غاب القمر

💕💕💕💕💕💕💕


غاب القمر ليته مع الشمس ما غاب
وليت النجوم الي بدونه تغيبي
.
يا غايبٍ عني ترى للهوى باب
وأغلقت بابه يوم جيتك حبيبي
.
جرحتني جرحٍ له سنين ما طاب
عذبتني وأنا من أهلك قريبي
.
الدمع من عقبك على الخد سكاب
والقلب من صدك يجي له لهيبي
.
من أول عندك قبل تلبس حجاب
نلعب ونضحك وإن سألتك تجيبي
.
واليوم رحت ولا بقى عقبك أحباب
والزين عندي صار شكله غريبي
.
يا صاحبي معذور لو قلت كذاب
والله عليم بجرحي الي يشيبي
.
كتمت حبي وأحسب القلب ما خاب
وأثر الغزال اللي أحبه يهيبي
.
عشق البنيه يا عرب عاشق لعاب
وإلا الرجل لا حب حبه يصيبي
.
خسران منهو للهوى ما بعد تاب
يذكر حبيبه لين شمسه تغيبي
.
الحب لا جاء ما يجي كله عتاب
مره يصيب وعشر فيها يخيبي
.
يا زين يالي ملحك اليوم جذاب
لا بد ما ترجع وأنا لك أجيبي


💕💕💕💕💕💕💕

المواضيع المتشابهه:

• يا النايفه غاب القمر
• دموع القمر
• شبه القمر
• أنت يا أعزوفة القمر
• ضوء القمر

شموخ الكلمة ,ريماس ,همس المطر معجبون بهذا