الأكل أثناء التعب(النزلة المعوية)
 

الأكل أثناء التعب(النزلة المعوية)

⏪يادكتور ابني تعبان وسخن أأكله ايه
✅هقولك علي حاجه الاول👇
معروف لو اي حد تعبان مش هيقدر ياكل شهيته بتبقي مفقوده 🤒🤒
بس مش علي الام الشاطره 💪

⏪احنا طبعا هنديله وجبات صغيره🤕 ونكرر الوجبات دي مرات كتير🕐 يعني ايه

✅ يعني شوفي الوجبات اللي كان بيحبها قبل التعب واعرضيها عليه 😋😋وشجعيه واقنعيه بيها كمان👏 (ياحبيبي لو اكلت دا هنروح لتيته النهارده ولو اكلتها هتقدر تروح كمان وتلعب مع الاولاد هناك وطبعا لازم تنفذي اللي قلتي عليه دا مثال بس 💃)

⏪طبعا الاكل يكون مهروس ويكون سهل الهضم وتنوعيله في الوجبه 🍵🍲🍝
⏪حاجه مهمه لو مناخيره مسدوده لازم تسلكيها قبل الاكل🤧

ألأكل_مع_الاسهال_محلول_الجفاف
🔷اهم حاجه في علاج الاسهال هو محلول الجفاف ودا علي حسب دكتورك ميكتبهولك لأن دا ليه بروتكول مخصوص 👌👌
⏪وطريقة تحضيره لازم تكوني عارفاها كويس 👇
✅كل الاكياس هنا في مصر بتتحل علي 200سم ماء(مش تحطيه في كوبايه وخلاص لازم 200سم ماء ممكن تعيري بسرنجه 10سم 20 مره ) وتاخدي من المحلول دا المقدار اللي دكتورك كتبهولك

🔷طيب ايه فوايد المحلول دي يادكتور
1️⃣بيمنع الجفاف من اسمه محلول جفاف🤓 والجفاف اخطر حاجه في الاسهال ✋
2️⃣رخيص مش مكلف🤑
3️⃣ بيتاخد بالفم يعني مفهوش مخاطر👍 المحاليل الوريديه
4️⃣ومتوفر كمان واستخدامه بسيط مش شرط تروحي مستشفي ولا كانيولا ولا عياط

🔷بس علشان خاطري اغلي المايه الاول😱😱 عندنا في مصر المايه جميله خالص🤫 اوعي تغلي المحلول بعد متحضريه😲 ومتحطهوش في التلاجه وميفضلش اكتر من 24 ساعه🙃

⏪طاب حضرنا المحلول اشربه للطفل ازاي 🤔
✅✅افضل حاجه بالمعلقه (معلقه شاي مثلا كل دقيقه او دقيقتين )علشان ميرجعش
◀طاب لو رجع ، استني 10دقايق وكملي بس ابطأ من المره اللي فاتت 👌
◀دكتورك اكيد هيكتبلك زنك ودا مهم في الاسهال جدا 👍

🔷طيب يادكتور أأكله ايه ؟ هو لازم ياكل اصلا ماهو بياخد محلول اهو 🙈🙈
✅لا طبعا لازم ياكل مع الاسهال علشان نحافظ علي وزنه كمان الاكل بيحافظ علي جدار الامعاء فتمتص الاكل كويس 💪
كمات لقوا ان الاكل بيسرع الشفاء من الاسهال 🤩

⭕طيب نأكله ايه ؟
♦اول حاجه لو بيرضع طبيعي او صناعي كملي الرضاعه زي ماهيا 🍼
♦ثاني حاجه المشروبات
شوربة أرز 🍚عصاير طبيعيه طازه بدون سكر 🥤
◀ممنوع 🚫 خالص السفن اب والعصاير المعلبه ❎
⏪طيب الاكل ايه ؟
شوربة خضار🥣 ممكن زبادي🥛 موز مهروس🍌 ودا غني بالبوتاسيوم💪 ممكن فاصوليا وعدس ..وعلي فكره ممكن صفار بيض 🍳 خفيف
ظهر سمكه مشويه 🐟
ممكن جزر مهروس 🥕
ممكن نضيف زيت بسيط خالص بمقدار معلقه شاي علي الوجبه كامله 😋😋

علامات_العوده_الفوريه للطبيب مع_الاسهال

⭕خلي بالك⚠ في اعراض لو حصلت مع الاسهال لازم ترجعي لدكتورك فورا 😔
هقلك عليها علشان نبقي مطمنين علي الطفل خالص 👏
1️⃣لو لقيتي في الاسهال دم😨
2️⃣الطفل لاقادر ياكل ولا يشرب
3️⃣اسهال مستمر زي المايه مش بيقف خالص يعني لو اديته محلول بالفم مش هقدر اعوض الكميه المفقوده دي كلها
4️⃣لو الطفل بيسخن جامد🤒 او متحسنش خلال 3 ايام من العلاج والتحسن مش معناه ان الاسهال يروح لا معناه ان الكميه او العدد يقل 👌
5️⃣لو في ترجيع مستمر
6️⃣لو في ترجيع لونه اخضر

معا لصحة افضل لأطفالنا
دكتور محمود كامل

--'----♡♡♡-----

رد: الأكل أثناء التعب(النزلة المعوية)
 

يعطيك العافيه
طرح جميل وراقي
تحياتي لك
animated-double-hear
Manon

رد: الأكل أثناء التعب(النزلة المعوية)
 

تقبل حضوري في صرحك الجميل مع خالص الاحترام
زهور الياسمين
لشخصك
تحياتى

رد: الأكل أثناء التعب(النزلة المعوية)
 

طرررح جميل ومميز وراااائع



لك خالص التقديررر

رد: الأكل أثناء التعب(النزلة المعوية)
 

تسلم الايادي على الطرح الرائع والمميز والجميل والمفيد

يعطيك الف عافيه حبيبتي جنيه

رد: الأكل أثناء التعب(النزلة المعوية)
 

Peri
سلمت أناملك على الطرح القيم
ويعطيك العافية لطيب الجهد وتميز العطاء
ما ننحرم من فيض عطائك وإبداعك
مع ارق تحية
لقبك الفرح
كنت هنا اميرة الحب

http://www8.0zz0.com/2022/12/05/09/858631816.gif