لو كنت جالس على البحر .. وش بتكتب على رماله..

( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" :

البارحه يومه سأل : ( وش ذكرك ذيك الليال ؟ )
كان الجواب بكل بساطه : ( من متى اصلا نسيت ؟ )

ادري بان جمع ( الصعوبه والبساطه ) شي محال !!
لكنها صارت كذا ! واللي (( اهم )) اني دريت :

ان الحياه فبعد احبابك اذا جف الوصال
تعيشها لو تقتنع انك خلااص اصبحت ( ميت !!)

يا صاحبي لو كل شي يمر بالخاطر يقال
ما كانت العبره تــــولجني اليامنك طريت ؟!

شفني قدرت احبس دموعي بس ( دمع القاف ) سال
ويا كبرها ساكت ولكن داخل اوراقي بكيت !!

عمر الحكي ما كان دافي لاابتدى بقولة تعال
لجل اتجاهل رجفة حروفي اليامني حكيت ..

الحال في بعدك قسم بالله ما اسميه حال
انوي على الضحكه واحس كلي خطا لاني نويت ؟!

تصور انك من رحلت اشوفك لجسمي ظلال
لا شفته امشي ببتعد واثره معي مهما مشيت !!

مدام يعني في بحرك لفرحتي مليون جال
وش فيه موجك ما ركد ؟ قربت اموووت وما رسيت ..

يرضيك ما عادت معي تفرق اذا جالك مجال
لاني اقتنعت انك نهايه واني ببطي ما بديت !!

صرت ( اعقد حجاجي ) اذا جابوك باطراف الجدال
وانا قبل لاقالوا اسمك كني : ميت ثم حييت ..

تعبت اعيش الدور وافتح للمعاذير الخيال
واتخيل اني جيت في بالك وبانك استحيت ..

وتردلي كلك (( وله )) وتقول : ( كن البعد طال ؟ )
ومن الفرح ما عاتبك واقول : ( ياخي مابغيت ! )

حتى وانا تخيل حشمتك ! لن قلبي لا يزال
يكرر اسمك داخل اعماقي بنبضه لا سهيت ..

قلي شسوي فيك ؟ وانت بداخلي اصدق مثال
للحب واحساس القصيد ان عانق الليل وسريت ..

ربي يصبرني على الفرقا مدام الحظ مال
وانت بيجيلك يوم تعرف ليه في بعدك شكيت ..

العمر يمضي ظنّتي ما تحقق

به حلم أشتاقه وغيري يعيشه

والوقت يلحق والرجاوي تعلّق

ممنوع تلمحني ولا بالدريشه


مسروقه آمالي وحزني تفتّق

واللي بقى باليد لوحه وريشه

أرسم بها بيتي وبابٍ يِطقّـق

ثم اكتشف إني بدنياً وحيشه

الشبك في حلمي بقـوّه موثّـق

إلا ان كتب ربي هلاكٍ لجيشه

إلى متى والظلم محسوب للحق ؟

إلى متى وقلوبنا مستهـيـشه !

إلى متى والرقعه أصغر من الشق ؟

إلى متى والضيم يرفع وشيشه !

إلى متى والخير يِنعى ويِندق ؟

إلى متى والغيث نفقد رشيشه ؟

تبي جواب وغصب عنهم يِصدّق

انشـد يـتـيـمٍ قـد توسّـد بخيشـه

ما يِطرب الميّت مزامير أو طق

وما ينفع العاصي جماهير طيشه

دام الخيانة في ( عربنا ) تعمّـق

( صكّات بقعا ) للعظام الهشيشه

:sm اكل فشار مش هكتب اليوم

يكفى اتنفس نسيم البحر :sm

تأكدي كل البشر تخدعينه
الا خفوق من حنانه رويتي

ما عاد انا الطفل الذي تخبرينه
يزعل وترضينه متى ما بغيتي

شوقي غدى كتله رماد بطينه
وهو امس نار من وهجها دفيتي

لا دمع هل..ولا مشاعر حزينه
سراب بينتي..سراب اختفيتي

تعال اسقيك من جدول غرامي
شـــراب فيه للعـاشـــق تهنى

واهيم بك بسماوات المحبــة
اليـــن انك بعـد مثلي تغـــنى

الثقيل الي نظرك يصير مثل الريشه
تسحره بسلوبك وزينك وشي ثاني
والله ان قلبي عليك مزودٍ في طيشه
ارحم القلب المولع يابعد عرباني

اللهم صل على محمد


صباح الخير

صباح الورد نورت ياذيب اهلا بعودتك

ماني كاتب شي ابسبح بس

ترى الكلام الزين مثل المفاتيح
تقفل به افواه وتفتح به قلوب
والا الكلام الشين مابه مرابيح
تخسر به قلوب وتكسب به ذنوب