النونو بيهز راسه يمين و شمال

النونو بيهز راسه يمين و شمال وهو نايم يا تري هو بخير ؟! 🤔

الإجابة عامة 😉

اه ابنك بخير و زي الفل و نسبة كبيرة من الاطفال بيعملوا كدة سواء كنوع من انواع التطور الحركي او تهدئة نفسهم او لو كانوا بدأوا مرحلة التسنين و بعد شهور الموضوع دا بيخف تماما و الطفل بينام هادي خالص فمتقلقيش 😊

طيب امتي تقلقي ؟! 🙄

١. لو الطفل وهو صاحي بيعمل كدة + انه بيحاول يخبط راسه بأيده جامد 🤨

٢. لو البيبي بيشد ودانه وهو صاحي و دايما يعيط وهو ماسكها 😏

٣. لو الطفل وهو صاحي مش بيتجاوب بعينيه مع اللي قدامه و سنه بقي اكبر من ٤ شهور ولو مش بيحرك راسه في اتجاه الصوت او الالعاب 😑

٤. لو الطفل حرارته بتعلي 🤐

و في جميع الاحوال اه حقك تقلقي بس بلاش يكون قلقك مبالغ فيه لو الطفل معندوش الاعراض اللي تستدعي القلق عليه، و يفضل انك تستشيري دكتور الاطفال 😇

و في حالة ان الموضوع طول عن سن السنة اعرضي طفلك علي طبيب تخصص مخ و اعصاب عشان يحدد سبب الحركة خاصة اذا كانت في اجزاء تانية في جسمه بيحصلها رجفة من وقت للتاني سواء وهو صاحي او وهو نايم 👌
------♡♡♡♡-'-----
معا لصحة افضل لأطفالنا
دكتور محمود كامل

المواضيع المتشابهه:

• مستشار خامنئي: إيران تجهز للرد على إسرائيل
• خمس معجزات قرانية تدهش علماء الغرب
• من لا يحطك تاج راسه يابوى عساه لفراش المنايا وسادة
• مطوية (أتحب أن يلين قلبك وتدرك حاجتك؟)
• ما يمحو الله به الخطايا ويرفع به الدرجات:

اميرة الحب ,وردة الغرام ,ناطق العبيدي معجبون بهذا