السلام عليكم ورحمة الله وبركاته

موضوعنا متجدد ان شاء الله
من خبراتي في التعامل مع عصافير الزينه
كمان احب اوضح اي سؤال او استفسار تحت امركم اخوتي سواء هنا او بمراسلتي تحت امركم ان شاء الله


مقدمه
عصافير الزينه مخلوقات رقيقه وجميله وحساسه للغايه
لكنها تحتاج خبره في التعامل معاها
للحفاظ عليها وكمان للتزاوج والزياده

علشان نربي عصافير دي اول خطوات لازم تكون متوفره للتربيه

مكان هادي وامن
مكان يدخله الهوى والشمس
اي مواد معطره ممنوعه تماما في التعامل مع العصافير سواء برفيوم او معطرات او اي نوع صابون
الجدول الغذائي لازم يكون بانتظام
غسيل السقايات لشرب العصافير في الشتاء يتم غسل السقايه مره واحده يوميا في الصيف يستحسن مرتين


العصافير بانواعها بتعشق الخضروات زي
الشطه الخضرا
الفلفل الاخضر
قشر البطيخ
قشر الاناناس
بقايا التفاح
الجرجير
البرسيم
الكرات
الذره الاخضر


لضمان الانتاج من العصافير يستحسن شراء عصافير صغيره في العمر
يعني زي ما بنقول زغاليل تقريبا عمر شهرين او 3 شهور
طيب ليه ؟
لضمان اانا مستقبلا نحصل منهم على انتاج عالي
لان لو اشترينا عصافير شغاله يعني متزوجه اه هتشتغل وتنتج انما باعداد قليله وممكن في اي وقت تقطع انتاج



انتظروني في معلومات اخرى
اعرض فيها


انواع العصافير
الاسعار بالجنيه المصري بالتقريب
علاج العصافير
يعني اغلب ما يخص العصافير

وعلى فكره
كل ما اكتبه هنا حصري هديه مني للمنتدى ومش هتشوفوه في اي منتدى
نتيجة خبراتي وتعاملاتي مع العصافير لفترات طويله

يارب الفكره تعجبكم
اخوكم قلم