موضوع:- بداياتي

نبي نعمل الاسباب والله له التدبير..

والاقدام لجل الرزق لازم نتعبها,,,

ترى اللي صغير اليوم بكره يصير كبير,,,

يقولون ما دون اللحى غير شاربها.....

[frame="13 70"]

على الله دبـرة المؤمـن وحـنـا كلـنـا تـقـصـير
ومن يبغى يحوش الرزق يضرب في مناكبها
كلامـك صايـب ٍ لـكـن ترى يبـغـى لـه التنضير
وحـجـه تدعـيـهـا جـب دلـيـلك لـيـن تـكـسـبها
سهــ محمد ــيل

[/frame]

تذكرت الزمان اللي مضى قبل الغروب عصير,,,

على رجمٍ طويل وهبت الغربي هبايبها...

عشيري اخر اخباره سمعت انه قطير مطير,,,

الا يا بري حالي دايم الونات اجاذبها...

[frame="13 70"]

سلامـاتـك مـن الـونه وقـم يله نحـث السير
علـى شـاص ٍ جديد وهـبـت النسمه يلاعبها
على ذيك الديار اللي لها في خاطرك تقدير
لـجـل عـيـن ٍ تـرى قـد كـرًمـت دار وتـرايـبـها
سهــ محمد ــيل

[/frame]

اعرفك حاملٍ للمسك مانته نافخٍ للكير,,,

خوي الدرب روحك للخوي دايم تجود بها...

عسانا نصدف اللي ماخذٍ قلبي مع التفكير,,,

صغير السن واوصافه كثيراتٍ مناقبها...

صح لسانك عذب القوافي

[frame="13 70"]

يابو مـاجد على رسلك حياتـك مالها تفسير
سـوى انك تطلب المـولى وروحك لا تعذبها
شبيه الريم ماله في هوانا يالسنافي غير
حـلـوم ٍ واهـيـه واطـيـاف لا يـمـكن نداعبها
سهــ محمد ــيل

[/frame]

صح لسانك يا سهيل

نبي نحلم ترى بعض الحلوم تسبب التغيير,,,,,

يقول المعتلي سبحانه اسعوا في مناكبها...

كسير القلب ما يقدر يعبر خانه التعبيير,,,,

يبي يفرح ترى دنياه يامكثر مصايبها....

الله الله صح لسانك يالعذب

[frame="13 65"]

ترى اللي ما معه دلو ٍ وحبل ٍ يوصله للبير
يبي يضـمـا ولا يـتـنـى دلي الناس يطلبها
خبرتو واحد ٍ سايق مطايا وهاوي التصوير
او اللي يقني طـيـور الهدد وشلون يحلبها
سهــ محمد ــيل

[/frame]

صح بدنك والله لا يهينك على ما خط قلمك,,,



زمان الجوع ولى والزمن هذا زمن تبذير,,,
قوب الناس ما تبغى بعضها وش سبايبها,,

احب اللي على المله زكاة وصوم مع تكبير...
هذه خله على يمناك لا ضاقت جوانبها,,,

ما عليك زود ابو ماجد ولا هنت

[frame="13 70"]

ترى كثر الفلوس اللي غزت في بعضها تدمير
تـغـر اللـي ضـعـيــف النفس واخـلاقـه تخـربها
يحـسـب المال يـرفـع قـيـمـة الانسان والتدبير
ترى هو راس مالك ياضعيف النفس ومكسبها
سهــ محمد ــيل

[/frame]