قائمة الممنوعات في البيت

قائمة الممنوعات في البيت
احدى المتابعات كتبت هذا التقرير
🤣🤣🤣🤣🤣🤣🤣
😩
الباذنجان + الباكله يعني الفول = ماياكله ابني
السمك بالمركة + القرنابيط = يكرها زوجي و اولادي

الشجر يعني الكوسه ممنوع يتكرر ب الاسبوع مره ويُفضل اقل

الدجاج على تشريب احمر او ابيض = بنتي متاكل الدجاج بس قلي او شوي 😞

( نواشف) يعني مقالي بالغده من باب التغيير : ابني ميقبل يريد تمن 😭
تمن عدس كشري = زوجي يحبه اولادي ميحبوه 🤪

فاصوليا خضره العشق مالي 😍بنتي تكرها ومتقبل اسويها دائما
ثريد لبلبي حمص ابني ميعرف ياكله وره ربع ساعه طبخله ٢ كيس اندومي 😭

طماطه حمس يعني قلي بالبصل ابني يعترض على البصل وزوجي يحب بيها بصل

البورك وسمبوسه بنتي تحب تاكله بس مو من ايدي 😂

المقلوبه ممنوع تتكرر لان هاي اكله ( اتشربت يعني اي كلام وتلزيك ) من اقوال بنتي
السبيناغ ممنوع يتكرر بالسنه مره لازم
المعكرونه ناس تريد بيها لحم ناس تريدها بدون ناس تريدها بجبن ناس تريدها بدون 😩😭

الاجبان ممنوع ممنوع بالعشه لان زوجي يضوج منها لان يصبح بيهن بالريوك 😎😓

واخيرا وليس اآخراً ياحبذا حين تعملين تبسي الباذنجان لازم يكون بقدر يشبه التبسي وليس تبسي لان التبسي يشبه الطاوه والطاوه تصنع بيض والبيض يعمل رد فعل للمعده والمعده بيها قرحة 😵‍💫😵
( من اقوال زوجي )

ومن اقوال اولادي ماما مركة القيمه هذاك اليوم جانت تخرع يعني تخوفههه بس احنه استحينه نكولج ف بعد لا تسويها 🥴🤕

وشكرا 🤯

احسن اكهرب روحي

المواضيع المتشابهه:

• في الجنة موت المحرمات وموت الممنوعات وموت الموت
• قائمة أقوى سيارات الـ suv الكلاسيكية
• 6 طرق لتتقبلي الممنوعات في مجتمعك دون الشعور بالكبت
• اخطاء بسيطة على قائمة الطعام
• قائمة الاعضاء المتميزين

ريماس ,ناطق العبيدي ,ملكة الحنان و 3 آخرون معجبون بهذا

اميرة الحب ,نجمه ليل ,الجوري