قعدة ستات الراجل والا ضل الحيطه

المشاركة الأصلية كتبت بواسطة انثى متمرده [align=center][tabletext="width:80%;border:6px inset red;"][cell="filter:;"][align=center] ورجعتلكم تانى فاول حلقة من حلقات قعدة ستات مع متمرده فاهلا بكل اللى منورنى هنا من اعضاء او زوار اتعودت خالتو هى وصحابها من كل خميس يتجمعه فى بيت واحد من بيوتهم هى وصحابتها والخميس ده كان الاجتماع عند خالتو وبالصدفه انا كنت هناك عندهاوطبعا كلهم مهمومين من اجوازهم وشايلين الهم وكل واحده بتدعى على جوزها فالسر ما علينا تعالوا نشوف كانوا بيتكلموه فايه في جلسة حريمي أو ستاتي في عصريه في بيت الست بهيه اللى هى خالتو فجأه جات سيرة الرجاله وقفت بهيه شربت الشاي وبدأت تتكلم قالت ضل راجل ولا ضل حيطه طيب بذمتكم عمركم سمعتوا عن حيطـه تقعد تشخر طول الليل وما تخليكي تقدري تنامي فردت عليها الست هنيه ولا حيطـــــة تدخل من باب البيت تزعق وتجعرعايزة الغدا وبعدين تطين عيشتك علشان الملح طلع زايد في الباميــــه ردت الست جمالات , على الأقل الحيطة بنعرف مكانها فين إنما المحروس الراجل يدوخك وراه عشان تعرفي هو سهران فين قال إيه شغل عنده .. هيهيء طيب بذمتكم فيه حيطه تحاول تطلعك غلطانه في كل كلمة تقولوها عشان تثبت للأولاد أن الحيطة بتفهم أحسن مننا وسكتوا عن الكلام في الحيط شويه إلى أن بدأت الست نعناعه تتكلم وتجيب في سيرة الرجال تاني وبدأت الكلام بجملة قطيعه تقطع الرجال وسنينهم وأردفت قائلة والله فيه شبه بين الرجال والحيط بمعنى لما تطلبي منهم فلوس ما تكوني نفسك تخرجي معاه ... لما تقوليله المدرسة أتصلت وعايزين ولي أمر الطالب يزورهم ولما ولما ... المهم ردت أخيراً الحجه سنيه وهيه بتتريق طبعاً الراجل زي الحيطة ونص كمان ما عندوش عواطف ولا هوه رقيق ولا زفت يعني الراجل الحيطه ده لو جاتلوا حاله من الرقه حيبقى إيه حيصير لوح ولما تحبي تدلعيه تناديه وتقوليلوا يا لــــوح قلبـــــي ويبقى السؤال المهم هل الراجل حيطة ولا لوح؟ بصراحه انا اتصدمت ومبقتش عارفه ارد اقول ايه والا اااايه حسيتهم شايلين الهم ومقهورين يا عين امهم ففكرت وقلت هو ليه الراجل بيعمل كده طبعا كلنا متفقين ان الستات بيحبه الرومانسيه والكلام الحلو عزيزي ... المودام محتاجة تحس بفرحة وجودها فى حياتك ... محتاجة تشوف ده على وشك زى ما بتشوف نفس تعبيرات الفرحة اما الكهربا بترجع ... المودام حضرتك محتاجة تحس انها مهمة فكر فى الموضوع ده بدل ما تتحول مع الوقت الى "لمبة جاز" نهايته تندلق عليك و تولع فيك ...وبطل كلمه نكد مراتى سر سعادتى عزيزى ... الست برضو بنى ادم زيها زيك مش وطواط استرالي متعلق من رجليه على شجرة ... انك تطلب منها شاى وتذاكر للولاد وتكويلك قميصك وتحاسب البقال وتحل مشكله اختك وجوزها فامتجيش كمان تشخط وتتامر زى ذكر السلطعون فى موسم التزواج وتقول .. فييييييييييييين الشاااااااى ... هى ااااايه سوبر ومن حضرتك غالبا حتقتلك من كتر غيظها منك ... فيها ايه لو عملت كوبيتين شاى حلوين وتقولها انا شايفك مشغوله فقلت اعملك شاى تظبطى بيه دماغك يا قلبى هتتشل حضرتك وانتى كمان يا حجه تعالى هنا :sm ربنا ميزنا بذكائنا فيا ريت نستخدمه واحنا ممكن ساعتها نحول بعض (ركزوا اني بقول بعض) من الكوارث الي بنشوفها لإنسان طبيعي اااااه .. ممكن امال انتوا فاكرين ربنا خلق حوا من ضلع ادم ليه؟ احنا الي فينا الشفا لقلب الراجل وعقله وروحه كمان يعني ممكن اوي ان حواء لو ركزت شوية زيادة ترسم عليه اللي هي عايزاه وتقدر تخليه زى ما هى عاوزاه انتو الاتنين بتكملوا بعض يعنى انتى كمان مش يرجع من الشغل يلاقيكى عامله زى الساحره الشريره ومتشعلقه فالمكنسه لا جوزك راجع من الشغل متمسكيش ودانه وامك قالت واختك عادت وولادك ضربه بعض انا زهقت طللللللللقنى لا اختارى الوقت المناسب وصدقينى هتلاقى كل اللى نفسك فيه عزيزى ... عضلات البطن ... و الترابيس و المجانص اللى بتقف قصاد مراية الحمام تدور عليهم ورا الكرش و اللى انتى متخيل انهم موجودين و بتتعامل بيهم على هذا الاساس فى البيت يا ريت ما يختفوش اول ما مراتك تطلب منك انك تزيح لها "الباجير" .. او تزقلها "الكنبة .. عشان هى تمسح تحتها ... و بلاش وقتها ينقح عليك "الديسك" و يجيلك الشد بتاع "السمانة" ... و تبتدى تحس بدوخة الحمل اللى بتجيلك كل ما طلب من الطلبات دى ينطلب ... عزيزتى ... مصنع الكولونيا و البرفان و الكريمات و الزيوت و المكياج اللى على التسريحة من يوم الجواز لحد الخارجة من الافضل استخدامه جوة البيت لان خلاص الضيوف اللى بيجوا و تفرجوهم على الاوضة بقوا اندر من حيوان الخرتيت الاخضر فى ازرق اللى عايش فى غابات كوكب زحلوقيا ... عزيزى ... الشبشــــب ... مش بس وسيلة تهديد و عقاب سواء ليك او عليك فى البيت ... لا ... ليه استخدام تانى و هو "اللبس" ... موضوع مشيانك حافى ده رغم ان عندك خمس شباشب على الاقل بيخلى الانطباع عنك انك خلاص ...بقيت من السكان الاصليين لأمريكا الشمالية قبل ما كولومبوس يخربها ... و خصوصا مع ارتدائك لنفس الطقم فى البيت اللى بتغطى بيه الجزء التحتانى بس :sm ناقصك دراع مقشة و تطلع تصطاد تعالب من الخرابة المجاورة ... عزيزتى ... الـــــدهب ...مش عشان تحوشيه بس ... و تضمنى مستقبلك بعد ما تقتلى جوزك او بعد ما يرميكى فى الشارع ... يحرق المسلسلات العربى اللى بوظت المفهوم عندكم ... الدهب ده زينة ... مش لحماتك بس و للضيوف ممكن تلبسيه فى البيت لجوزك .. بدل ما انتى مخبياه فى جيب الشنطة القديمة اللى ما بتخرجيش بيها و شايلاها فى ارضية الدولاب اللى ما بتفحيهوش او فى الصندرة اللى اخر مرة اتفتحت فيها كان قبل ما يبنوا السد العالى ... فى الاخر اتمنالكم حياه زوجيه سعيده وانتظرونى مع باقى فقراتى تحياتى [/align][/cell][/tabletext][/align]

