شكراً: 0

تم شكره 3,828 مرة في 2,417 مشاركة

كانت الفنانة فاتن حمامة تعاني من اللدغة في حرف الراء من ايام ما كانت طفلة صغيرة و بسبب اللدغة دي اتعرضت لموقف محرج في بداية حياتها و ده اللي هي حكيته في مذكراتها في مجلة الكواكب في فترة الستينات
و قالت انها لما التحقت بمعهد التمثيل وفي اول يوم دراسة ليها ... كان ساعتها الفنان الكبير زكي طليمات استاذ المعهد فا دخل المحاضرة و بدأ يتكلم مع الطلبة و بعدين لمح فاتن حمامة فنادا عليها و قالها تعالي هنا يا عروسة فا فاتن زعلت اوي و قالت انا مش عروسة انا فاتن فأبتسم و قالها طيب تعالي هنا يا فاتن و سألها علي اسم المسرحية اللي هي امتحنت فيها و لما جوبته و قعدت تحكي لاحظ عليها اللدغة و انها بتنطق حرف الراء غين بدل راء
فا راح كاتب لها علي السبورة جملة طويلة جدا مليانة بحرف الراء و قالها اقري الجملة دي بصوت عالي و بمجرد ما بدأت تقرا قعد يسد ودانه عشان ميسمعش اللدغة بتاعتها و بعدين راح قالها طلعي لسانك يا فاتن فضحكت و قالته اطلع لساني ليه ؟ قالها عشان اشوف الحتة اللي ناقصة منه ... فطبعا فاتن ضحكت و كل الموجودين ضحكوا
فاتن حمامة بتقول انها من ساعة اليوم دا نشأت صداقة مميزة بينها و بين استاذها زكي طليمات و كان دايما بيشكر في موهبتها و مفيش سنة مرت علي دراستها بالمعهد الا و كانت فاتن حمامة تخلصت من اللدغة تماما و بقت بتنطق حرف الراء بمنتهي الوضوح

نجمه ليل ,انسان و ملاك معجبون بهذا