لكم ان تتخيلوا ان الحوار ده من 58 سنة !

- يا افندم انا عايزة اثبت ان اللي بيحصل في مجتمعنا ده مخالف لـروح الشريعة ، و ان الفهم الصحيح للشرع بيؤكد ان الطلاق مش حق مطلق في ايد الرجل ، و ان تعدد الزوجات تقرر لحكمة ، و ان القران نفسه يكاد يكون حرمه لما قال ..
= " و ان خفتم الا تعدلوا فواحدة " ، " و لن تعدلوا بين النساء و لو حرصتم "
- بالظبط يا افندم .. و سيدنا محمد عليه السلام رفض ان سيدنا علي يتجوز على بنته فاطمة
= عظيم خالص .. و على كدا جهزتي اقتراحات محددة ؟
- لسه ، لكن في ذهني اقتراح ، بان الطلاق مثلاً لازم يكون بقرار من المحكمة و الجواز بأكتر من واحدة يكون باذن من القاضي و في حالة وجود ضرورة و بشرط التأكد من قدرة الزوج المالية و موافقة زوجته الاولى او علمها على الاقل ، مع الحق في الحصول على الطلاق اذا ارادت
= انتي ناوية تعملي ثورة على الرجالة و لا ايه ؟!
- لا يا افندم انا اعتقد ان ده في صالح الرجل زي ما هو في صالح المرأة تمام ، و ان استقرار الاسرة و البيت ده بيخدم الجميع و ده بردو ما خرجش عن روح الشرع

ماجدة من فيلم ، الحقيقة العارية | 1963