قعدة ستات أيوه وأخيرا عملتيها
كنت منتظرتك بفارغ الصبر
رائعة يا تمرد يا قلبي إنتي
حوار رائع وواقعي جدا وهادف وراقي
تناولتي في الحلقة نصائح رائعة للمتزوجين
وإن شاء الله يلتزموا فيها
وغلب على الحلقة الطابع الكوميدي ونجحتي ف ذلك
كان عرضك فــ قمة الروعة والإبداع
بوركتي روحي ع المجهود الكبير
أستمري في هذا التألق والتميز الجميل
خالص شكري وتحياتي وتقديري
وأحترامي وأعجابي ونجومي وتقييمي
ما ننحرم من هــ الإبداع وطلتك البهية

تعقيب بسيط
أتفق معك غاليتي
إن أستقرار البيت وسلامتهـ
في أيد الزوجة أولا وأخيرا
لأن الزوجة بتقدر تفرض
جو الهدوء على البيت
كل ما كانت الزوجة زي العسل
كان الزوج مثل ما تتمنى هي
ومثل ما بيقولوا الزوج على ما تعوديه
بس فى الآخير الزوج
لا غنى عنه في البيت
لأنه هو عمود البيت وفخره
والزوجه سنده في كل شي..

المشاركة الأصلية كتبت بواسطة انثى متمرده اق http://https://www.youtube.com/watch?v=iEzLDUzVxuA الفيديو ده جامد اووى هتعلمنا نعمل معطر للتواليت من مواد طبيعيه ارجو انه يعجبكم

يا قلبي إنتي
فعلا الفيديو جميل
ورهيب جدا يستفاد منه
طريقة تحضير المعطر
سهلة جدا وبسيطة
عجبني كثير:sm4:
يعطيك العافية روحي
وبوركت جهودك
لروحك الجنان

المشاركة الأصلية كتبت بواسطة انثى متمرده اهلا بيكم منورين طبعا دى هتكون يومياتى لانى لو مكتبتهاش ممكن اطق او افرقع وطبعا باين من عنوانها انها يوميات واحده مفروووسه اووى ودى هتكون يومياتى مع حماااتى هبتدى ليكم من الاول خاالص اسمعوا بقى ......:sm حبيته واصريت اني اتجوزه غصب عن الكل انا سلمى وهو أحمد اما هي فتكون (أم أحمد) حماتي المصون.. رغم كل الصعاب التي واجهتنا انا []واحمد ولكن تغلبنا عليها وتحديت اهلي واتجوزته وعشت مع اهلهوكنت من البداية اخذت عهد على نفسي ان اعاملهم كأهل و اكتر مع ان البيت صغير والحال على قده لكن كانت لي غرفتي الخاصة طبعاً واحكيلكم ايه على غرفتي الخاصة دي غرفة جميلة وهاديييية خالصصصصصصص لدرجة اني ما كنتش بحس ابداً انها غرفتي الخاصة بل هي عامة بالأحرى (زي الميدان العام) الكل يدخل والكل ياخد الي عاوزه من غير ما يسألني واذا في يوم قفلت عليي اوضتي وقعدت فيها تقول حماتي ( ايه في ايه بتقفلي على نفسك ليه اطمني مش حنحسدك اذا كنتي جايبة حاجة مش عاوزانا نشوفها ربنا يهنيكي ) .. كانت عيشة كلها نكد واللي قرفني فيها حماتي طبعا دي كلمة قنبلة ذرية قليلة عليها دي تدي دروس لماري منيب 1 مع اني والله مش بكرهها و احياناً بيوجعني قلبي عليها بقول يا بنت دي مهما كان زي امك استحمليها بساوقات بتعصب وبحس اني حفرقع وهي والا على بالها طول النهار قاعدة وبتتأمر عليا مع ان بنتها موجودة معانا ومش صغيرة بس كأني الشغالة بتاعتهم..