|
نفسك تاكل ايه بكره
نقاش عائلي مع كل وجبه
بين الزوجين ونترككم مع الاحداث الزوجة : تأكلوا ايه بكرة؟ الزوج : أي حاجة. الزوجة : يعني أيه أي حاجة؟ أنت مش عايز حتى تساعدني باقتراح. الزوج : أعملي لنا بامية و أرز. الزوجة : لسة واكلين بامية من 3 أيام. الزوج : طيب أيه رأيك في فتة و كوارع. الزوجة: كوارع ايه في الحرّ ده. الزوج : أعملي يا ستي محشي ورق عنب و لحمة محمرة. الزوجة : هو أنا لسة ح أنزل أشتري ورق عنب و أغسله و أقطعه و أعمل الخلطة و أحشي , و أحمَّر ؟ الرحمة شوية حرام عليك أنا بني آدمه. الزوج : طيب شوفي أي حاجة سهلة و موجودة عندك و أعمليها و خلاص. الزوجة : يعني مافيش مرة عايز تريحني و تجاوبني , دايماً ايدك في المية الباردة. الزوج : طيب, قولي اقتراحات و أنا اختار منها. الزوجة : اقتراااحااات؟ يعني أنا مش عارفة أختار صنف واحد , و أنت عايزني اقول اقتراااحاات. الزوج : ايه رأيك ناكل أكلة خفيفة, مثلاً علبة تونة و جبنة و زيتون؟ الزوجة : بلاش عك , أنا بفكر أعمل مكرونة و كبدة بانية و شوية بطاطس شيبسي؟ الزوج : برافو عليكي و على أفكارك. الزوجة : هو ده اللي أنت فالح فيه. و في اليوم التالي اتصال تليفوني من الزوجة للزوج: الزوجة : ألو , هات معاك حاجة ساقعة و أنت جاي, بس تكون صودا عشان طلبت سمك مشوي و أرز ( دليفري ). الزوج : أنتي مش قلتي ح ناكل مكرونة و كبدة و بطاطس؟ الزوجة : و الله أنا من ساعة ما صحيت و أنا بغسل و اشطف الولد و أحمي البنت و انضف الزريبة اللي ولادك عاملينها , ح اجيب وقت منين أنزل و اشتري و اطبخ ؟ حرام عليكم بقى أنتم ما بتبطلوش طلبات. الزوج : عايزة الحاجة الساقعة ايه ؟ "سبرايت" و لا "سفن أب"؟ الزوجة : أي حاجة. الزوج يرجع الى البيت و يجلس الى المائدة و يمد يده ليخرج زجاجة"سبرايت " من الكيس و يضعها على المائدة. الزوجة : ايه ده ؟ يعني مكنتش قادر تجيب سفن أب ؟ أنت دايماً ذوقك غريب كده. الزوج يمد يده داخل الكيس ويخرج زجاجه (ثانية) سفن أب و يضعها على المائدة. الزوجة : طبعاً أنت مش خاسس عليك حاجة أقعد انت بعزق في الفلوس واخر الشهر تقول لي المرتب بيروح فين, عرفت يا بيه المرتب بيروح فين؟. الزوج : يأكل في صمت. الزوجة : ها , ما قولتليش , تاكلو ايه بكرة ؟ الزوج : ياعيني جاله شلل نصفى // كنت هنا خال العرب انا \\ |
هما كده ياخال العرب .... مابيعجبهموش العجب ولا حتى الصيام في رجب ,,,,
لو تقيد صوابعك العشره شمع ... وبرضوا مابيعجب لكن نقول ايه !! رغم رزالتهم .... ودمهم الثقيل في حالات معينة الا انهم شر لابد منه ومابنستغناش عنهم قرأت لك قصة تتكرر في كل بيت عربي شكراً لك |
هكذا يكون الزواج ياصديقى خال العرب
هما المفروض مايسألوش ولو الزوج حب أكله معينه يطلب مع انى متأكد انه هيكون فيها جدال ولكن .. لاعجب يسلمو على الحوار الشيق الجميل ويسلمو ايدك خال العرب وشكرا لك |
السلام علكيم ورحمة الله تعالى بركاته : شكرا خا ل العرب على هذ قصة التي تصور سلوكيات بعض الزوجات السلبية و المتعبة لكن لاننسى ان هنك رجال لا تستطيع الزوجات ارضاءهم مهما فعلن ومهما اجتهدن فقد اصبح فن النقد ملازما لهم حتى وان لم يجدوا ما ينتقدون في الاكل يتفننون في ايجاد مآخذ أخرى لالقاء اللوم على الزوجة المسكينة ويقى في النهاية ان هناك نماذج في قمة الرقي في التعامل والتعاون ونرجو أن نكون منهم تقبل تحياتي وأطيب المنى |
اقتباس:
استاذنا الكبير شكرا ايها القدير // مررت من هنا خال العرب انا\\ |
اقتباس:
كامل احترامي // مررت من هنا خال العرب انا \\ |
اقتباس:
بمرورك اضاء متصفحي لاحرمني الله ذاك المرور // مررت من هنا خال العرب انا \\ |
طرح قمه الروعه في والجمال
سلمت اناملك ويعطيك العافيه علي مجهودك في أنتظار المزيد من عطائك والمزيد ومواضيعك الرائعة والجميله ودائما في إبداع مستمر |
ههههههههههههههههههه
ونسيتو انفسكم انتو الرجال وانتَ يا شمس شو يعني شر لابد منه :sm241: منتو ما شاء الله أَكثر نذالة مننا ومستحملينكم غصبْ :sm269: |
والله حرام الستات مظلومين
|
| الساعة الآن 01:23 PM بتوقيت الرياض |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
new notificatio by 9adq_ala7sas
دعم فني استضافه مواقع سيرفرات استضافة تعاون