بيت من الشعر اعجبني..متجدد

اليـا فقـدتوني وغبـت وتواريت
ليّه طلب ياهل الوفـاء سامحوني

اكيـد ماجـت لي على ماتمنّيت
والظرف والاوضـاع ماساعدوني
ذائقة

‏أقول له: أتيتُ لأطمئنّ
ويدري الله لاخوفٌ عليه
ولكني أتيت لضعف قلبٍ
تباكى لهفةً، ارفق عليه .

‏على قول المثل نكبر وننسى ما حصل بالأمس
وأنا هذا المثل بالذااات عيا يدخل بـ رااااسي

يمر اليوم بعد اليووم وأذكرها بغروب الشمس
ولا باقي سوى الذكرى تداري قسوة إحساسي
مما راق لي..

‏خذني على قد عقلي نعنبو حيك
ماعاد باقي بعقلي ماتلهاااااااااابه

في ذمتي مابعد عيني رأت زيك
تلعب بقلب المحب وتحرق اعصابه

‎ذائقة

‏ياليت غيبتها من السبت للسبت
وسبت ضروف" طارئه واتحمل

انا لياغابت عن المجتمع غبت
وتواصلي مع لابتي مايجمل

قولو لها اني في رجاااها. تعذبت
إما تجي بشعور. وإلا . تكمل!!
ذائقة

‏يا خبية ظنوني .. ويا كبر القهر
ودّي أقول لدورة الارض اوقفي

لا تبدي اعذارك انا اللي بعتذر
واستسمحك باقي سنيني واختفي

قلبك قدر يجرح وقلبي ما قدر
سكتت .. وسكوتي علامه للنفي

من عادة الدنيا ومن طبع البشر
ضريبة الخذلان .. يدفعها الوفي
ذائقة

‏شاعر ولي مبدا ومعنى ومجروح
بجروح تنزف كلبوها قصايد

والشعر بين الناس غادي وممدوح
مايجتمع راي البشر بالوكايد

جواب ينهي شك وسوال مطروح
ورضى البشر عاصي على كل عايد

والصمت بعض احيان خيرٍ من البوح
الصمت ميزاته عمى كل كايد

‎

‏لاغاب عنك اللي غيابه مصيبه
وطالت به الغيبه ولاجابه الشـوق

ما فيه داعي تنشده عن مغيبه
ماغاب عنك الا وهو منك مسروق

خله يكمل غيبـته وش تـبي به
لا تلحقه ؛ لو كل مطـرود ملحوق

ترى المحبه ما تجي ب الغصيبّه
لو السما تطبق على الارض من فوق
ذائقة..

‏تليت قلبي. يا حسِين الطبوعي
وتقول في سلم المحبين مسموح

شفتك نهارالسبت مدرى الربوعي
ضيعت حتى الوقت والقلب مجروح

والله لو ترجع بكثر الدموعي
تنام خلق الله وانا ابكيك وانوح

منّته براجع لي لو احب كوعي
وكثرالتوجد هرج مافيه مصلوح

مما راق لي

‏تقول عديت اربعين من العام
واقول. وين انتي وين اربعينك

قطي نصف ماتذكرينه من ارقام
يطلع عددكم هي حقيقه سنينك

اشغلتي افكارك ورا عد الايام
ولازادت بعمرك كثر زود زينك

انتي جمالك مصدر اشواق والهام
وياويل من هو تخزرينه بعينك

‎ذائقة