جيبلي
شكرات اليوم خميس ليلة الجمعة اريد اسوي صينية الخضر💚 اني حضرت سبع بياضات وانت جيب مسقول وحامض حلو وچكليت🍬اريد أوفي نذر ابوك لگه شغل

وركض شهوبي شليييع وشاف ولد المحلة يلعبون بالدرب يم بيت عتيگ متروك وغادي خرابة .. فدخلو الجهال للخرابة وصعدو قسم منهم للسطح الاولاني وقسم للسطح الثاني وبدت الچلابة واحد بيهم كال :
_ منو منكـم يگدر يطير منا للگاع ؟؟!!
ومحد جاوب لان عالي ويخوف🙄 جان شهوبي باع بطوليات براسهم وعاط بكل ثقة :
_ تدرووون ؟ ترة آني أگـدر أطيررر 😏

گامو يصفگون الزعاطيط ويصوفرون :
_ يا الله أشو راوينا شطارتك !!

شهوبي رفع ايديه وكام يهزهن عود ديرفرف مثل الطير😐
وشمر روحه من السطح للگاع طررررب !!!
وانكسرت رجليه😑 وعيطو الجهال وألتمو اهل المحلة
وجتي ام شهوبي وابو شهوبي يركضون وعرفو السالوفة
فكال أبوه وهو يلطه راجدي ابو الونة :
_ ولك ملعـون الوالدين😡 ما تفهمني شلون تگـدر تطير ؟ أي أنت أبوك غراب ، لو أمك لگـلگ حتى تگـدر تطير ؟!!

يكولك فصار هذا مثل شعبي متداول (ابوك غراب لو أمك
لگلگ ) بذاك الوكت للشخص الي مابيه خير ويفوت خشمه بالصغيرة والجبيرة وهو لايحل ولايربط كاضيها همبلة وعنتكة وقشمريات بوخة دوخة😒
إييييه جبناها على مدري منو😬 الي عجبته القصة يربح ويانه دولمة حامضة لاچعة بالضلوع🥰
الي مو فاهم اي مفرده حاضرين نفسر للطيبين 293:

رد: ابوك غراب لو امك لگلگ
 

فهمنا المضمون لكن في التفاصيل ثلاثه ارباع القصه يحتاج ترجمه هههه

شكرا بيانو..
يعطيك العافية.

رد: ابوك غراب لو امك لگلگ
 

طرح رائع
يعطيك الف عافيه
راق لي ماطرحتي
انتظر جديدك بكل شوق
تحياتي لك

رد: ابوك غراب لو امك لگلگ
 

وارفة

هههههه فهمنا المضمون حبيبتي
سلمت كفوفك ع جميل طرحك
لا حرمنا الله من طيب الجهد وَ تمُيز العطاء و روائِع مجهوداتك
لقلبك الفرح والسعادة
كنت هنا اميرة الحب

http://www10.0zz0.com/2024/01/21/13/533068053.gif

رد: ابوك غراب لو امك لگلگ
 

ههههه سوده عليهه خطيه
يراد صف وسبوره ودرس
وبالنهايه لم ينجح احد هههه
المهم المضمون
نورتوا غوالي

رد: ابوك غراب لو امك لگلگ
 

رد: ابوك غراب لو امك لگلگ
 

ههههههه
عاشت ايدج على القصه وعلى الدولمة اللاجعة
wahjj.17

رد: ابوك غراب لو امك لگلگ
 

متصفحك يشع بالنور الوضاء
الذى يضئ كالمصباح فى ليلة ظلماء
دائما يشرق بكلما هو جديد
ويلبس حله من الاناقه والتجديد
سلامي وتحياتي