شكراً: 0

تم شكره 3,828 مرة في 2,417 مشاركة

- يا منى أنا بحبك ، بس خايف يكون جوازنا ضد مصلحتنا
* قول مصلحتك انت
- أبداً يا منى ، مصلحتنا إحنا الاتنين ، تفرق إيه لو نكمل حياتنا زي ما احنا عايشين ؟ يجرى إيه لحبنا لو خليناه في السر ؟ فكري في المركز اللي انا وصلتله يا منى !
* المركز اللي وصلتله ده الفضل فيه ليا أنا ، دلوقتي بتستكتر عليا أشاركك فيه ؟ ولاّ انت نسيت ؟!
- لا يا منى أنا مانسيتش إن انتي اللي خلقتي الإنسان الناجح ده ، وعلشان الإنسان الناجح اللي خلقتيه ده لازم تحافظي عليه وتصونيه !
* وأنا ؟ أنا إيه نصيبي ؟
- الخالق بيدي مابياخدش يامنى ، يكفيه عبادة خلقُه ، وانا بعبدك
* الخالق بيطلب من الناس إنهم يعبدوه في الجهر ، إنت بتعبدني في السر
- العبادة في السر أخلص العبادات يا منى
* العبادة مش خطيئة ، وانت بتعتبر حبك ليا خطيئة
- مش انا يا منى ، ده المجتمع ، مجتمع من الكافرين ماحدش فيه مؤمن بيكي إلا أنا
* خليك نبي وانشر دعوتك
- ماقدرش اكون نبي
* ومين قالك إني أقدر أكون إله ؟!
#
السيناريو الرائع للسينارست الأروع " يوسف فرنسيس "
#الخيط_الرفيع

انسان و ملاك معجب بهذا