~{فعاليات منتديات وهج الذكرى}~ | |
|
|
|
أدوات الموضوع | انواع عرض الموضوع |
#1
|
|||||||||||||||
|
|||||||||||||||
خمسة جنيه
الست دي بتقول مافيش في البيت غير خمسة جنية ، حطتها على الترابيزة وقلت هروح الصبح أشتري بيها عيش🥖 ، وإن كان على الأكل يبقا يدبر بأي حاجة ، أنا عندي شوية بطاطس في البيت🥔 .. وفيما هى تقلب الأمور في رأسها سمعت حد بيخبط على الباب🚪 ، فتحت الباب لقت جارتها بتقولها : البيت مافيهوش ولا قرش ، ألاقي معاكي خمسة جنية سلف ، وبدون تردد قالت لجارتها : أيوة في يا حبيبتي ، لحظة واحدة أجيبهالك ، ودخلت جابت الخمسة جنية بتاعة العيش وإديتها لجارتها !! 🤗 ولما قفلت الباب إبنها قال لها : أيه يا امي إللي عملتيه ده ، أنتي إديتي لجارتنا أم فلان الخمسة جنية بتاعة العيش ؟ 🤔 = طبعاً يا ابني ، ماهى طلبتها وبتقول مافيش في البيت ولا قرش .. - طيب ما احنا برضوا مافيش في بيتنا ولا قرش .. = أحنا ربنا هيدبرهالنا وهيبعتلنا خمسة جنية غيرها ، لكن هى لجأت لينا وخبطت على بابنا ومكانش ينفع نقولها مافيش .. 🤗 - طيب هيدبرها إزاي يا أمي ، ده الدنيا ليل واحنا في قرية ، وأنتي بتروحي الساعة ستة الصبح تجيبي العيش ، يبقا الفلوس هتيجي إزاي بس !! 😖 = ماتخافش يابني ربنا هيبعت 👩👦💜❣️ نامت السيدة مطمئنة ومتكلة على الله تماماً ، وصحيت الساعة الخامسة صباحاً وقالت صليت وقولت لربنا مافيش عيش في البيت خالص وكمان مافيش فلوس وأنا قلت للواد ان ربنا هتدبرها وأنا بروح الفرن الساعة ستة الصبح ودلوقتي الساعة خمسة . بتقولي : أنا قعدت أكلم ربنا وأقوله ارزقنى فلوس العيش ؟؟ والساعة ستة بالظبط لقيت الباب بيخبط ولقيت جارة مابتجيش عندي خالص وخاصة في ساعة بدري زي كدة ، وبتقولي سامحيني يا حبيبتي أنا نسيتك خالص سألتها نسيتني إزاي ؟ قالتلي أصل بنتي إللي في أمريكا ربنا رزقها بطفل وأنتي عارفة انها مكانتش بتخلف وقالتلي من شهر فات ، وزعي خمسين جنية على كل أرملة في البلد ، وأنا وزعت على الكل ونسيتك أنتي ، وإمبارح بليل ربنا فكرني بيكي ، فقلت لازم أجيلك الصبح وإدهالك ، سامحيني يا حبيبتي وخدي الخمسين جنية دي !! 🤗💰 دخلت السيدة وأغلقت الباب ووقف بصت للسماء وقالت لربنا : أنا قولت للواد انك هتدبرها ، بس قلتله انك هتبعتلنا خمسة تبعتلنا خمسين جنية ، ،التدبير منك يارب. الحسنة بعشرة امثالها والست دى شاطرة وتاجرة مع الله فكسبت وكانت واثقة انه سبحانه وتعالى لن يتخلى عنها او يكسر بخاطرها فطلبت منه بعشم وثقة فاستجاب منقول 👈 دربوا نفسكم على الثقة بالله في قلب المستحيل .. وربوا ولادكم عليها حتى يشبوا أسوياء نفسيا والدنيا متقدرش تزعلهم أبدا .. 👈 رددوا {الله} كتير في كل أفعالكم ومشكلاتكم علشان يرجعوا لربنا ساعة الأزمة مش يشمروا عن أذرعهم ويضربوا في الدنيا فسادا ويضطروا يكذبوا ويوقعوا بين الناس علشان كراسي بيلخلخها الزمن أويسرقوا أو يقتلوا 👈 اربطوا الأخلاق بربنا علشان يرجع الضمير بيننا تاني ونوفر كم البلطجة الرهيب اللي عايشين فيه 👈 وفي النهاية مش هتاخد حاجة مش من نصيبك ومش هيروح لغيرك نصيبك بعد عمل اللي عليك أمام الله ..الله يوزع الأرزاق بالحكمة والأنفع والأنسب و الأصلح.. فاطمئن.. 👈 كتبت الأقدار فلنعش بهدوء + رضا تااااام .. ✋ عرفوهم أن جولات الله تغلب جولاتهم وجولات الدنيا ✌ 〰〰〰〰〰〰〰〰 مما قرات المواضيع المتشابهه: |
10-21-2021 | #5 |
|
رد: خمسة جنيه
ويرزقكم من حيث لا تحتسبو
لا اله الا انت سبحانك قصه جميله معبره مشكوره اميرتنا دمتى متالقه تحيااتى ومودتى |
|
كاتب الموضوع | اميرة الحب | مشاركات | 10 | المشاهدات | 293 | | | | انشر الموضوع |
(عرض التفاصيل) الأعضاء الذين شاهدوا هذا الموضوع منذ بعد 04-14-2024, 02:35 AM (إعادة تعين) (حذف) | |
لا توجد أسماء لعرضهـا. |
أدوات الموضوع | |
انواع عرض الموضوع | |
|
|