| ~{فعاليات منتديات وهج الذكرى}~ | |
|
|
|
|
|
|||||||
 |
|
|
|
أدوات الموضوع | انواع عرض الموضوع |
|
#1
11-23-2016
|
||||||||||||
|
||||||||||||
|
قصه مدهونة بقصيده 🗣
ياشباب السلام عليكم ورحمة الله وبركاتة الي يشوف العنوان حق الموضوع يقول هذي فطيره ماهي قصة على كل انا والله ما اعرف لا منقول ولا مشيول انا رجال شفاف وواضح وصريح ولا أخبئ شي نهائي والحقيقه اقولها لو مهما حصل لا اتصنع لا اتفلسف على فطرتي الليله ناوي اطلع كل الي بقلبي ابغى اقولكم قصة غريب الأطوار ومنها اسليكم وادهنها لكم بجبنه اقصد بقصيده لي انا انا ولدت ببيت شعر بالصحراء وعندما أصبحت في السابعه من عمري تطورنا وسكنا بيت طين حتى بيبان ماله يشهد الله اتذكر حتى الي كانوا يمرون من قدام بيتنا هذا يسلمون وهم بشارع ماشين حنا نرد السلام وحنا بوسط الغرفه مافيه باب لدرجة مره اتذكر آخر الليل مر واحد من جيراننا الله يرحمه وسلم على ابوي الله يرحمه وهو بفراشه نايم رد ابوي عليه السلام المهم شوي الي يدخلون عَلِينا مافيه خصوصيه أبد بالوقت هذا كانت عندنا معاناه كثيره جدا وأكثر ماعانينا منه هو الترويس الاستحمام مافيه دش عندنا ولا بانيو عندنا تنكة سمن شاقينها من عند الغطاء ونعبيها ماء بعدين نعرف من التنكه بقدح ونصب الماء على اجسامنا شامبو مافيه احيانا نلقى تايد نتروش فيه طبعا لما تغرف الماء اكيد تكون ماسك القدح بيدك اليمين وتصب على باقي الجسم اتذكر يوم من الأيام قاعد اتروش واغرف بيدي اليمين واصب المهم غرفتين تقريبا وخلاص التنكه اصلا ماتاخذ كثير والله ياجماعه يوم طلعت من الحمام اي حمام نسيت اقولكم مافيه حمام عزكم الله فيه غمارة قلاب قديم ندخل الغماره ونسكر بابها طبعا مافيه قزاز يعني الي يتروش تشوفه من سرته وفوق يالله الباب مغطي العوره والله يا اخوان ماكذبت عليكم اتذكر اول ماسكنا البيت الطين هذا وابغى اروح للحمام وفجأة اشوف اخوي الكبير جاي يسوق سياره تريلا وانا خابره مايعرف يسوق انخرعت وهجيت قالت جاي يدعسنا ولا اشوف الا راسه اثاريه يتروش بغمارة القلاب الي مسوينها حمام المهم انا دخلت واغرف بيدي اليمين الماء واصب يوم خلصت ياجماعه واتفاجا ان يدي اليمين مع جنبي الأيمن كله ماجاه ولانقطه من الماء ماكاني متروش من الجهه اليمين والسبب لاني اغرف واصب غصب عني على اليسار ما اقدر اثني بدي واجد المهم حياة عذاب وانا واخواني تخيلوا وقتها ماعندي الا ثوب واحد وكلنا نلبسه جايبه اخوي من الكويت والله اتذكر حتى لونه ابيض مخطط باخضر كانه طربال سياره حتى ازره مابه يعني الثوب صاير مثل حق المرضى الي بالمستشفى ومتزاحمين عليه والي يقعد الصبح بدري تلقاه البسه وطلع ماعنده شغل ولا شي بس يسبق على لبس الثوب يوم من الأيام قلت ليش انا ما اشوف لي ثوب واستر على نفسي وأصير اطلع واروح على مزاجي الثوب هذا كنا نعلقه بمسمار مدقوق بالجدار الطين المهم رحت وشكيت لامي الله يطول بعمرها وكان زي ماتقولون بكره العيد قلت يمه انا الى متى