يرزق من يشاء

شاور للتاكسى و ركب
بيبص للسواق اتفاجأ من كبر سنه و من وشة الى مافيهوش مكان سليم من كتر التجاعيد الى مغطية على شكله و متبت فى الطارة و ايديه فيها رعشه خفيفة
قعد يقول مع نفسه .. مش عارف لية اول لما ركبت جنبه حسيت ان هما دول الناس الى بتقول الدنيا لسة بخير
هو : حضرتك بتسوق بقالك كتير ؟
السائق : انا بسوق التاكسى من سنة 1948
هو : و ياترى اية خلاصة خبرتك فى السواقة
السائق : نملة سودة على صخرة سودة فى ليلة كاحله الظلمة يرزقها الله
هو : قصدك اية ؟!!
السائق : هحكيلك حكاية حصلت معايا الشهر ده علشان تفهم قصدى
هو : ياريت
السائق : انا فضلت عيان 10 ايام و مبشتغلش و مكونتش قادر اتحرك من السرير و انا طبعا على باب الله و اليوم بيومه ..و بعد اسبوع ماكنش فيه فى البيت ولا مليم .. انا عارف و مراتى مخبيه عليا .. اقولها هنعمل اية يا ستي تقولى الخير كتير .. و هى عمالة تشحت اكل من الجيران و انا طبعا ولادى الى فيهم مكفيهم و كل واحد فى وادى و عنده مشاكله .. بعد 10 ايام قولت لمراتى هنزل الشغل حلفت مانا نازل الشغل عشان حموت منها .. فكدبت عليها و قولتها هروح القهوة ساعة و ارجع عشان اتخنقت و عاوز اشم هوا
و دورت العربية و قلت ياربنا يا رزاق
فضلت ماشى لحد ملاقيت عربية تاكسي عطلانة و السواق بتاعها بيقولى معايا واحد عربى طالع المطار تاخده عشان عربيتى عطلت ؟ واخد بالك من حكمة ربنا ؟ معاه 504 حالتها بريمو و عطلت , قلت له اوصله
ركب معايا الزبون و سألنى هتاخد كام قولتله الى تجيبه و أكد عليا قولتله الى تجيبه هاخده
عرفت انه رايح قرية البضايع عشان هيخلص حاجة هناك .. فقولتله انا حفيدى بيشتغل هناك و ممكن يساعدك .. و بالفعل لاقيت حفيدى هناك فى الوردية .. طبعا كان ممكن ملاقهوش .. خلصنا الحاجة الى عاوزها و رجعنا الدقى
سألنى عاوز كام؟ قولته احنا اتفقنا الى تجيبه فراح مدينى 50 جنية خدتهم و همشى .. قالى راضى قولته اه راضى نشكر لله
قالى بص يا عم الجمرك كان المفروض 1400 جنية و حفيدك خلانى ادفع 600 جنية يعنى فيه فرق 800 جنية دول طالعين من ذمتى ليك يعنى حلالك و دول 200 جنية اجرة المشوار يبقى الف جنيه و ال 50 جنية الى معاك هدية منى ليك
شفت يا استاذ يعنى مشوار واحد جابلى الف جنيه ممكن اشتغل شهر و ماجبهومش .. شوفت ربنا نزلنى من بيتى وعطل التاكسى التانى و اوجد لى كل المسببات علشان يرزقنى الرزق ده .. اصل كل ده بتاع ربنا .. دى الحاجة الوحيدة الى اتعلمتها فى حياتى 💚

المواضيع المتشابهه:

• معنى إن الله يهدي من يشاء ويضل من يشاء.
• جزاء المعروف
• هذا جزاء سنمار
• محكوم بــ 27 مؤبد (2673 سنة ) امضى منها 15 سنة يرزق بمولود بعد تهريب حيوانات منويه له من داخل سجنه

همس المطر ,ريماس ,روح الأمل و 1 آخرون معجبون بهذا

:: نوف ::

سلمت اناملك ع سرد القصـــة
يعطيك الف عافيـة
تحيأأأأأتي

وارفة البيان معجب بهذا

يعطيك العافية غاليتي وارفه لا عدمنا جديدك

وارفة البيان معجب بهذا

سلمت يمناك على
الانتقاء الاكثر من رائع
ولاحرمنا جديدك الشيق
تحياتي لك

وارفة البيان معجب بهذا

دمت ودآم بحـر عطآئك
أرق التحايا مع الورد

وارفة البيان معجب بهذا

يرزق من يشاء

قصة رائعه جداً

ربي يعطيكِ الصحه والعافيه

يسعدك ربي حبيبتي

وارفة البيان معجب بهذا

لكم جزيل الشكر والتقدير أحبتي