منتديات وهج الذكرى - البتنجان المخلل بالدقه

منتديات وهج الذكرى (https://www.wahjj.com/vb/index.php)

- ♫ عنـاقيـد شهـية ♫ (https://www.wahjj.com/vb/forumdisplay.php?f=92)

- - البتنجان المخلل بالدقه (https://www.wahjj.com/vb/showthread.php?t=54801)

ᏚᎯ ᏚᏫ

03-27-2025 05:02 PM

البتنجان المخلل بالدقه

البتنجان المخلل بالدقه❤️❤️
فلفل حامي
كيلو بتنجان اسود وسط ولا كبير ولا صغير
ماء السلق
معلقه ك من كل .شطه. بابريكا .ملح .سكر .خل
معلقتين زيت
الدقه 👇👇
راس توم مفصص أو معلقتين كبار مليانين توم مفروم
معلقه كبيره من ملح .كمون .شطه .ربع كوب خل .ربع كوب زيت
فلفل اخضر حامي
فلفل احمر بارد
كل المكونات مهمه جدا
ويلا بينا علي التفاصيل 👇👇
هتجيبي حله فيها مايه وهتحطي فيها معلقه كبيره من الشطه والبابريكا والملح والسكر والخل والزيت وتنزلي بالبتنجان بتاعنا بعد ما تحوشي العنق الاخضر وتغسليه كويس
هتحطي الحله علي النار وحطي فوق البتنجان طبق صيني عشان ينزل لتحت ميبقاش عايم علي المايه وتسيبيه بالظبط عشر دقايق
وبعدين خرجيه ونزلي الفلفل بعد ماتطفي النار تماما
عشان يحتفظ بقوامه وميتهريش هتسيبي الفلفل في المايه مكان ماسلقنا البتنجان لغايه ما نعمل الدقه اللي هنحشي بيها البتنجان
هتجيبي الكبه بتعتك 👇👇
وتحطي فيها الفلفل الحار والفلفل الأحمر والكمون والملح والشطه والتوم وتضربيهم كويس
وبعدين فتحي البتنجان واحشيه من الخلطه دي
هاتي بقي علبه تلاجه تكون بغطي محكم عشان نحفظ البتنجان
خدي شويه من الدقه اللي عملناها حطيها في العلبه من تحت وبعدين رصي البتنجان بعد ما حشتيه ومعاه الفلفل الاخضر لغايه ماتخلصي رص الكميه كلها خدي من مايه السلق بتاع البتنجان وحطي كام كبشه علي البتنجان متغريقهوش لكن خلي المايه توصل لاول البتنجان وبعدين ضيفي عصير الليمون والخل والزيت علي الوش واقفلي العلبه بعد مايكون البتنجان برد تماما ودخليها التلاته
♥️

Ranosh

03-27-2025 05:44 PM