02-27-2015
|
|
|
في مجتمعنا
- عامل ايه واحشني ؟
-انا تمام انا كويس .. انت فين دلوقتي بتعمل ايه ؟
-انا الحمدلله اتجوزت ومعايا آدم وبشتغل فى الديكور واهي ماشية .. وانت اخبارك ايه ؟
-يعني ملطشة شوية .. ربك كريم الحمدلله تمام تمام
-ايوه بتشتغل ايه يعني ؟
-بشتغل هنا
-بتشتغل ايه فى القطر ؟
-ببيع شوية الكتب دي على ما الاقي شغل..
-بقى بعد ما كنت بتشيل كتب كارل ماركس تبيع رسايل حب و الكلام الفارغ ده!
-لا وحيات ابوك انا مش ناقص .. الكتاب اللى انت بتتريق عليه ده يبيع اكتر من نجيب محفوظ
-نجيب محفوظ ايه يا عم احنا هنستهبل على بعض دي جوابات حب عبيطة
-ما هي دي الافيونة الناس مكتوبلها الكلام اللى بتقوله لبعض وبعدين الناس هنا الغلابة هيقروا ايه يعني كبيرهم واخد ابتدائية
-انت ايه اللى رماك هنا ؟ يعني بتكسب كويس من الشغلانة دي؟
-اهي ماشية ماشية ..
-الناس دي عارفه ان معاك ليسانس آداب ؟؟
-ولو عرفوا هيحصل ايه يعني؟
-طب ضيعت عمرك فى التعليم ليه ؟
- خايب ! وابويا خايب هو كمان ضيع شقاه عشان ابنه يبقى خريج جامعة واهو قاعد فى البيت عاجز مش عارف حتى ازوره .. عندك حل يا صاحبي عندك شغلانة توفرلي سجايري سكني لقمتي اوضة ايجار جديد ؟
-مش عارف اقولك ايه !
-مش هتعرف تقولي ايه .. مفيش حاجة تقولها ! ده انا هتجوز واحدة معدومة مش عارف اجيبلها اوضة نوم بـ5آلاف جنيه ومش عايزني ابيع رسايل حب ؟ انت عارف آخرة كلامنا ايه ؟ هتقولي هشوفلك شغلانة وتاخد موبايلى ومتردش عليا مش عشان كارهني لا .. عشان معندكش حاجة تقولهالي
يلا رسايل حب .. رسايل حب
المواضيع المتشابهه:
|