07-29-2011
|
|
|
من هيبتك كل المعاني ضاعت
كلما بغيت أوصف غلاتك ضعت بحروفي وغديـت
من هيبتك صمت وسكـون يعـم هالدنيـا بلقـاك
يطول بعيوني سهرها مع بحـر عينـك سريـت
أبحـرت دون المستقـر لحـدودك ويبعـد مـداك
أهيم وأتأمل جمالك وأعشقـك لـو مـا رضيـت
وأبحر معك لأخر مدا وأدعي عسى ربـي يهـداك
يامعجزة في دنيتـي اسمـع بهـا قبـل ورأيـت
يامبهرة ياممطـرة ياسعـد عيـن اللـي يـراك
وقفت لحظـات أنتظـر رد السـلام اللـي بديـت
في صمت وعيوني دمعت من صمتها شفت الهلاك
ردت عقب طول إنتظار أثبت بأنـك لـي هويـت
قلت العيون اللي ترين بمحجـري تثبـت غـلاك
من دمعها لو تسألي عنه الثـرى قـال ارتويـت
أزهر عقب طول الضما من دمع شوقي اللي بكاك
وراحت على شاطي البحر والروح معها ولا مشيت
مشيتها موزونة بفخر ما شفت انا فيهـا ارتبـاك
لاواهنيك يالبحـر فـي شوفهـا اليـوم إنتشيـت
واقف على شطك قمـر يعنـي وصلـت لمبتغـاك
ليا بغيت أكتب وأقـول فيـك ضيعـت ونسيـت
من هيبتك كل المعانـي ضاعـت بلحظـة لقـاك
المواضيع المتشابهه:
|