منتديات وهج الذكرى - عرض مشاركة واحدة

10-29-2013

شلبية راحت الكلية وذهبت لاصحابها

شلبية:- السلام عليكم (بابتسامة مشرقة ووجة منور بالايمان)

ردوا جميعا:-وعليكم السلام ورحمه الله وبركاته

شلبية:-أزيك يا بت منك ليها عاملين واحشينى خالص

حسنات:- الحمد لله تمام

شلبية:- عاملين ايه فى المذاكرة؟

فتكات:- اهو يعنى

شلبية:-لسة بتحرتوا زى ما انتوا

سعدات:- (ابتسامة خفيفة)

شلبية:- أقول لكم نكتة؟!

(بصوا لبعض كدا باستغراب ودهشة وقالوا:- قولى)
شلبية:-مرة واحد بص لاقى مراتة طالعة السلم قال لها لو طلعتى السلم تبقى طالق ,ولو نزلتى السلم تبقى طالق, ولو وقفتى مكانك تبقى طالق , فراحت الست رامية نفسها الى الارض فراح قال لها فداك ابى وامى لو مات الامام مالك لاحتاج اليكى اهل المدينة فى احكامهم

فتكات:- دا ايه الراجل دا

سعدات:- وايه دخل الامام مالك فى الموضوع

شلبية:- اصل دى طرفة حقيقية حصلت فى زمن الامام مالك حتى هى اصلا باللغة العربية"نظر رجل إلى إمرأته وهي صاعدة على السلّم.. فقال لها: أنتِ طالق إن صعدتِ وطالقٌ إن نزلتِ وطالقٌ إن وقفتِ!..فرمت المرأة نفسها إلى الأرض.. فقال لها: فداكِ أبي وأمي.. إن مات الإمام مالك احتاج إليك أهل المدينة في أحكامهم..."
بس انا قلتها لكم بالعامية هو تقريبا كان بيختبر مستوى الفقه عندها
حسنات:- بس دا فقع مرارتى دا بيتلكك
فتكات:- لا وهى لازقة فيه بردك
شلبية:- فقيهه يا بنتى اومال
سعدات:- يعنى الكلام دا حصل فعلا!
شلبية:- اه موقف حصل زمان
سعدات:- انا افتكرتها افتكاسة وتاليف زى النكت العادية
شلبية:- قصدك كدبة
فتكات:- كدب علشان بيقول مرة واحد عمل وهو معملشى؟
حسنات:- حلوة حلوة مرة واحد عمل وهو معملشى
شلبية:- بالظبط كدا لانه فعلا معملشى
سعدات:- وبيجيبوا النكت الحقيقية دى منين بقا؟
شلبية:- من ع النت يا اوختى اكتبى من طرائف العرب او من طرائف السلف او من طرائف جحا
فتكات:- بس بس انتوا خلاص هتفطسونى من الضحك يلا نلحق محاضراتنا يا بناويت

وطلعوا المحاضرة
تعالوا نشوف ايه اخبار نادر على فكرة نادر مش مقطوع من شجرة دا لية شلة واصدقاء بردوا ومن ضمن شلتة مين يا ترى مييييين
ايوة سامى خطيب ليلى(عدلات) اللى سابها تعالوا نتعرف على الشله

سامى(مهندس\متخرج ويعمل):- ايه يا شباب نادر مختفى من ساعة ما لبنى ماتت ايه هو حصل له ايه؟
عامر(طالب طب فى دفعة نادر):- مش عارف مالة دا حتى مجاش الكلية من يومها وموبايلة مقفول على طول
تامر(خريج تربية):- اللى يقلق فعلا انى روحت اشوفة فى البت اهلة قالوا لى انه قالهم مسافر كام يوم وراجع
سامى:- يا خبر يا ولاد! يكنش عمل حاجة فى نفسة؟ انا كدت قلقت جدا عليه
عامر:- طيب نعمل ايه علشان نطمن عليه دا لا موبايل ولا عارفين له مكان
تامر:- نصبر لحد ما يرجع لو كان عايش

