ياللي
جفيـت وجفـاك المـر .. ذابحنـي
عقبك وجيـه البشـر .. مانـي بدانيهـا
من يوم حبك .. غـزى القلـب وتملكنـي
قطعـت كـل العـلاقـات وطواريـهـا
اقـرى رسايلـك ودمـوعـي تسابقـنـي
وارد ! واقرى الرسايل .. واحتفـظ فيهـا
انت آخر انسـان هاقـي منـه يصدمنـي
والظاهـر ان هقوتـي بانـت مواريـهـا
لـو الوصايـا ليـا احتديـت ! تنفعنـي
ياكثـر نـاس ٍ علـى ذودي بوصيـهـا
من كثر ماكنـت ! جارحنـي وظالمنـي
قمت اعـزل جروحـك بقلبـي واسميهـا
تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا
تدري متـاك ؟ تعـرف قـدري وتفقدنـي
لارخصت نفسك ,, لشخـص ٍ مايراعيهـا
مدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا
يكفينـي انـك رحلـت ومنـت عايفنـي
هذا عـزا النفـس مـن كثـرة بلاويهـا
اهديتك : دمـوع مـن طعنتـك تحرقنـي
وانـت اللـي تستاهـل الدنيـا ومافيهـا
واهديتني جرح .. موجعني ؟ وعاجبني ؟
لـئـن الهـدايـا عـلـى مقدارمهديـهـا
صحيح ! ( حنا انتهينا ) .. بس صدقني !!
والله ان تبقى ( غلا روحـي ) وغاليهـا
ان قلـت : علمنـي انسـى ؟ لاتعلمنـي
دنيـاي لامـن نسيتـك ويـش تاليـهـا
فارقتنـي وضحكتـك عيـت تفارقـنـي
والله يخس ابــو الفـرقـا وطاريـهـا
مقدر !! أفكر بغيرك ؟ .. وانت عارفنـي
عشان حاجه ؟ بقلبي .. مقدر !! أخفيهـا
اخاف لاحبنـي غيـرك ؟ .. وعاشرنـي
يشوف صورتـك فـي عينـي ويوحيهـا
نشدت عنك ؟ وسمعـت اللـي يفرحنـي
وارتاح صـدري مـن همـوم ٍ يحاتيهـا
تبي تعرف ! وش ؟ على الفرقا مصبرنـي
انـك بخيـر .. وحياتـك مهتنـي فيهـا
مما راق لي
المواضيع المتشابهه: