| ~{فعاليات منتديات وهج الذكرى}~ | |
|
|
|
|
|
|||||||
| ღ ♥ جـاذبية انثـى ♥ ღ أزياء , فساتين , مكياج , عطورات , اكسسوارات ,تسريحات وكل مايتعلق ,بأناقة ,وازياء حواء وعالمها |
 |
|
|
|
أدوات الموضوع | انواع عرض الموضوع |
|
#1
06-21-2013
|
||||||||||||||
|
||||||||||||||
يعني إيه in a relationship
يعني إيه in a relationship يعني البنت الطاهرة العفيفة اللي كانت تعفي نفسها وقلبها عن هذه العلاقات فجأة بقت واحدة من أهلها و بقى ليها صاحب و يالها من كلمة عظيمة توجب غضب الله تعالى إذ قال في سورة النساء "وَلاَ مُتَّخِذَاتِ أَخْدَانٍ" [النساء : 25] يعني إيه in a relationship يعني البنت اللي كانت مطيعة لأمها وأبوها بتدخل بميعاد وتخرج بميعاد ومتقدرش تتأخر برة البيت خلاص راح زمانها وبقى الخروج و الدخول في أي وقت وبالخناق وأهي كانت مع صاحبها. يعني إيه in a relationship يعني البنت اللي كانت متقدرش تخبي على مامتها حاجة ولا تكذب أبدا على أبوها بقت دلوقت كلامها كله كذب في كذب بل و بقت أمهر من أمهر كاذب في العالم وده كله عشان صاحبها يعني إيه in a relationship يعني البنت اللي كانت محافظة على فلوسها وعلى وقتها خلاص راحت عليها و بقى وقتها كله موهوب لصاحبها بعد ما كانت تنفقه على مستقبلها و طبعا فلوسها كلها ضايعة عالرصيد و الهدايا والفسح و الخروج يعني إيه in a relationship يعني البنت تيجي وتحطهالك كده على الفيس بوك تظلم بيها الدنيا وتقولها بمنتهى البجاحة "أصلي ارتبطت" والمسكينة متعرفش إنها كده بتكشف ستر ربنا عليها وبتدخل في المجاهرون بالذنب... يعني بدل ما تستر نفسها وتستر المعصية اللي وقعت فيها لأ بتنشرها كده على الملأ و الأعظم من ذلك فرحها بالذنب و هو ذنب أعظم من الذنب يعني إيه in a relationship يعني البنت تبقى سهلة في إيد حبيبها الراجل الأجنبي عنها... يكلمها وقت ما هو عايز...و يلمسها زي ما هو عايز.. .و يبصلها زي ما هو عايز... و يتغزل فيها زي ما هو عايز.. .بل و في ناس ممكن يوصل إنه يزني بيها زي ماهو عايز... و في الآخر يتقال حب.. نسال الله العافية يعني إيه in a relationship يعني البنت تيجي تقولها ده حرام و لا يجوز.. تقولك ده حب بريء و إحنا مش بنعمل حاجة غلط... لأ بتعملي حرام و غلط و مش معنى إنك متعرفيش إنه حرام أو مش مقتنعة إنه حرام إنه مش حرام.. .و افتكري يوم القيامة لما تقفي قدام ربنا هتقوليله ايه؟ هتقوليله أصلي مكونتش مقتنعة؟؟ هتبقى مشتركة مع اللي اتكلم ربنا عليهم في القرآن لما بعتلهم رسل تنبههم قالوا ايه؟ (قَالُوا مَا أَنتُمْ إِلاَّ بَشَرٌ مِّثْلُنَا وَمَا أَنزَلَ الرَّحْمن مِن شَيْءٍ إِنْ أَنتُمْ إِلاَّ تَكْذِبُونَ ) [يس : 15] يعني إيه in a relationship يعني البنت تيجي تقولك مامي عارفة و هو بيكلمها وأكدلها إنه هيخطبني.. و هي واثقة فيا وسيباني أعمل إللي أنا عايزاه.. طيب يا حبيبتي هل معنى إن مامتك موافقاكي على الغلط إنه صح طيب بصي كده ربنا كان بيقول إيه على الكفار (إِنَّهُمْ أَلْفَوْا آبَاءهُمْ ضَالِّينَ[69] فَهُمْ عَلَى آثَارِهِمْ يُهْرَعُونَ) [الصافات .gif "69") 70](بَلْ قَالُوا إِنَّا وَجَدْنَا آبَاءنَا عَلَى أُمَّةٍ وَإِنَّا عَلَى آثَارِهِم مُّهْتَدُونَ) [الزخرف : 22] مش معنى إن أهلك سمحنلك بحاجة إنها صح أوحلال.. كل جيل له معايبه التي ينبغي علينا اننا نصلحها في جيلنا. .ومش معنى انها مامتك انك تأخذي منها كل شيء كما هو صح أو غلط.. لأ انتي ربنا مديكي عقل عشان يشتغل في المواقف اللي زي دي و يميز بين المفروض واللي مش مفروض.. و الحلال و الحرام حتى لو كان ضد نفسك مش ضد سلوك أهلك و بس يعني إيه in a relationship يعني البنت قلبها يتعلق بغير ربها .. تحبه و تعشقه وتسمع كلامه وتطيعه فيبقى عندها وكأنه إله من دون الله.. اه ماهي الآلهة مش بس أصنام تعبد.. لأ الإله ممكن يكون في القلب و انتي بتعبديه من دون الله و مش حاسه مش الرسول صلى الله عليه و سلم قال: " تعس عبد الدينار، تعس عبد الدرهم، تعس عبد الخميصة " سماه عبد ليه؟ لأنه بيحب المال و بيجري وراه حتى أصبح المال هو اللي محركه..أصبح إله ليه أهو إنتي بقيتي كده.. بقيتي بتحبيه لدرجة إنك متتحركيش غير بأوامره و نواهيه.. و بقى رضاه وزعله عندك أكبر حتى من رضا وزعل والديك...و أكبر حتى من رضا وغضب ربنا عليكي ... يعني إنتي كده أشركت مع الله غيره...قال الله: (وَمِنَ النَّاسِ مَن يَتَّخِذُ مِن دُونِ اللّهِ أَندَاداً يُحِبُّونَهُمْ كَحُبِّ اللّهِ وَالَّذِينَ آمَنُواْ أَشَدُّ حُبّاً لِّلّهِ) [البقرة : 165] و يوم القيامة هتلاقي نفسك في الحشر مع المشركين و متهمة بالشرك زيهم فتبصي لربنا و تقوليلوا : (وَاللّهِ رَبِّنَا مَا كُنَّا مُشْرِكِينَ [23] انظُرْ كَيْفَ كَذَبُواْ عَلَى أَنفُسِهِمْ وَضَلَّ عَنْهُم مَّا كَانُواْ يَفْتَرُونَ ) [الأنعام23 : 24] بتضحكي على نفسك.. .لأنك عارفة انك بعشقك لحبيبك أشركتيه مع ربك في عبادة الحب .. ما هو الحب عبادة , وأي عبادة ينبغي أن تكون لله فقط.. و تعلق القلب ينبغي أن يكون بالله فقط و ساعتها لن ينفعك الندم ولا هينفعك حبك ليه و مصيرك هيبقى.... ( الَّذِي جَعَلَ مَعَ اللَّهِ إِلَهاً آخَرَ فَأَلْقِيَاهُ فِي الْعَذَابِ الشَّدِيد)ِ [قـ : 26] يعني إيه in a relationship يعني البنت بعد كام سنة تفريط في نفسها وفي مشاعرها وقلبها يتفركش الموضوع كالعادة و تكتشف إنه كان بيضحك عليها أو إن العلاقة مش نافعة. .وتبدأ تعيش الألم و العذاب و العقاب.. أه عقاب و هو لابد واقع.. لأن من تعلق قلبه بغير الله عذب به ولابد.. .فاعرفي إنك هتعيشي العذاب في الدنيا هتعيشييه لو لم تتوبي إما إنه يسيبك فربنا يعذبك بفراقه أو إنك تتجوزوا فربنا لا يبارك في حياتكوا وتلاقيه سنة وبيخونك مع غيرك.. أصله قانون.. (مَن يَعْمَلْ سُوءاً يُجْزَ بِهِ) و ربنا بيقول على كل اللي عصاه و لم يتب (وَلَنُذِيقَنَّهُمْ مِنَ الْعَذَابِ الْأَدْنَى دُونَ الْعَذَابِ الْأَكْبَرِ لَعَلَّهُمْ يَرْجِعُونَ) [السجدة : 21] يعني إيه in a relationship يعني البنت تفتكر إن السعادة الحقيقة مع واحد تمشي معاه وتكلمه ويكلمها وتحس معاه الأحاسيس والمشاعر.. و تنسى إن المعصية أبدا عمرها ما تجيب السعادة.. و إن السعادة والبركة الحقيقة في الطاعة .. .