آهات بعد الحلم

•







طفر قلبي وفك باب العيون وراح
وفز شوقي على شباك جفنيني

وضاع الدمع من بيته واظنّه طاح
وانا خابر بيوت الدمع في ايديني

وطار الصوت قدامي بليا جناح
اجيب منين لي .. صوتٍ يحكّيني

كثيرات الصوّر لكن أصيح صياح
على صورة ابوي .. وعينه بـ عيني

ياكثر الهم في صدري غدا يجتاح
يدمر ما تبقى .. بـ فرحة سنيني

بكيت الذكريات .. وكان فيها مزاح
كثير اللي ضحكته .. صار يبكيني

يُبه بعدك .. تناوشني كثير رماح
تبي ظهر الكلام .. ولا لقت فيني

يُبه بعدك .. كثير هموم ما تنزاح
وكثير اللي رخصته وكان يغريني

توشحت ولبست اسمك وانا مرتاح
لبست اطهر ثياب .. اللي حواليني

فقير وحالتي حاله ولا لي أرباح
فقط اسمك .. عن العالم مكفيني

تمر احلام عمري وامسك المسباح
واشمّه لييييييييين ما الله يهديني !



•

المواضيع المتشابهه:

• وحدة من الجمل
• ملف شامل عن الحمل
• الحلم قصة قصيرة
• أهات الفراق
• احلى شيء في الحلم

اوركيد

قصيده مؤلمه ... وفيها اشتياق راقي

اعجبتني كثيراً رغم ما فيها من الم وجروح

فرج الله همك

يعطيكي العاااافيه اوووركيد




اختيااار جميل ربي يسعدك

المشاركة الأصلية كتبت بواسطة شمس الاصيل اوركيد قصيده مؤلمه ... وفيها اشتياق راقي اعجبتني كثيراً رغم ما فيها من الم وجروح فرج الله همك

امين الاب نعمه وجوده
الله يرحم الأموات منهم ويطول في عمر الاحياء
اسعدني تواجدك

المشاركة الأصلية كتبت بواسطة ولد الذيب يعطيكي العاااافيه اوووركيد اختيااار جميل ربي يسعدك

الله يعافيك ويسلمك
كن بالجوار دائما

اوركيد الرائعه انتقاء رائع
اشتياق بنوع رائع برغم كل شىء كلماتك وانتقائك
هزززز الوجدان
وتزلزلت البقايا الراكده
لكـي مني كل التقدير على جمالية طرحكـ

الله يسعدك برنس
تواجدك زاد الموضوع جمال