ولما اشتكي لجوزي يرجع تعبان من الشغل اخاف اقولو وازعجو بس والله يا ناس مطلعة عيني خالص... ده في يوم حبيت اعزم اهلي البيت على الغدا وده من النوادر اصلا يتعزمو ده يوم مش حنساه كنت بطلب من جوزي شوية طلبات قامت قالتلو.. - ايه كل ده الي رايح تجيبو احنا لسه في اول الشهر انت فلوسك بكده حتخلص.. احمد: معلش يا ماما اهي عزومة خفيفة عشان اهل سلمى حماتي: دي خفيفة ده لو كان الوزير كنت جبت اقل من كده أكل هو انا ناقصة وجع دماغ .. اسمع يا احمد يا بني تقول لاهل مراتك يجو ويرووحو بسرعة انا دماغي اليومين دول بتوجعني مش قادرة على الدوشة... - احمد: حاضر ان شاء الله.... وانا كنت بسمع جوه الي بيتقال قمت ذودت الطلبات وعليت صوتيوقولت.. -اسمع يا ااااحمد انا عاوزة لأهلي عزومة ما حصلتش جيب فراخ وبط ولحمة اه دول اهلي مش كل يوم بيجو ... هنا ممكن تقولو ان حماتي فرقعت فدخلت في الحديث وقالت... - والله يا احمد اغضب عليك اذا جبت ذيادة عن اللي قولتلك عليه انت حتصرف مرتبك على العزايم قلتبصوت عالي: ايه يا حماتي مالك حااططة على اهلي كده ليه... وبدأت تزعق وقرفتني في عيشتي ما عرفتش اليوم ده خلص ازاي خفتانها تعملي مصيبة لما يجو اهلي انما انا ما حطيتش في بالي عشان كانت معاهم خالتي وخالتي ست رغاية بتمسك حكايات الجيرانمن اول الحارة لأخرها وحماتي تموت موت في الرغي والكلام قامت قعدت معاها واتفقو وبدأو يتكلمو على الناس ونسيت اهلي انهم موجودين... كسبت بكده جوللللللللللللللللللللللللل ياه احكيلكم ايه ولا ايه............. شاطرة هي بس تعمل عزايم لأولادها واخواتها وقرايبها وكلو يطلع على حسابي انا.. واطبخي يا سلمى وجيبي الحاجة دي يا سلمى تقولو اني السفرجي بتاعها ..ده لو كان سفرجي كان ادلل اكتر من كده على الأقل عنده يوم اجازة مش زيي واخدة حكم مؤبد..يا رب ارحمني... مش عارفة ليه كل الحموات بيحطو نقرهم من نقر مرات ابنهم وخصوصاً اذا كان الكبير..مستحيل انسى يوم صباحيتي عملت فيا ايه.. دي على اساس رايحة تقعد اسبوع عند قرايبها جاتمن الصبح وجابت معاها ناس كتير كتير قال ايه يباركولي...ويا ريت روحو لا لا لا لا معقولة ده ديوان الست حماتي لازم يكمل بقعدتو الملكيه بالحشم والناس والخدم الي منهم انا طبعاً...والاحلى من كده عزمتهم يقعدو عندها ككام يوم يعني معانا.. قال ايه (اصلهم جيين من البلد.) ..وتاني يوم قعدت اخدم فيهم وهي تقعد ابنها جنبها بدل ما انا اللي هي مراتو تقعد جنبو وانا بشتغلل.... ياه انا كل ما افتكر ببقي حطــــــق.. كفاية انها اقنعت جوزي يمنعني من الشغل قال ايه الست لازم تكون ست بيت تخدم جوزها قصدها تخدم حماتها واولاد حماتها وقرايب حماتها.. .دي عاوزة شغالة مش مرات ابن ....بس لو ما كانتش ست كبيرة انا كنت مسكت في زمارة رقبتها او عقدت لسانها عقدة طول العمر اهو ارتاح من رغيها وكلاامها الي زي الســــم .... بس لا حرام هي طيبة اوقات بس اوقات ماري منيب تلميذة جنبها... يااارب امنحنى الحكمة لكى أفهم حمــــــاتى وأسألك الصبر ﻷتحمل تقلباتمزاجها و طوله البال لانفذ طلباتها ﻹنى اذا سألتك القوة فلن أتوقف لحظه عن ضربها (>_<) هطحنها ... وربنااااااا هطحنها انتظرونى الحلقه المقبله بقى نكمل باقى يومياتى وبكده اكون وصلت لاخر حاجه فحلقه انهارده ارجو انها تحوز اعجابكم تحياتى....متمرده

