وبدأت رحلة عامر للعلاج وظل فى المستشفى يتلقى العلاج الكميائى والعلاج الجراحى ويتعرض لبعض الاشعاعات
وكان دائما براء وسامى ونادر لا يتركوة وحيدا فكانوا ينتهون من اعمالهم وكلياتهم وياتون اليه يجلسون معه يصبرونة
يواسونه ويبعثون الامل فيه من جديد يشحنوة ايمانيا يكلموه عن الله والثقة بالله وقدرة الله واللجوء الى الله والتقرب الى الله
زيارة فى المستشفى
نادر:- اذيك يا حبيب قلبى ربنا يشفيك ويرفع عنك اللهم امين
عامر:- ادعيلى يا نادر ادعيلى دا معاد جرعة الكيماوى وانا بتعذب منة
براء:- ربنا يشفيك ويرفع عنك
دخل الدكتور
الدكتور:- ازيك يا بطل يلا معاد الجرعة ربنا يشفيك
وبعد ما اخد عامر الجرعة
عامر(يتلوى من الالم ويصرخ ويرمى بنفسه على الارض ويبكى):- اه اه اه اه نار فى بطنى جحييييييييييييييييييييم جهنم فى بطنى
اه اه اه اه اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااه يا برااااااااااااااااااااااااء انا حاسس بمعنى الايه دى " ( كالمهل يغلي في البطون ( 45 ) كغلي الحميم ( 46 ) خذوه فاعتلوه إلى سواء الجحيم ( 47 ) ثم صبوا فوق رأسه من عذاب الحميم ( 48 ) ذق إنك أنت العزيز الكريم ( 49 ) إن هذا ما كنتم به تمترون ( 50 ) إن المتقين في مقام أمين ( 51 ) ) "
انا حاسس بغلايان فى بطنى نااااااااااااااااااااااااااااااااااااااااااااااااا ااااار
براء:- ربنا يذهب عنك الالم ويشفيك ويعافيك ويرفع عنك وعن كل مرضى المسلميين
عامر:- نادوا الدكتور عاوز مخدر او منووووووم مش قادر استحمل الالم يا ناس
نادر:- حاضر وذهب ينادى الطبيب وجاء الدكتور واعطى لعامر منوم كى يرتاح من الم العلاج
وبعد ان استيقظ
عامر:- يا براء انا شريط حياتى كلة بيمر قدام عينى شايف كل لحظة عصيت فيها ربنا شايق قدامى كل سيجارة شربتها وشايف كل بنت كلمتها وشايف كلام الحب والاغانى اللى كنت بقولة وبسمعة وشايف كل مشهد حرام بصيت عليه وشايف كل مرة زعلت فيها امى وابويا وشايف كل مرة اتريقت فيها على الملتزميين وع الالتزام كلة شريط بيمر قدامى انا خايف اموت و
نادر:- قطع كلامة بانفعال شديد:- متقولش كدا يا عامر انت هتعيش وربنا هيشفيك وهتبقى كويس وكمان انت هتوب وربنا عفور رحيم (وبكى بشدة )(ناد ر تذكر لبنى وموتها وكلمتها التى ترددت فى اذنه ولا يطيق ان يتكرر السيناريوا امام عينة مع صديق عمرة لا يطيق ان يموت صديقة قبل ان يتوب فيتالم الم شديد ويخفى)
براء:- يا عامر ثق فى قدرة الله فى قدرة الله يستوى شفاء البرد مع شفاء السرطان ان الله اذا اراد شئ انما يقول له كن فيكون تضرع الى الله ادعى ربنا وألجا اليه وتوسل وتذلل وثق بالله ولا تمل من الدعاء والرجاء
عامر:- هو انا لو تبت ممكن ربنا يقبلنى وخصوصا انى متبتش الا لما مرضت وخلاص يمكن اموت؟
براء:- يا حبيبى يا عامر هو ربنا بيبتلى عبادة ليه اصلا ؟ علشان يتوبوا ويرجعوا ويتضرعوا ويتقربوا علشان يطهرهم وعلشان يقربهم وعلشان يغفر لهم ويعفوا عنهم
عامر:- طيب ادعو لى بحسن الخاتمة وان ربنا يتقبل توبتى وبص يا براء عاوزك يا حبيبى تجيب لى كدا كام كتاب كبيير اتعلم الدين وكمان عاوزك تحفظنى القران فى مواعيد ثابتة وكمان هات لى كتب صغيرة كتيرة علشان لما حد يزورنى ادعوة الى الله وهات لى شرايط اسمعها وسيديهات اشغلها ع الاب
براء:- من عنيا
وبعد شهر من رحلة العلاج تغيير عامر 180 درجة وانقلب الى داعية كبير فما يزورة احد الا ويخرج منشرح الصدر راضى عن الله واثق فى الله قلبة بقى مليان ثقة ويقين وحب ربنا
فى التلفون
تامر:-سلام عليكم يا نادر ايه اخبار عامر انا برن عليه على طول موبايلة مقفول دايما
نادر:- اصل هو تعبان شوية
تامر:- تعبان يقفل موبايلة؟!.....................
.نادر:-معلش بقى
تامر:- فيه ايه مالك انت مش عاجبنى وبعدين كل ما اتصل بحد منكم ميردش عليه شكلكم مخبيين حاجة عنى
نادر:- حاجة ايه بس اللى هنخبيها
تامر:- عموما انا نازل اجازة يومين من بكرا هاجيلكم ع النادى خلاص
نادر:- والله بقالنا شهر مش بنروح النادى.................