نادر رجع من المكان اللى كان فية وراح النادى اللى كان بيتجمع فيه شلتة ودخل على اصحابة
سامى:- ايه دا بصوا مين اللى هناك دا نادر........
.........نادر:- سلام عليكم يا شباب
عامر:- حبيب جلبى ندوور كنت فين يا بطل خضيتنا عليك
تامر:- يا بن الذين يا نادر وقعت قلبنا عليك
سامى:- ايه يا عم كنت مختفى فين بس حمدالله على سلامتك يا باشا
نادر:- انا هاحكى ليكم كل حاجة بالتفصييل يلا اقعدوا اقعدوا
سامى:- وادى جعدة اقعدوا يا رجالة
(قعدوا )
نادر:- لبنى ماتت اقدام عينى قالت لى قبل ما تموت 3 كلمات مش هناسهم طول عمرى
سامى:- قالت لك ايه يا حبيب
نادر:- ها (تنهد بعمق واسى وحزن ) قالت لى "قل له يسامحنى \ مش هو دا الطريق يا نادر \ انا خايفة اقابله"
(أقشعرت أجسامهم جميعا وبدى عليهم الانصات وكان على رؤسهم الطير) ونزلت الدموع من عيون نادر
نادر:- الكلام دا بسعة فى ودانى ومش قادر انساه ولا عارف انام ولا عارف اعيش روحت فتحت قناة دينية لاقيت واحد بيقول انت مستنى ايه مستنى تموت وتدفن ولا مستنى حد من اصحابك يموت هتوب امتى هترجع لربنا امتى مستنى ايه هااااااااااااااا(يتنهد بعمق وتزداد دموعة) روحت نزلت المسجد اللى جنب بيتى فية دعايه شاب فى سننا حكيت له قال لى ادعى لها ربنا يسامحها ويغفر لها وامشى فى الطريق الصح علشان متموتش على اللى انت عايش عليه دا
سامى:- متأثرا وانت عملت ايه؟
نادر:- قررت انفذ وصية لبنى ونصيحتى لى قبل الموت قررت امشى فى الطريق الصح قررت اتوب واعيش على التوبة علشان لما اموت مموتش وانا بسمع اغانى ولا وانا بحب واحدة ولا وانا بشرب سيجارة ولا وانا بعاكس بنت ولا وانا بتفرج على فيلم علشان اموت وانا بصلى او وانا بقرا قران او على الاقل اموت وانا مش عاصى
تامر:- وكنت فين؟
نادر:- فية واحد زميلى ماجر شقة علشان يقعد فيها علشان الكلية وكان مسافر ومش فيها اخدت المفتاح منه وقعدت فيها
عامر:- المهم انك بقيت كويس دلوقت ورجعت بالسلامة
نادر:- مين قال لك كدا دا انا تعبان خالص حاسس بالالم فظيع وندم كبيير
سامى:- الم ليه وندم على ايه؟
نادر:- الم على لبنى انها ماتت على الوضع دا وندم انى انا كنت السبب \انا كنت سبب فتنتها لولا انا مكنتش خلعت الحجاب الشرعى بعد ما لبستة ورجعت للبنطلون والاسترتش والبديهات والاسبانش والميكب بعد ما كانت بتمشى فى الطريق الصح رجعتها عشرين خطوة لورا بعد ما تابت من الذنوب بسببى رجعت لكل الذنوب بل رجعت اسوء من الاول ورجعت تعصى اكتر من الاول بسبى ماتت بسوء خاتمة انا مش قادر اسامح نفسى ابدا وندمان جددا بس يفيد بايه الندم لبنى ماتت خلاص مفيش فايدة من الندم
عامر:- ربنا يغفر لها هى الان بين يدى الله ربنا يرحمها بس هى اللى ضعفت وماثبتتش واصحابة هما اللى زنوا عليها وفتنوها
نادر:- ربنا يرحمها ويغفر لها ويعفوا عنها بلاش نتكلم عنها ارجوكم
وهما قاعدين وفجأة
الله اكبر الله اكبر
نادر:- الظهر يلا يا شباب نقوم نصلى الظهر يلا نروح نصلى فى المسجد دا
سامى:- انا مش متوضى........
..تامر:- ولا انا..

....عامر:- ولا انا
نادر:- فيه حمام نتوضى فيه انا كمان هتوضى يلا قبل الاقامة عاوزين نلحق الصف الاول
(اخدهم وراحوا الحمام اتوضوا وراحوا المسجد وصلوا الظهر)
وبعد الظهر قاعدوا فى المسجد ونادر قعد يتكلم
نادر:- انا عشت الحياة اللى فيها متع وشهوات ومفيهاش منع نفس واخدت كل اللى نفسى فيه وملقتش سعادة
وعشت الحياة اللى بين البينين لا فاجر ولا بر اللى بتقولوا عليها عادى وملقتش فيها سعادة
ولاول مرة فى حياتى احس بسعادة لما توبت وقربت لربنا لما منعت نفسى عن الحرام اول مرة احس بسكينة وطمئنينة نفس وراحة بال
حسيت بسكون نفس بعيدا عن دوشة الاغانى حسيت براحة بال بعيد عن اطلاق النظر على البنات حسيت بحرية قلب بعيد ا عن الدخان
مفيش اجمل من انك تعيش فى الحلال الصافى والمباح
سامى:- شوقتنا نجرب لذة الايمان
عامر:- ما تيجوا نتوب كلنا يا رجالة ونرجع لربنا سوا مع بعض محدش مننا يقول لاء
تامر:- موافق..
...سامى:- موافق .
.نادر:- موااااااااااااااااااااااااافق جدا جدا
سامى:- فية واد هنا فى النادى ملتحى كدا وبيدى دروس دينية فى النادى فاكرينة اللى كنا بنتريق عليه زمان دا
نادر:- ايوة فاكرة براء
سامى :- ايوا براء كنت ناسى اسمة المهم هو دا احنا نروح له ونكلمة ونخليه صاحبنا او نخليه يبقى معانا يعنى
عامر:- تفتكر هيرضى انت ناسى كنا بنعمل فيه ايه زمان وكنا بنتريق عليه ازاى وفاكر لما ضحكنا علية النادى كلة
نادر:- براء شاب ملتزم ولو كان زعل ساعتها هيفرح قوى بينا دلوقتى وهيسامحنا واحنا هنعتذر لة ونطلب منة يسامحنا
يا ترى هيروحوا يكلموا براء؟ ويا ترى براء هيوافق او هيقبل صحبيتهم ويا ترى هيقابلهم ازاى وهيقولوا ايه ليه
هنعرف الحلقات القادمة