على امرك يالحبيب اللي تذكر لي طلب فرقاي

على امرك يالحبيب اللي تذكر لي طلب فرقاي



على امرك يالحبيب اللي تذكر لي طلب فرقاي
مدامك ماتبي وصلي انا وش عاد يبقيني

ابحفظ مابقي لي من كرامة وابتعد بخطاي
على درب الغياب ووين ماودي يوديني

واذا حرك معاليقي هواك وحدني لقصاي
دعيت الله يصبرني يطمن قلبي وعيني

وطلبتة مثل مامكن غلاك وثبتة بحشاي
يشيلة من عروقي قبل نار الوجد تنهيني

وربي لو اعرف اني ابثني عزمك برجواي
اموت ولاترجيتك وقلبك مرخصاً فيني

لو انك قلتها تبغى تشوف معزتك جواي
او انك قلتها ساعة زعل والذنب كاسيني

لجيك بكل مافيني من اول داخلي لتلاي
واجي لرضاك لو اخسر من اجلك سنيني

وانا اللي منك عانيتة قتل نار العتب بشفاي
غرام مات في عينك على فرقاك يغريني

حسافة كنت احسب انك تقدر طيبتي ووفاي
نعم وتقدر العشرة تجاملني وتراعيني

توقعتك تكون اخلص عشير جابتة دنياي
اشك بكل هالدنيا وتبقى ماتخليني

طلبت البعد في وقت ابيك تكون بة يمناي
بعد ماجارت ايامي وحرت يديني

ولا يخفاك لوعات الليال وضيمها وياي
وانا ادري مانت نافعني وجودك بس يكفيني

على كل حال ماينفع ملامي لك ولا شكواي
فمان الله ابرحل للغياب اللي يناديني

اختيار راقي وجميل جدا
تسلم الانامل على الطرح المميز
الف شكر على المجهود
بالتوفيق يارب

يسعدك ربي ريماس
على روعة مرورك بمتصفحي ونثر حرفك العطري
الله مايحرمني منك ومن روعة جديدك الشيق

شعر جميل جداً
وراق لي حبيبتي
يعطيك العافية ع الإنتقاء
لروحك سعادة لا تنتهي

لجهودك باقات من الشكر والتقدير
تحياتي والورد

ملكة الحنان
صح لسانك ولسان قايلها
أبيات روعه وفي منتهى الرقه والأحساس كلام جميل أبيات مكتمله
من كل النواحي من ناحيه الوزن والقافيه
أختي ملكة الحنان
تقبلي مروري وشذا عطري ووردي
أنتظر جديدك بكل شوق
تحياتي لك