و إن الحب المحرم ده هيتقلب عليها بعد كده نار جهنم و إنه بعد شوية هيبدأ يتغير معاها لأن قلبه بإيد ربنا وانتي مش هتخدي قلب حد بمعصية ربنا (الْأَخِلَّاء يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ) [الزخرف : 67] يا أختي ياحبيبتي صدقيني كلمة مرتبطة اللي انتي فرحانة بيها وبصاحبها دي بداية هلاك كبير بالنسبالك بداية فساد لقلبك و لنفسك و لدنيتك ولآخرتك إنتي كنتي الأول ماشية في طريق ربنا ومطيعة ليه والشيطان كان بيحاول يخرجك منه و أهو نجح و الآية اتعكست دلوقت بقيتي ماشية على طريق الشيطان و ربنا بينادي عليكي عايز يخرجك منه وبعتلك رسالتي دي دلوقتي عشان تفوقي (وَاللّهُ يُرِيدُ أَن يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَن تَمِيلُواْ مَيْلاً عَظِيماً(27)يُرِيدُ اللّهُ أَن يُخَفِّفَ عَنكُمْ وَخُلِقَ الإِنسَانُ ضَعِيفاً) [النساء  28]افرضي رفضتي الكلام ده و فضلتي ماشية في طريق الشيطان و متي و انتي فيه هتعملي ايه يوم القايمة؟؟؟ ساعتها هتقفي الوقفة اللي قلنا عليها ومش هينفعك حد ولا حتى نفسك و لا حتى قلبك و هتزول كل لذة حب حسيتيها و هيموت جواك كل احساس حلو عشتيه إلا احساس الندم و الحسرة و ساعتها ربنا هيجمع بينكوا زي ما كنتي بتحلمي لكن في النار..في نار جهنم و الملايكة هيزفوه ليكي لحد عندك و يقولولك (هَذَا فَوْجٌ مُّقْتَحِمٌ مَّعَكُمْ لَا مَرْحَباً بِهِمْ إِنَّهُمْ صَالُوا النَّارِ) [صـ : 59] هتردي تقولي ايه ساعتها ..طبعا هترحبي بحبيبك...عارفة هتقولي ايه؟ (قَالُوا بَلْ أَنتُمْ لَا مَرْحَباً بِكُمْ أَنتُمْ قَدَّمْتُمُوهُ لَنَا فَبِئْسَ الْقَرَارُ[60] قَالُوا رَبَّنَا مَن قَدَّمَ لَنَا هَذَا فَزِدْهُ عَذَاباً ضِعْفاً فِي النَّارِ) [صـ : 61] آدي حبييك اللي كنتي بتموتي فيه في الدنيا اللي كنتي مش بطيقي عليه الهوا هتقولي ربي زيده من العذاب ..احرقوا بنارك... هو السبب في اللي انا فيه دلوقت و هتقولي : (وَقَالَ الَّذِينَ كَفَرُوا رَبَّنَا أَرِنَا الَّذَيْنِ أَضَلَّانَا مِنَ الْجِنِّ وَالْإِنسِ نَجْعَلْهُمَا تَحْتَ أَقْدَامِنَا لِيَكُونَا مِنَ الْأَسْفَلِينَ) [فصلت : 29] عارفة الرد هيبقى ايه؟ (فَإِنَّهُمْ يَوْمَئِذٍ فِي الْعَذَابِ مُشْتَرِكُونَ) [الصافات : 33] زيك زيه...عذابك عذابه...هدوقي من اللي بيدوقه زي ما كنتم مع بعض في الدنيا ولا تبالون بالمعصية برده هتبقوا مع بعض في العذاب و ساعتها خلاص فرصة النجاة راحت ...حتى التخفيف للعذاب ده هتتحرمي منه (وَإِذَا رَأى الَّذِينَ ظَلَمُواْ الْعَذَابَ فَلاَ يُخَفَّفُ عَنْهُمْ وَلاَ هُمْ يُنظَرُونَ) [النحل : 85] و هتفتكريني ساعتها اه هتفتكريني و هتفتكري كلامي ده كويس و هتقولي ياريتني سمعت كلامها..