ملامح عراقيه - - مايروقني ويروقكم من ابيات شعر عراقيه

راح اجرب اخذ قليبي واهج
وان بقت ذكراي يمكم
سوالفي التشفي المهج
لا تقلبوها وتذكروني ابد
مايعيش الوفه وي قلبن عرج
ولا يدور من جفوه وهمشوه
تجيبهم لحظة فرج

وارفة البيان

احمد الحلو معجب بهذا

حمام احمل لهم وياك مرسال
والدمع بفراقهم مر سال
مر اسال متى يعودون مر سال
شيصبر قلوبنا في ابعاد الاحباب

بالله ياطير الحمام اللي تسافر ودي لاحبابي السلام
واحمل بجنحك رسايل من تهاجر للي حرموني المنام
بالله ياطير الحمام
,,,,,,,,,,,,,,
بالله ياطير البراري اللي تغني فرح الدنيا بغناك
واخذ وياك للحبيب اجمل كلام وقله مامره نساك
زايد بقلبه الهيام بالله ياطير الحمام
,,,,,,,,,,,,,,,
مر ياطاير وبسماهم ديره ديره وخلي يشوفونك حبيب
وقولهم المحبوب ماناسي الليالي وبعد فرقاهم غريب
وراح من عينه المنام بالله ياطير الحمام
,,,,,,,,,,,,,,
وقولهم ورود الحدائق تنتظرهم وتنتظر عشرة زمان
والليالي جنة صارت وبأسمهم فاضت الدنيا حنان
وراح من عينه المنام بالله ياطير الحمام

احمد الحلو معجب بهذا

ليش أهتم
وعليمن محترك كلبي
ويطك الدم
وأذا جاسوا طرف شعرك ؟
وأذا شموك ؟
غير أنتَ اشتهيت الشم ..

احمد الحلو معجب بهذا

ينشدوني عليك شلون وضعه وياك
واكلهم مو طبيعي اهواي داراني

وتطردني من ادك بابك وأكل للناس
طار من الفرح لمن تلكاني

اشطبتني من سجلك واني اكل للناس
شطبني من سجله للكلب وداني

كالولي يكرهك كلت غلطانين
يكرهني بشقه وبصدك يهواني

كالوا شلع كلبك كلت يعني اصار
شكو بيه اذا محبوبي شاقاني !

وارفة البيان معجب بهذا

وانا كم مره اكلك
من تريد تفوت
اتلثم يلا تعبر !
يل ماخذ كليبي وياك
يهنياله الكلب
يمك يضل يسهر !
يا ترف جنك ورد
الكمر من شاف حسنك
بطل بعد ما ينغر !
يبو عيون الشكر
يل جنهن مرايه !
عليك شكد اجولي
هواي شرايه !
وانا اترجاك
بسك بعد لا تحجي
الف واحد يطيح من الحجايه !

وارفة البيان معجب بهذا

مافكرت بيه ؟

ماصار عدك نقص !

من فجأه تترك شخص وياك يوميه

من توكع بمشكله

ماترجع الذاكره وتحتاجني شويه ؟

وارفة البيان معجب بهذا

اتحداني لكن قبل من جنه غربة وجنت ما ساكن بعيني
مو هسه من جتفت روحي بسلاسل عشك رايد تلاويني
طبعا سهل تنتصر
ما اكدر اجرح لأن كل جرح رايح الك يرجع يأذيني

ضل بعيد
ولا تحط طيفك حمامة بغصن رمشي
حيل خايف
خايف اتعلم عليك وتالي تمشي
طبعي مو زين
الاحبه
يصير كلشي
ومن يروح يروح كلشي !

وارفة البيان معجب بهذا

مطر جنك اذا شفتك
ونا بصحره
وعطش گلبي الك تموز
بس ماكول وانه بعازت الگطره
محد شافها الجنة
وشفتها اوياك من نظرة !

وارفة البيان معجب بهذا

بعدها اعيادي تفاحات
شجرتهن مواعيدك
وبعدني شما ملت عيني سفينة نوح
ابادلها بحضن ايدك
ولحد هسه
اليكلي عيدك مبارك
يباركلك
لان عيدي انه من عيدك

وارفة البيان معجب بهذا

مو عناد
بس احس عني ابتعادك
رعب مو بس ابتعاد
البياض انت الوحيد بكل حياتي
ومن اخسرك يعني منفى
و طرد
من جنة ضوه لدنية سواد

وارفة البيان معجب بهذا