هههههههههههه
يلعن شيطانك يا تمرد
هلكتيني من الضحك
متعاطفة جداً مع الزوجة المفروسة
بجد الله يكون فـ عونها
لو كانت دي حماتي كان خلاص
راحت فيها وتلاقيها في ذمة الله
كنت مسممتنها ف الأكل أو الشرب
أو رميتها من أعلى الدرج
هههههههه عم أمزح عنجد
لا تصدقوا ده أنا طيبة وزي العسل

تعقيب بسيط حبي
في هالفقرة إنتي عملتي
الزوجة مغلوب ع آمرها والحماية شريرة
بس ليه كده مفيش إنصاف خالص
مع العلم فيه حمايات زي العسل
ومفيش أطيب منهم..
وفيه زوجات لئيمات وشريرات
والله يكون في عون الحماية
بس ربنا يسعد كل البيوت
تسلم إيدك يا قمره
أختيارك روعه وفقرتك كلها جميله

الذين يشاهدون محتوى الموضوع الآن : 5 ( الأعضاء 1 والزوار 5)
:sm2 اهلا بزوارنا الحلوين

اقتباس:
المشاركة الأصلية كتبت بواسطة نجـــ سهيل ـــم
انثى ..
مدري اذا تسمحين لنا بالرد هنا ام لا..

الموضوع رائع على كل فيه من الفوائد للطرفين ..
قريت اول موضوع فقط ولي عوده لاكمل الباقي ان شاءالله ..
تقييمي واعجابي وتحياتي لك


طبعا ترد وتقول رايك نجم
الاروع هو حضورك طبعا
اكيد الفوائد بتعود على جميع الاطراف مش طرف واحد
منتظره رجوعك
شرفتنى وسعيدة لوجودك aa:

اقتباس:
المشاركة الأصلية كتبت بواسطة صمت البوح
ههههههههههههههههههه حماتك تجلط وليه تسكنين معهم خذيلك بيت وريحي راسك
موضوع جميل جدا يعطيك العافية حبيبتي


