موقف في الغربة

قصة طريفه عجبتني نقلتها لكم

موقف في الغربة :

انا اتجوزت من هنا وسافرت مع جوزي على كندا...المهم يعني عروسة جديدة ما بعرفش اطبخ..راح جوزي نازل الشغل وسابني قعدت قلت ايه انا عايزة اعمل مسقعة و انا بقلي البتنجان نسبته اتحرق شوية هوبا انذار البيت قعد يضرب...بتاع الحريق هوبا العمارة كلها زمرت..وانا عرفت انه مني اعمل ايه يا ربي..اعمل ايه ياربي...قعدت ارمي في البتنجان في كل حته...اخبيه علشان لو جم فتشوا فاكرة الشرطة بتاعتهم زينا..المهم شوية في الثلاجة شوية تحت السجادة ايه حته..وطلعت كانه ما فيش حاجة ع البلكونة اتفرج ع الناس بتجري، جوزي بيتصل ع الموبايل..اجري اجري في حريق...انا لما قالي اجري..قلت بس الكنديين عرفوا انه انا الي بقلي بتنجان..شكلة ممنوع القلي في البلد دي والا ايه..لما فهمته قالي لما تقلي تاني افتحي الشبابيك علشان حرارة البيت ما تعلاش ...اتارية لما يحصل حريق في العمارة بيتصلوا في السكان ع الموبايل علشان يتاكدوا انهم اخلوا العمارة. ما علينا بعد بشهر كدة..بعمل تقليه ملوخية هوبا زمرت تاني ...طلعت بقة بوقي ملوخية و اتفرج ع الناس بتجري في الثلج...وعملتها كثير الصراحة ...وكله يجري ما فيش غيري اقعد في البيت..وكل ما يتصلوا في جوزي يقولوه اخلي في حريق..يتصل عليا يقولي طبخلنا ايه يا روحي . :d

😀😀😀😀😀

مما قرأت