و عملت باللي كتبتهولي صدقيني يا حبيبتي الحب الحقيقي مش في العلاقات و الصحوبية و الإرتباط الحب الحقيقي اللي بيجي بالطريق الصح و كلنا عارفين نهاية العلاقة بتبقى إزاي احنا بنات زي بعض و مفيش بنت إلا من رحم الله ممرش عليها تجربة زي دي لكن منهم اللي ربنا أنر بصيرتها و عرفت زيف العلاقات دي و بعدت عنها و منهم اللي لسة غرقانة فيها و مغرورة بمتعتها الزائفة فما هي إلا كما قال الله (مَتَاعٌ فِي الدُّنْيَا ثُمَّ إِلَيْنَا مَرْجِعُهُمْ ثُمَّ نُذِيقُهُمُ الْعَذَابَ الشَّدِيدَ بِمَا كَانُواْ يَكْفُرُونَ) [يونس : 70] الحقي نفسك قبل ما تدمرى نفسك و قلبك و دمرى أخرتك عيشيها صح نجي نفسك من العذب و ادخلي جنة الدنيا أسال الله أن يهديكي و يهديني و يرزقنا التقى والهدى والعفاف والغنى و جميع بنات المسلمين اللهم آمين و أخيرا أحبك في الله أختي الحبيبة المواضيع المتشابهه: |
|
06-21-2013
|
#2 | |
 
|
موضوع قيم جداً وطريقة السرد كانت اكثر من رائعه نصائح في موضعها وبالادله والاثباتات من القرآن الكريم وفي عدة مواقف ومواضع .... لتغيير حالة للأسف الشديد انتشرت كثيراً هذه الايام ولااستغرب انتشارها طالما اختفى الوازع الديني واختفى الضمير واصبح الشاب والشابه لايملكون الا اتباع شهواتهم واتباع شيطانهم .. وكأنهم لن يحاسبوا يوماً مي محمد شكراً لهذا النقل الرائع المميز وان كان لي من ملاحظة في الموضوع ... هو وقت الحساب والعقاب ... فجميعناً لاندخل الجنه الا برحمة الله لا بأعمالنا .. نسأل الله ان يرحمنا وان يغفر لنا كل ذنوبنا وان يبعدنا عن النار وكل مايقربنا اليها من الاعمال والاقوال جزاك الله خير الجزاء مي محمد واسأل الله ان يحفظك بحفظه وان يقر بأخلاقك اعين والديك . |
|
|
|
|
06-22-2013
|
#3 | |
 
|
السلام عليكم ورحمة الله تعالى وبركاته
موضوع قيم وفيه كثير من النقاط الواقعية بس انا بقول عالمنا لسه بخير والفتاة العربية ولله الحمد لسه محافظة على قيمها واخلاقها ليس بالضبط مرافقة الاصحاب تعني قلة ادب او خروج عن الاصول بعالمنا الان الاعمال والمشاريع تقتضي ان نناقش الطرف الاخر وان نكون جنبا الى جنب عمليا ودون خروج عن نطاق الاخلاق والمباديء الاسلامية موضوعك اتفق معكي في نقاط واختلف معك باخرى . وعموما شكرا لطرحك ولانتقائك . |
|
|
|
|
06-22-2013
|
#4 | |||
بنت النيل
|
اخي ربنا قال و ليبلوكم ايكم احسن عملا ربنا يكرمك اخي و يسعدك و يوفقك دايما للخير |
|||
|
|
|
06-22-2013
|
#5 | |||
|
بنت النيل
|
قد تكوني فهمتي كلماتي بشكل خاطئ و لكن يبقى الحب يجمعنا ربنا يكرمك |
|||
|
|
|
| كاتب الموضوع | مي محمد | مشاركات | 11 | المشاهدات | 3710 |
|  |
| انشر الموضوع |
(عرض التفاصيل)
الأعضاء الذين شاهدوا هذا الموضوع منذ بعد 04-25-2024, 06:31 PM
(إعادة تعين) (حذف)
|
|
| لا توجد أسماء لعرضهـا. |
العرض العادي
|
|
الساعة الآن 03:28 PM بتوقيت الرياض
Designed and Developed by : Jinan al.klmah