هههههههههه نصيبى يا بنتى هو حد لاقى عرسان يا بت :sm
الاجمل حضورك يا كوكتى
نورتينى يا قمرى

اقتباس:
المشاركة الأصلية كتبت بواسطة همس المطر
قعدة ستات أيوه وأخيرا عملتيها
كنت منتظرتك بفارغ الصبر
رائعة يا تمرد يا قلبي إنتي
حوار رائع وواقعي جدا وهادف وراقي
تناولتي في الحلقة نصائح رائعة للمتزوجين
وإن شاء الله يلتزموا فيها
وغلب على الحلقة الطابع الكوميدي ونجحتي ف ذلك
كان عرضك فــ قمة الروعة والإبداع
بوركتي روحي ع المجهود الكبير
أستمري في هذا التألق والتميز الجميل
خالص شكري وتحياتي وتقديري
وأحترامي وأعجابي ونجومي وتقييمي
ما ننحرم من هــ الإبداع وطلتك البهية

تعقيب بسيط
أتفق معك غاليتي
إن أستقرار البيت وسلامتهـ
في أيد الزوجة أولا وأخيرا
لأن الزوجة بتقدر تفرض
جو الهدوء على البيت
كل ما كانت الزوجة زي العسل
كان الزوج مثل ما تتمنى هي
ومثل ما بيقولوا الزوج على ما تعوديه
بس فى الآخير الزوج
لا غنى عنه في البيت
لأنه هو عمود البيت وفخره
والزوجه سنده في كل شي..

ومش يهون عليا تستنى كتييير يا قلبى
يا سيدى على الكلام اللى يجنن هتكونى زوجه مثاليييه يا بطتى
يلا ادينا بنعملو اللى علينا علشان الحلوين يتهنوا فى بيتهم
ويبطلو عراك هههههههه اكيد ان الست هى اللى فايدها كل حاجه
بس برضه الراجل بيكون عليه دور مهم برضه مش كله عليها بس
المعلومه علشان توصل لازم يكون البساطه عنوانها
د وعلشان اضمن ان الزباين متطفش منى والا يناموا فى نص الحلقه :sm1
نورتينى هموسه وربنا ما يحرمنى منك والا تشجيعك وردودك يا لوزتى

اقتباس:
المشاركة الأصلية كتبت بواسطة همس المطر
يا قلبي إنتي
فعلا الفيديو جميل
ورهيب جدا يستفاد منه
طريقة تحضير المعطر
سهلة جدا وبسيطة
عجبني كثير:sm4:
يعطيك العافية روحي
وبوركت جهودك
لروحك الجنان

الاجمل هو حضورك المتالق يا ورده الوهج
انا كمان عجبنى وهنفذه ان شاء الله
ويسعدلى قلبك الطيب يا روحى
بوووساتى

اقتباس:
المشاركة الأصلية كتبت بواسطة همس المطر
هههههههههههه
يلعن شيطانك يا تمرد
هلكتيني من الضحك
متعاطفة جداً مع الزوجة المفروسة
بجد الله يكون فـ عونها
لو كانت دي حماتي كان خلاص
راحت فيها وتلاقيها في ذمة الله
كنت مسممتنها ف الأكل أو الشرب
أو رميتها من أعلى الدرج
هههههههه عم أمزح عنجد
لا تصدقوا ده أنا طيبة وزي العسل

تعقيب بسيط حبي
في هالفقرة إنتي عملتي
الزوجة مغلوب ع آمرها والحماية شريرة
بس ليه كده مفيش إنصاف خالص
مع العلم فيه حمايات زي العسل
ومفيش أطيب منهم..
وفيه زوجات لئيمات وشريرات
والله يكون في عون الحماية
بس ربنا يسعد كل البيوت
تسلم إيدك يا قمره
أختيارك روعه وفقرتك كلها جميله



لان اغلب المفتريات هما الحمرات يا بت:sm
احنا نسمات فراشات عسولات :D
انا معاكى طبعا فيه زوجات مفتريات بس هنا بناقش بقى
ظاهرة الابن الوحيد الراجل وحيد مامته والغيرة بقى
وبعدين انا حطاها اصلا علشان نضحك شويه مع ام احمد وسلمى
بعدين دى لسه يا حرام هتشوف منها هههههههههههههه
اللهم امين حبيبتى ويسعدك يا روحى
مش عارفه اشكرك ازاى يا هموسه على حسن متابعتك وردودك المفيده
ومناقشتك للنقاط اللى اتكلمت عنها
ربنا ما يحرمنى منك حبيبتى

انثى متمرده
ارى هنا ابداعك ياراقية
سلمتى وسلمت لنا مواضيعك الشيقة
ودي لروحك