تورتة بالشوكولاته البيضاء والمالتيزرز من مطبخ الشيف موني

6 بيضات كبار
فانيليا
كوب سكر
2 كوب دقيق
2 ملعقة صغيرة بيكنج بودر
وطبعا الكيك الاسفنجي مفيهوش حليب او اي مادة دهنية زي زيت او سمنة
مكونات كريمة الزبدة للحشو:
4 كوب سكر بودرة
2 كوب زبدة طرية
نصف كوب حليب

وللتزيين:
شوكولاته بيضاء سايحة عشان نعمل منها اشكال مربعة
مالتيزرز ابيض
مالتيزرز دارك
كريم شانتي للكتابة
او حسب رغبتكم



هنعمل الكيك الاسفنجي قبل التزيين بيوم
في اناء هنحط البيض والفانيليا



ونضربهم بمضرب البيض لمدة لاتقل عن دقيقتين متواصل
وفيه ناس هتقول ان كمية البيض دى قليلة بس انا شايفاها مناسبة والموضوع مش بالكمية اهم حاجة مدة الخفق ده اللى بيفرق فى النتيجة
وهيعملوا رغاوى بعد الخفق



ونحط عليهم كل كمية السكر



ونضربهم على اقصى سرعة لمدة لاتقل عن 10 دقايق متواصل
لغاية مايبقى لونه فاتح ويتكاثف ويبقى كريمى ويعمل علامة زى الشريط او رقم 8 لما نشيل من عليه المضرب





وهننخل الدقيق والبيكنج بودر ونحطهم على الخليط



وهنضربهم بمضرب البيض لغاية ماتمتزج المكونات



وحطيت الخليط في صينية من صواني السويسرول مقاس 28 وممكن اكبر او اصغر





وخبزتها فى فرن منخفض الحرارة وطبعا كل شخص فرنه بيختلف عن التانى واختبرت سواها وطلعتها



وقلبتها على ورق خبز






وهنعمل كل اللي فات مرتين كمان بنفس المكونات عشان يبقى عندنا 3 كيكات



وممكن نعمل كيكة واحدة ونقسمها لتلاته يعني هنضرب المكونات دي في تلاته يبقوا 15 بيضة و6 طوب دقيق و3 كوب سكر بودره وتبقى كيكة سميكة ونقسمها لتلاته بس اسهل واضمن اننا نعمل تلات كيكات ودي من اسهل الطرق للكيك الاسفنجي
هحط الكيك في التلاجة او مكان بارد ترتاح وتاني يوم هحضر كريمة الزبدة للحشو
في اناء هحط السكر بودرة والزبدة



ونضربهم متواصل لغاية مايمتزجوا ولون الخليط يبقى فاتح وهنضيفلهم الحليب وخطوة الحليب دي من عندي فممكن تستغنوا عنها



ونضربهم مرة تانيه وهتبقى عندنا كريمة زبدة لونها فاتح وسوفت جدا



وهنبدأ نحشي بيها الكيك









تابعوني
هكمل المشاركة الجاية

المواضيع المتشابهه:

• قدري أنني حينما أحببت
• برد صيفك .. زهور في الصيف اشكال زهور تنبت في الصيف
• كيكة الكاكاو +كعكة الفورينوار+تورتة الكرز
• تورتة

وبعد مانغلف الكيك بكريمة الزبدة هنبدأ نسيح الشوكولاته البيضاء عشان نشكل منها مربعات
وهنسيحها على حمام ميه



ونفردها على ورق خبز



ونسيبها تنشف خالص ولو مستعجلين ممكن تحطوها في التلاجه ونبدأ نقطعها بفورمة المربع اللي عندنا بعد مانسخنها عشان ترضى تتقطع



وهنحط الشوكولاته دي في الجناب وفي النص هكتب وحوالين الكتابة هحط المالتيزرز وطبعا التزيين ده حسب الرغبة وده شكلها النهائي











وبالهنا والشفا

الغريبة ..

شاكرة لكِ وللشيف
موني على هذه الوصفة
الشهية ..

ذوق في اختيارك الغريبه
التورته رائعه والام تستاهل احلى تورته
لاحرمك الله رضاه
‏لك كل الاحترام والشكر للمجهود
تقديري وودى الغريبه ولمونى

المشاركة الأصلية كتبت بواسطة وهج الذكرى الغريبة .. شاكرة لكِ وللشيف موني على هذه الوصفة الشهية ..

وانا شاكرة لكِ وهج تشريفك لمتصفحي الذي ازدان بحضورك وأضاء
ممتنة لكِ ودي وتقديري

المشاركة الأصلية كتبت بواسطة البرنس رامى ذوق في اختيارك الغريبه التورته رائعه والام تستاهل احلى تورته لاحرمك الله رضاه ‏لك كل الاحترام والشكر للمجهود تقديري وودى الغريبه ولمونى

اشكرك أخي رامي على رقي حضورك
وعذب حديثك واللهم آمين وإياك على طيب دعاءك
تقديري واحترامي وامتناني مع وافر شكري لك
الذوق انتم أهله (:
حفظك الله واسعد قلبك