حياكم الله جميعاً


مسابقه خفيفه وظريفه ومن مجهودي الشخصي


أما الجوائز فهي بطاقات اتصال لمن يرغب بها ، واللي مايبي بطاقات الاتصال يروح للإداره يتفاهم معاهم على مسألة زيادة المشاركات او النقاط أنا مالي دخل :p


طريقة المسابقة :


أنا ان شاء الله بنزل لكم كل اسبوع صوره ، والصوره لمعلَم او شخص او مكان او شيء معروف ومشهور جداً ، والصوره رايح انزلها على خمس مراحل ، المرحله الأولى يكون باين منها أجزاء بسيطه فقط واترككم تتوقعون ايش اللي بالصوره ويكون التوقيع مفتوح لمدة يوم كامل تقريباً والمرحله الثانيه تكون الصوره اوضح شوي وبرضو اترككم تتوقعون ايش داخلها لمدة يوم وهكذا بقية المراحل حتى المرحله الخامسه تكون الصوره بكاملها طالعه :p


توزيع النقاط :

1- في المرحله الأولى أول واحد يجاوب صح ينحسب له 5 نقاط والثاني 4 والثالث 3 .
2- في المرحله الثانيه أول واحد يجاوب صح ينحسب له 4 نقاط والثاني 3 والثالث 2 .
3- في المرحله الثالثة أول واحد يجاوب صح ينحسب له 3 نقاط والثاني 2 والثالث 1 .
4- في المرحله الرابعه أول واحد يجاوب صح ينحسب له 2 نقاط والثاني 1 والثالث 0 .
5- في المرحله الخامسة أول واحد يجاوب صح ينحسب له 1 نقاط والثاني 0 والثالث 0 .


وبعد مانخلص 5 صور راح نجمع النقاط ونشوف مين الفائز :p


الجوائز :

1- الفائز الأول بطاقات اتصال حسب رغبته بقيمة اجمالية لاتزيد عن 100 ريال .
2- الفائز الثاني بطاقات اتصال حسب رغبته بقيمة اجمالية لاتزيد عن 70 ريال .
3- الفائز الثالث بطاقات اتصال حسب رغبته بقيمة اجمالية لاتزيد عن 50 ريال .
4- الفائز الرابع بطاقات اتصال حسب رغبته بقيمة اجمالية لاتزيد عن 30 ريال .


واللي مايبغى بطاقات اتصال فأكيد الإداره مايقصرون معاه :p



شروط المسابقه والمشاركه :

1- يجب ان لاتقل مشاركات أي عضو يرغب بالمشاركه في المسابقه عن 100 مشاركه اثناء مشاركته .
2- يمنع نهائياً تحرير المشاركات والمشاركات المحرره لايعتد بها واللي بيغير اجابته يضع رد جديد .
3- يوضع توقع واحد بالرد ولايوضع اكثر من ذلك واللي عنده 5 توقعات يضعها بخمس ردود .
4- بالنسبه لعدد الردود او التوقعات المسموحه فهي مفتوحه .
5- يجب ان تكون الإجابه دقيقه جداً وتحدد بالفعل الصوره المطلوبه بدقه .






واذا استجد اي شروط او ايضاحات بطلب من الاداره تضيفها او تسمح لنا بذلك :p

المواضيع المتشابهه:

• الصورة العاشرة والأخيرة من مسابقة من صاحب الصورة
• الصورة السادسه من مسابقة معرفة صاحب الصورة
• الصورة الخامسة من مسابقة معرفة صاحب الصورة
• الصورة الرابعة من مسابقة معرفة صاحب الصورة
• مسااابقة الكوورة وين ؟؟؟ جوائز وبطاقات اتصال بأكثر من 500 ريال ؟