فمان الله يا دربٍ على الهجر يتحراني
خذاه الوقت من جنبي ولا جاني ولا جيته
قصيدي يا قصيدي يسكن في قلبي طرف ثاني
قبل يسكن بيوتي جنه وتمسي عفاريته
تعال اسأل نجوم الليل يا هاجر من ألهاني
...وانا أعلمك بالوقت الطويل وكيف قضيته
بغيت أقوى على بعدك وراح الصبر ما أمداني
أهز الشوق وان طاح الوله بالحضن ضميته
ربيعي يا خريفي يا شتاي و صيفي الهاني
تراك انته الفصول وهجرة الشعر وتشتيته
فضت كل الشوراع ما لقيت الليي يترياني
مثل طفلٍ طلع يلعب ورد وما لقى بيته
تحداني تحداني حبيبي لا تحداني
أنا لولاك لحن الهجر والفرقى ما غنيته
تمنيتك وقلت في خاطري ليته تمناني
وانا ما كل واحد شافته عيني تمنيته
على كيفك تذكرني على كيفك تناساني
وانا طاريك ولا في يوم في قلبي تناسيته
زرعتك وردتن حمرا تزين كل بستاني
دفنت القلب في تربة مشاعرنا وخليته
انا المجني عليه اللي يقدر طعنة الجاني
لأن جرحه يذكرني بطاريه لاحسيته
فمان الله يا دربن على الهجر تحراني

المواضيع المتشابهه:

• أسقِ حديقة فلان
• فمان الله ياوجهن عرفني حزة الحاجة
• شيلة : فمان الله..♡
• فمان الله ؛
• فمان الله ولا تبكي يا اغلـى مـن سكـن قلبـي