انت مش عارف انت مين ولا ا؟؟؟؟؟؟؟؟؟؟؟؟؟؟

بسسسست , انت ... أيوه انت , انت باللي بتبص وراك , هو فيه حد بيقرأ غيرك ؟؟
جاهز للدور اللي هتقوم بيه و لا لأ ؟؟
- دور ؟؟ دور إيه كفى الله الشر !!؟؟


- الدور اللي ما حدش في الدنيا يقدر يقوم بيه غيرك !!

- دور إيه ده اللي ما حدش يقدر يقوم بيه غيري ؟؟

أنا ما حدش قال لي حاجة !!

على فكرة لو انت طالب جيمس بوند فيسعدني أن أقول لك : النمرة غلط ..
جيمس بوند مين ؟؟ أنا طالبك انت , هو انت مش مصدق إن ليك دور ما حدش يقدر يقوم بيه في الدنيا غيرك و لا إيه ؟؟


- مممم , انت شكلك عبيط و لا إيه ؟؟ طب فكرني يا سيدي ,


- أنا ؟؟ أنا طبعا ما أعرفش ,
انت اللي لازم تكون ( عارف ) , أو ( بتحاول تعرف ) الدور اللي ربنا خلقك ليه في الدنيا , و ما خلقش حد تاني غيرك ليه ,
أصل ربنا ما خلقش حد كده و خلاص ,
ربنا خالق كل واحد و ليه دور ما حدش يقدر يقوم بيه غيره هو بس ,


- يا عم خضيتني , دور مين بس يا عم الحاج , خلي الطابق مستور ,
ده أنا شخص عادي جدا زي أي حد ,
ما تقولش على نفسك كده , طالما ربنا خلقك يبقى أكيد ليك لزمة , و ليك دور ما حدش يقدر يقوم بيه غيرك , و لو كان مالكش لزمة ما كانش ربنا خلقك , لأنه لا يخلق شيئا عبثا ,


- يا عم ماشي , ربنا ما بيخلقش شيء عبثا , عارفين و الله , لكن أنا ما أنفعش لدور مميز و لا للحاجات دي , أصلك ما تعرفنيش ,


- شكلك ما تعرفش المنفلوطي بيقول إيه ؟؟


- بيقول إيه إن شاء الله ؟؟
- بيقول : " من العجز أن يزدري المرء نفسه فلا يقيم لها وزناً،
وأن ينظر إلى من فوقه من الناس نظر الحيوان الأعجم إلى الحيوان الناطق،
وعندي أن من يخطئ في تقدير قيمته مستعلياً خير ممن يخطئ في تقديرها متدنياً ؛
فإن الرجل إذا صغرت نفسه في عين نفسه يأبى لها من أعماله وأطواره إلا ما يشاكل منزلتها عنده؛
فتراه صغيراً في علمه، صغيراً في أدبه، صغيراً في مروءته وهمته، صغيراً في ميوله وأهوائه، صغيراً في جميع شؤونه وأعماله؛
فإن عظمت نفسه عظم بجانبها كل ما كان صغيراً في جانب النفس الصغيرة . "


- كلام جميل و كلام ( مأعول ) ما أقدرش أقول حاجة عنه , لكن أنا ليا سوابق في الفشل , سوابق كتير تخليني ما أساويش حاجة بالفعل , و تخلي أي حد ليه قيمة أكثر مني ,
- يا عم ما تقولش كده , شكلك سمعتش قصة الـ200 جنيه ؟؟


- إحنا هنقضيها منفلوطي و قصص ؟؟ ما عندكش أفلام وثائقية بالمرة ؟؟

ارغي يا سيدي و سمعنا ..


- كان يا ماكان , في أحد المحاضرات
رفع المحاضر ورقة بـ200 جنيه ..
وقال: من يريد هذه ؟
رفع معظم الموجودين أيديهم
وقال لهم : سوف أعطيها لواحد منكم لكن بعد ما أفعل هذا :
فقام بكرمشة الورقة ثم سألهم :
من يريدها ؟؟؟
ومازالت الايدي مرتفعة ..
حسنا .. ماذا لو فعلت هذا ..
فرمي النقود على الارض وقام بدعسها بحذائه من ثم رفعها وهي متسخة
ومليئة بالتراب !!
وسألهم : من منكم مازال يريدها ؟؟
فارتفعت الايدي مرة ثالثة ..
فقال : الان يجب أن تكونوا تعلمتم درسا قيماً ..
مهما فعلت بالنقود فمازلتم تريدونها لانها لم تنقص في قيمتها فهي مازالت 200 جنيه
في مرات عديدة من حياتنا نسقط على الأرض وننكمش على أنفسنا ونتراجع بسبب القرارات
التي اتخذناها أو بسبب الظروف التي تحيط بنا ، فنشعر حينها بأنه لا قيمة لنا ..
مهما حصل فانت لا تفقدك قيمتك ..
و ابقوا قابلوني لو حد أخد الـ200 جنيه
- مممممممممممممم ............




- انت لسه محتقر نفسك ليه ؟؟ ربنا بيقول { و لقد كرمنا بني آدم } , و انت من بني آدم , مش عاوز تكرم نفسك ليه ؟؟
مش مصدق ليه إن ربنا خلقك انت لمهمة ما حدش غيرك يقدر يقوم بيها ,

حتى لو انت شايف حياتك بسيطة , لكن ما حدش كان يقدر يعيشها غيرك ,
صدقني بجد , انت ليك دور خاص بيك في الدنيا ,

دور ما حدش غيرك يقدر يقوم بيه حتى جيمس بوند
فاعرف قيمة نفسك , و لا تحقر نفسك ,

فـ( إن نفس المؤمن غالية , و بعضهم يبيعها برخص ) ....

مي محمد


حوار جميل وراقي يبين قيمه النفس عند الله وبالتالي قيمتها لدى صاحبها

مااجمل ان نعرف امكانيات انفسنا وان نقدرها وان نكون دائماً اصحاب عزة وقرار

شكرا مي محمد على كلمات اقرأها لأول مره للمنفلوطي .. وكلمات اكثر من محفزة في ثنايا موضوعك

نقل رائع وجميل اتمنى الجميع يستفيد منه .

شكر مي العبره ممتازه

تكريم المرء لنفسه طاعه لان الله كرمه

المشاركة الأصلية كتبت بواسطة شمس الاصيل مي محمد حوار جميل وراقي يبين قيمه النفس عند الله وبالتالي قيمتها لدى صاحبها مااجمل ان نعرف امكانيات انفسنا وان نقدرها وان نكون دائماً اصحاب عزة وقرار شكرا مي محمد على كلمات اقرأها لأول مره للمنفلوطي .. وكلمات اكثر من محفزة في ثنايا موضوعك نقل رائع وجميل اتمنى الجميع يستفيد منه .

الاجمل هو وجودك

المشاركة الأصلية كتبت بواسطة همس المروج شكر مي العبره ممتازه تكريم المرء لنفسه طاعه لان الله كرمه

معاكي حق منورة يا قمر