تامر(باستغراب شديد):- انتوا شكلكم مش مريحنى مش بتروحوا النادى ليه
نادر:- عادى مشغوليين يا عم متخدش فى بالك تعالى بالسلامة ونبقى نتصل بيك ونتفق ع المكان.............
تامر:- بكرا اعرف كل حاجة
يا ترى بكرا هيعرف مرض عامر ازاى وهعمل ايه ويا ترى ايه اللى هيحصل
وصل تامر واتصل على نادر
تامر:- ايوة يا نادر انتوا فين؟
نادر:- احنا فى المستشفى اللى جنب بيتى يا تامر بنعمل حاجة كدا تعالى لنا هناك
تامر(مذهول):- نادر انطق فية ايه انا اتاكدت ان فية مصيبة مخبينها عنى
نادر:- يلا يا عم الشبكة بتقطع ومش سامعك سلام (كان بيستهبل والشبكة مش بتقطع ولا حاجة)
تامر:- الو الو الو الو
تامر وصل المستشفى واتصل بنادر
تامر:- ايوا يا زفت انا وصلت المستشفى
نادر:- اطلع الدور الثالث سلام (وقفل بسرعة)
تامر حس بان قلبة انقبض وطلع الثالث ولاقى سامى ونادر وبراء واقفيين منتظرينة
قلب تامر انقبض اكتر وحس بان فية مصيبة
تامر:- فين عامر ؟! وانتوا هنا بتعملوا ايه؟ انتوا مخبيين عنى ايه؟
(بالراحة كدا وبعد مراوغة شديدة عرف تامر حقيقة الامر)
تامر:- انتوا ازاى تخبوا عنى كل دا انا عاوز ادخل اشوف عامر
(دخل تامر الغرفة على عامر ليجد عامر ما شاء الله وجهه كالقمر يضئ ايمان ويرى الرضى محفورا على وجهه)
تامر:-عامر حبيبى (ونزلت الدموع منه وانقطع الكلام ولم يستطع التحدث)
عامر:- اذيك يا تامر يا قلبى انت عامل ايه فى شغلك وفى حالك انا بدعيلك على طول يا تامر ولسة والله داعى ليك امبارح فى قيم الليل
تامر:- (يبتسم بسمة حزينة وهو لا يتمالك نفسه) انت هتخف وتبقى زى الفل يا عامر
عامر:- يا تمور متحملش همى يا قلبى واذا مرضت فهو يشفين ربى حبيبى هو قادر على شفائى والامر بيدة محدش هيكون ارحم ولا احن عليه منه سبحانة وتعالى
ياه يا تامر ياه على معرفة ربنا وحب ربنا ولا تقول لى بقى نسرين ولا شريين حب ربنا دا هو الحب الحقيقى والمتعة الحقيقية ايوة احنا بشر وبنحتاج لبعض بس ناخد احتياجنا من الحلال علشان نرضى ربنا حبيبنا حب ربنا دا حياة تانى
تعرف يا تامر لما ربنا ابتلانى ومرضت بالمرض دا بقيت بتعذب قوى وانا بتعالج وبقيت افكر فى النار والعذاب وبعديين بقيت افتكر كل ذنوبى وافتكر كل اللى عملتة
وبقيت استغفر ربنا وياه على حلاوة الندم والتوبة ياه بس يا خسارة كان نفسى ارجع له سلييم بس المهم ان رجعت له وانا لسه فيه الروح عارف بقيت اقرى واسمع عن الله وبقيت اسمع بقلبى اسمع روحنيات واسمع فقهيات واسمع وافتح قلبى عارف يا تامر بقيت اصلى وانا حاسس بالصلاة بقيت اكرة اسمع الاغانى بقيت اكره اكلم اى بنت تانى بقيت اكرة احب اى بنت غير مراتى بقيت اكرةاتكلم على حد بقيت اكرة اشرب السجاير بقيت اكرة اى حاجة بتغضب ربنا عارف يا تامر انا مبقتش خايف اموت
عارف لما بدا المرض كنت مرعوب ونادر يا عينى كان هيمموت لانة افتكر لبنى وموتها وانا كمان افتكرتة وكنت خايف احصلها واموت وانا بالمعاصى دى لكن ربنا امهلنى وادانى فرصة وانا مش هارجع لاى ذنب من الذنوب دى تانى ابدا ابدا وانا كرهت المعاصى وبقيت بحب ربنا وبحب الطاعة
تامر:-ربنا يشفيك يا عامر ويرحمك
وخرج تامر من عند عامر وقابل الشلة
وهو واقف معاهم طلع سيجارة وولعها
نادر:- ايه يا تامر انت مش ناوى تتوب
تامر:- بص يا نادر ادعولى انا مش هاقدر اعمل زيكم كدا محدش يكلمنى
وفى الشارع
حسنات:- ايه دا احلام حبيبة عمرى وصديقتى القديمة بالحضن يا احلام
احلام:- ازيك يا حسنات ازيك يا قلبى وحشانى خالص خالص
حسنات:- ياه يا ندلة كدا 3 سنين من غير اى اتصال
يا ترى مين احلام دى وايه قصتها وايه علاقتها بحسنات هنعرف الحلقة القادمة باذن الله