08-08-2022
|
|
|
درويش
درويش أنا وحالى رقيق على أدى..
لاعمرى بحلم بمال ولاكنت يوم مادى..
راضى بنصيبى وأنام دمعى على خدى..
لايوم زارتنى الفرحة ولا عليا بتعدى..
لا السعد عدى عليا ولا حتى بيهَدى..
درويش أنا ومسكين وكأن الحياة ضدى..
هايم فى ملك الله يادوبك يومى بيعدى..
مطحون لاباخد من الأيام ولا بَدى..
كأنى الصفر مركون على جنب ومصدى..
لاعن شمال الرقم ولاعن يمينه كان حدى..
درويش وميت حى لابخاطرى ولابيدى..
المواضيع المتشابهه:
|