المشاركة الأصلية كتبت بواسطة انسان و ملاك

جاي ليا شوق للمشاركه وللكتابه

بس عقلي مزحوم و مشغول بكم شغل مش عايز يخلص

عندي تجديد ترخيص لشركتي والاجراءات الجديده بقت كتير ومعقده

حتى البطاقه بجددها بقت دوشه

والغريب ان محافظتي اول مدينه رقميه في مصر

ومن وقت ما بقت رقميه والدنيا بقت طويله ومعقده

والروتين صار شئ لا يطاق ومحتاج صبر ايوب

ولا الزحمه ههههههههههههه

الناس كترت اوي

ومشكلتي ان بداية الترخيص عندي من القاهره القريه الذكيه

وبعدها ترخيص الحي وترخيص الادارة الجديده لتراخيص المحلات العامه

وموافقات امنيه من اول وجديد وصار فعلا الاشتراطات الامنيه والصناعيه

حاجه تعقيد في تعقيد دا غير الرسوم والمطالبات الماديه المبالغ فيها

والله وانا برخص اول مره ما اتعمل فيا كده

واغلب الناس بتقفل من التعقيدات اللي بقت موجوده وغرامات التاخير في الترخيص

وخد عندك ضرايب عامه وعقاريه وقيمة مضافه وملاهي خمسين نوع ضريبه

وكل مكان له شغله ووقته وطلباته

ولا تأمين صحي شامل ولا تأمينات ولا قوى عامله وموظفين عندك

بقت دوشه كبيره ويقولك رقميه ههههههههههههه

وربنا بلدنا تطفش اي مستثمر من روتينها وتعقيدتها ورسومها وغرامتها

والله بيفتشوا الناس عيني عينك ولو عاجبك

قال جمهوريه جديده قال

عجبي

الله يادنيا ..(