ايه انا في الحب دكتور وحـــــــــــــــــاني
لكـن الدكتـــور إنســـان وعــــــــــــــــادي

يعتريه الشوق لحــلو الثمــــــــــــــــــــاني
والدواء في الثغر واحضان وايـــــــــــادي

من دنى م الحب لازم ما يعانــــــــــــــــي
واخره يطرقه طّرقات(ن) شــــــــــــدادي

ياما حرّق مهجتي ياما كــــــــــــــــــواني
وسرت في عيسه انا الحادي وشــــــــادي

باوله اطربني بالحون المـــــــــــــــــعاني
من حلاها زودت فينــــي العنــــــــــــادي

وعقلي المزيون كم مرة نهانـــــــــــــــــي
م ادشه الحب لو هذا مـــــــــــــــــــــرادي

ايه يالبييييه يا داعـ(ن) دعـــــــــــــــــاني
يا نعم لبييييه يا ورد وكـــــــــــــــــــــادي

متعب(ن) روحك حبيبي وجيت عانـــــــي
جعلني فدوتك ’ اقلط في فــــــــــــــــؤلدي

ان بغيت الحب بافرش لك حنانـــــــــــــي
وباسكبه مثل الكريم لاعطا وجـــــــــــادي

اخشى م اخشان يا كلي وكيــــــــــــــــاني
ان بطش بك الهوى تطلب بــــــــــــعادي

خايف(ن) ما تحتمل جوره ثوانـــــــــــــي
لن له جيش وعده والف عـــــــــــــــــادي

ايه انا المجني عليه , والحب جــــــــــــاني
كم محبا صاب قلبه والكـــــــــــــــــــبادي

ينتقه روحه ويصبح حي فــــــــــــــــاني
مزن عينه مشربه , والمــــــــــــرّ زادي

وله حلاة في حلاها شكل ثانـــــــــــــــــي
يفقد الي ذاقها للوين غـــــــــــــــــــادي؟!

وينسى ظرفه , الزماني والمكــــــــــــاني
لان نزعات الهوى نزعات ســـــــــــــادي

يارهيف القد يا حلو الثمــــــــــــــــــــــاني
لي قدح زنده بيحرمك الـــــــــــــــــرقادي

اعتراني لجلك بلوثة جنــــــــــــــــــــــاني
م اشوف الا انت يا نبض الـــــــــــودادي

من بعد سعدك وفــي دنياك هانــــــــــــــي
هاك اشواقي فسقها سوق حـــــــــــــــادي

كلها لك رغم حُـساد(ن) وشـــــــــــــــاني
سر بها في القفر او ســــــــــــــهل ووادي

الخبب هو مشيها بسهل وحـــــــــــــــــاني
والدليله خافقي لارضاك قــــــــــــــــــادي

مع خالص مودتي
اخوكم فيلسوف الكلمة
في2020/11/25
8/29
الاربعاء