نويت ارحل
وتخذلني ايديني
تجوع الركض اقدامي
ويمد الدرب كفينه الى جيبي
ويلقى شيء متخبي
ولا يقدر يقول
الا قول (خلوني)
حيا واندس بثيابك
واموه بسحنت اترابك
ويقول تعال .......ضيعني اذا شافوك
ويقول تعال .......تلقاني اذا نسيوك
نويت ارحل معك وانا اسمك وبستانك اذا جعنا
وانا خيمة تظلل لك مناجعنا
وانت الماي اشربني ما دام العطش فمك
حصاتك تسند بي اقدامك
وحصاتك تستحلب لعاب الشمس
ونصير ابيار
ونصير اقمار
ونصير المد....... اذا كف البحر جزره
ونصير غيوم منحدره
ونصير اكثر من الاموات اذا قامو
اذا نامو
مشينا يارفيق الروح.......
وانا بسبقك .......في ظلي .......وتفيا بي
مشينا .......
ونبي نترك ورانا اقدام حفيانه
ونبي نترك دروب حيل تعبانه
ابي ازهق....... واعطيك حفنت جروحي
تصير اشجار للبادي
وتسيل من اول الوادي....... لحواف الشمس
اريد اليوم ترحل بي.......
ما اريد الؤد في منفاي
تعال ارحل
تعال ارحل