جيتكم على موعدي الساعه 4 💓

السلام عليكم ورحمة الله وبركاتة
اليوم جايب لكم موضوع واقعي حصل معي ولاتحاسبونه من راسي لا انا اذا كتبت موضوع
لازم احط لكم فيه الادله
اشتريت ايفون لان الجوال الي معي كان اسمه اركسون شاريه زمان مابه واتس اب ولا به سناب
مابه شي بالمره
حبيب اواكب العصر والنَّاس والعالم وادخل معهم بعالم الخيال واعيش الواقع المزيف
عشته وشفته وياليتني ماعشته ياليتني ماشريت ايفون ورحت مع التيار والعالم الافتراضي
المهم بعد ما جرفني التيار وكتبت رسالة
واكتب واضغط إرسال والي حصل معي شي ياناس يبكي
كتبت باول رسالة كيف الحال وحطيت إرسال طلعت الكلمه عند الي انا مرسل لها كلمه ماهي كويسه انصدمت وانصدم الي قراها مدري وش اسوي ورحت كاتب له انا آسف طلعت الكلمه
انا اكرهك هذا الي حصل معي ياجماعه والمشكله جلس الشخص المقابل يجلدني بالكلمات السريعه لانه هو فنان بالكتابه عطاني عشرين سطر وانا قاعد احاول اكتب كلمه لكن الغريب
بالموضوع ليش كلامي يطلع ماهو كويس وأنا متاكد انه كتبت اجمل كلمه له
حاولت اجمع نفسي وأحاول اشوف منهو الي قاعد يكتب عني ولقيت لما اكتب كلمه مثلا
انت صديقي تطلع انت جدي هنا عرفت فيه واحد يكتب عني اثريه الايفون هو على حسب الشخص
يتوقع انه يقول الكلمه الفلانيه وهو يكتبها عنه طيب من قاله ومن وصاه وهو صاير لسان عني
ليش سبب لي احراج ومشاكل مع خوياي والنَّاس كلها اخذوا عني فكرة الشتم والسبب وانا ماقلت شي
المهم طفيته وجيتكم هنا على الساعه اربعه بالضبط
الي عنده حل جذري لمشكلتي يكتبه وله الشكر الجزيل
موضوع ثاني لقيته لكم
اي استفسار عندكم طبي نصيحة لاتستقسر بقوقل اي شي طبي كل ماكتب حاجه
جاني الرد ياويلك راجع الدكتور او يقول الحق على حالك اتعبني نفسياً بالمره
اخيرا اكتشفت انه اي شي تستفسر يعطيك شي يصدمك
الليله كتبت بقولك ليش انا احب اكتب دايم الساعه اربعه
خذا خمس دقايق وراح وجاني وكتب لانك شخص مجنون ولازم شيخ يقراء
عليك تعقدت وطفيت قوقل وقبلها الايفون وقلت خلني اروح استانس عند خويانا بالمنتدى القى السهره عامره الحين عندهم وهذي السالفه
وانا احبكم يا اصدقائي
وهذا موضوعي هذي الليله والى لقاء في اقرب فرصه
هذا لو انا كاتب كلامي الليله لكم بالايفون لغير ينجن اخوي شمس الأصيل
راح يقول هذا الرجال خلاص انتهى 🤸🏿‍♀
حتى كلمة اقرب فرصه راح تصير كلمة فرصه الى قرصة وتعال رقعها عاد
لكن الحمدلله جالس اكتب لكم بيدي
✋





المواضيع المتشابهه:

• متي الساعه يا رسول الله ﷺ
• مسابقة هدايا العيد 🌹💓
• يامجمل الساعه بمعصمك حبيبي
• جيتكم من بعييييد هل من ترحيب

وارفة البيان ,ريماس ,همس المطر و 1 آخرون معجبون بهذا

شموخ الكلمة