احذر من اللي لازعل ينكر الطيب
جنب مخاواته وجنب حياته
انا خذيت من الزمن والتجاريب
ان الخوي لاخان توجع عصاته .
وش لك بخوه كل ابوها عذاريب !
لاتامنه لو شفت ضحكت شفاته
البعد ماهو عيب تدري وش العيب ؟
انك معه بالعيب تسوي سواته !
لاحتاجلك جالك ولا احتجته يغيب
وليا نصيته صد وابعد مباته
من لايعدك بالغلا والمكاسيب
عيب عليك تلاحقه من غلاته !
ماشره على غيري ولا لي مطاليب
وكنيت عن درب الردى والشماته
انا وفيت لشخص خلاني غريب !
والله ماخلا سوى ذكرياته
مانتظر طيبه ولا ودي يطيب
ماحتجت له وانا السبب في نجاته !
ماقصد احد واللي فهم عقله يصيب
هذي وصاة اللي ترك لك وصاته