شكوى الغالبيه من قلة انتاج العصافير
موضوع مهم ياريت التركيز فيه
لو عايز انتاج بإذن الله 🙏
👌لو فى مرجيحه فى القفص شيلها خالص
👌لو فى وقافه بلاستك غيرها بوحده خشب وتكون ثابته كويس علشان التخصيب
👌لو العش صغير غيروا هاتوا عش انجليزى يعني عش كبير شويه
👌لو مش حاطط فى العش فحم حط علشان الرطوبه مهم
👌لو حاطط القفص فى الارض او مكان واطى علقه ف مكان مرتفع وثابت و طبعا بعيد عن اي تيار هواء العصافير تعشق الاماكن العاليه وتخاف من الاماكن السفلى
👌لو مش معلق سبيا علق ديما علشان ده كلسيوم وضرروى ومهم
👌لو مش بتاكل بيض مسلوق ، اكل ، ولو مش بياكلوه ، غيرلهم طريقه التقديم يعني يتم سلق بيضه وفرمها مع 2 صابع بقصماط ونفرم البيض مع البقصماط كتير ونحطهم للعصافير بس قبل الخطوه يتم تجويع العصافير يعني يكون موعد اكلهم ونشيل الحبوب خالص وقتها لضمان انهم ياكلوا
👌لو فاكر انهم مش بيكلو فاكهه وخضروات لا بيكلوا ، حطلهم جرجير وخس وفافل حراق و بقدونس وبرسيم وخيار وجزر وكوسه ، وبرتقال و تفاح
👌لو عايز يجيب تخصيب كويس اكل جرجير وفلفل وكوسه وحلبه مستنبته وحط طرف معلقه جنزبيل فى المسقاه
👌لو عايز تفرح بيهم سبهم فى حلهم مع نفسهم متفتحش عليهم كتير
👌لو عايز تغذيهم يبقا حط عسل اى نوع عسل على المسقاه خمس نقط على المسقاه كده كل اسبوع يوم
👌لو عايز تحافظ على الزغليل من الموت امنع المحفزات وهما بيضين ومطلعين ومتحطش اى ادويه او فيتامينات نهائي
👌لو عايز تفطم الزغليل لازم يكونو اعتمدو على نفسهم مش شرط اكتمال الريش
👌لو كسلت فى النظافه والاهتمام بيهم يبقا متربيش احسن
👌لو عايز تفرح لازم تصبر
ويظل الاهم
اي انتاج في اي شيئ خصوصا الارواح
ده رزق من ربنا
بس نعمل اللي علينا
ترقبوا الجديد