الرقاق الطري الفلاحي
 

طريقة عمل الرقاق الطري الفلاحي من غير فرن ولا خميرة
سهل وسريع وطعمه يجنن


المكونات:
– 2 كوب دقيق
– رشة ملح
– معلقة صغيرة سكر
– معلقة صغيرة سمن بلدي
– لبن رايب للعجن

الطريقة بالتفصيل:

1- حطي كل المكونات في العجانة أو في طبق لو هتعجني بإيدك.
2- ضيفي اللبن الرايب بالتدريج لحد ما العجينة تلم معاكي وتبقى طرية وملساء.
3- سيبي العجينة ترتاح نص ساعة في طبق بلاستيك وغطيها بفوطة نظيفة.
4- كوري العجينة كور صغيرة لو عايزة الرقاق صغير، أو كبيرة لو عايزة رقاق كبير.
5- افردي الكور على سطح مرشوش دقيق، وخليها أسمك سنة من ورق السيجار.
6- سخني طاسة تيفال كبيرة، وجهزي جمبك قماشة مبلولة بمية.
7- حطي أول رقّاقة على الطاسة، وأول ما تلاقيها اتحركت واحمرت خفيف، قلبيها بسرعة.
8- بعد كل رقّاقتين، امسحي الطاسة بالقماشة المبلولة علشان ما تسخنش جامد.
9- لازم نخلي بالنا الرقاق ما يتحرقش، إحنا عايزينه طري ومرن.
10- أول ما تطلعي الرقاق، دخليه في كيس نايلون علشان يفضل طري ومرن.
11- قدّميه مع الفطار، أو اعملي بيه سندوتشات شاورما وبطاطس… هيبقى طعمه خطير!
منقول

بالهنا والشفا

رد: الرقاق الطري الفلاحي
 

ساسو

موضوع جميل ومميز

تسلم ايدك

خالص الود والشكر

رد: الرقاق الطري الفلاحي
 

يعطيك العافيـــة ..
‏ع عطائك ممـيز ورائعَ
باقات من ألجورِي

رد: الرقاق الطري الفلاحي
 

رد: الرقاق الطري الفلاحي
 

سلمت يداك على روعة آختيارك..
إختيار بمنتهى الذوق والروعه..
يعطيك العآفيه يآرب..