سحابه

سحابه

جف الكلام ومدت يدينها فوق: ..
..... أخترت هذي .. وأنت شف لك سحابه


قلت .. ويديني تحتضنها مثل طوق .
....أخترت هذي هذي أكثر رحابه


هذي دفا صوتٍ من البرد مخنوق
....هذي سؤالٍ نصف عمري جوابه


هذي هي اللي عرّفتني على الشوق
....هذي قدر .. ماكنت حاسب حسابه


قطعة حزن في جيب بالي ومشقوق
....ومضة فرح في عيون ناسٍ غلابه


إن سولفت في ثغرها لمعة بروق
....وإن سرّحت في عيونها صمت غابه


واليا اضحكت نورٍ من الفجر مسروق
....واليا بكت تحزن عليها الكآبه


حبي لها لوأدري ان فيه مخلوق
....قدّ حبّ مثله .. قلت: ياللغرابه


هالآدمي من وين له قلب وعروق؟!
....والصبر هالمسكين من وين جابه؟


وأنا أتكلّم .. ردّت عيونها فوق
....ثم تمتمت: من هي هالأكثر رحابه؟؟


قلت ويديني تحتضنها مثل طوق
....في ذمتي ماشفت غيرك سحابه



الشاعر القدير/فهد المساعد

المواضيع المتشابهه:

• ~||مرور سحابه والالفيه الاولى
• اغرب جزيرة فى العالم فوقها سحابه واحدة

شموخ الكلمة ,اميرة الحب ,ريماس و 3 آخرون معجبون بهذا

عاشق القصيد ,نجـ سهيل ـم ,وارفة البيان

في ذمتي ماشفت غيرك سحابه

روعات شاعرها والي اختارتها
يسلم احساسك والذوق ملكتنا

نجـ سهيل ـم معجب بهذا

مرحبا ملكة المنتدى
بعد محاولة تقريب فارق اللهجة... أقول أنها من مواضيعك الجميلة كلمات ومعنى ومضمون.
تحياتى ولك المجد ولقلبك السعادة

نجـ سهيل ـم معجب بهذا

صح لسانه الشاعر فهد المساعد
ولسانك الناقل..
تحياتي لك ملكه...

ملكة الحنان
صح لسانك ولسان قايلها
أبيات روعه وفي منتهى الرقه والأحساس كلام جميل أبيات مكتمله
من كل النواحي من ناحيه الوزن والقافيه
أختي ملكة الحنان
تقبلي مروري وشذا عطري ووردي
أنتظر جديدك بكل شوق
تحياتي لك

سلمت الأيادي على روعة الطرح
في انتظار جديد طرحك
لاخلا ولا عدم

ملكة

كلمات في غاية الروعة
صح لسان شاعرها وتسلم يد ناقلها
سلمت أناملك على روعة طرحك
ويعطيك العافية لطيب الجهد وتميز العطاء
ما ننحرم من فيض عطائك وإبداعك
مع ارق تحية
لقبك الفرح
كنت هنا اميرة الحب

تسلم اناملك لروعــة ذائقتك
تحيتــي وتقديــري

كل الشكر لك ولجهودك
أرق التحايا مع الورد