على الحال هذا ماعندي ثوب وبكره عيد وشلون أعيد الناس والله حسيت امي حزنت وكانت وقتها تخبز على الصاج بعدها تبسمت عرفت ان امي لقت الحل قالت الثوب بكره بدري وانت لابسه قلت يايمه ابيه ابيض قالت ابيض وأحسن من حق اخوك المخطط بخضر لكن رح نام وماعليك والله رحت انام وانا مبسوط طبعا مافيه غرفه وسرير مثل هالوقت فراشي جلد خروف بصوفه احيانا اجلس ساعه كامله الصبح وانا أشد فيه لاصق بظهري المهم قعدت الصبح ياجماعه والله فرحه لاتنسى وعلى عيوني النوم ومافيه لمبات والله عندنا كان بس سراج ونقعد بدري قبل طلوع الشمس وقعدت والضوء خافت واشوف امي جايبه الثوب طار قلبي من الفرحه يا اخون شفته ابيض وبه خط ماقدرت اميزه الشمس ماطلعت ويوم لبسته حسيت الثوب ماهو لين كانه قاسي مثل ثياب الامارتيين الي يجي منفوخ من قدام يذكروني بالاطفال ايام زمان لما كانوا يطهرونهم وهم كبار شوي وبعدين مايخلون الثوب يجي عليه من قدام لانه توه مطهر حتى لايسبب له اذى المهم لبسته وحاس وانا امشي كأني رجل فضاء بالقوه امشي ورحت اوري خوياي اني انا لابس ثوب ومتنومس قدامهم ويوم سطعت الشمس يا اخوان انحرجت احراج مامر علي بحياتي آثاري امي الله يطول بعمرها جايبه لي كيس طحين وشاقه مكان الرقبه واليدين أكمام مافيه وكيس الطحين عليه من ورا خط احمر يمتد من تحت رقبتي الى القدمين وكذلك من قدام وصاير كاني سيارة اسعاف ماناقص الا احط سفتي على راسي المهم تفشت ورحت للبيت ودخلت البيت وامسك الثوب وانا أرميه واشوا لقيت واحد من خوالي جايب لي قماش اسود وبه خطين صفر كانه مزفلت ولا ادري وش سرهم بالثياب الا يجيبون الثوب به خطوط لازم مدري ليش بس اشوا شوي من الي جابوه لا اخوي اقسم بالله الي يشوفه من بعيد يحاسبه حمار وحشي المهم راحت الأيام وجت ورحت ادرس في مدينه حوالي 300 كيلوا انا اصلا رايح ابي استانس مو سالفة دراسه المهم المهم حصلت شباب من نفس مدينتي وقالوا حنا لنا سنتين وتعال معنا اسكن والله وافقت ومعي شنطه اذا تذكرونها تقل كيس وعليها رسمة طياره ومكتوب عليها رحله سعيده هذي الشنطه الي معه في هذاك الوقت كان معه سيارة بورش والله ياجماعه الشباب الي انا سكنت معهم حسيت ماهم مضبوطين وحسيت بس يبوني انام المهم ليله من الليالي قلت لازم ادخل عليهم اشوف وشفيه ترا الشقه الي حنا مستاجرينها ب 200 ريال شهري كانت حضيره للمواعز ايوالله حتى بقايا العلف موجوده وأحيانا اذا ناكل من العلف اذا ماحصلنا شي المهم دخلت عليهم الا هم معلقين السراج ومغطينه بشرشف احمر عشان يعطي جو رومنسي احمر والغرفه معتمه ومشغلين المسجل اتذكر حتى الاغنيه كانت للمرحوم عبدالقادر حلواني الالفيه وحسيت خوياي ماهم طبيعيين واحد منهم مافهمت عليه بالمره لسانه ثقيل يوم سمعته يتكلم وانا أقوم ابكي على طول صوتي افكره انجلط واثاريه لا جلطه ولا شي شارب من الي حاطينه بقزازة فيمتو والله استغربت وقلت ياترا وشفيه بالقزازه هذي وش تسوي بلي يشربها وصار عندي فضول وطول السهره وعيني مانزلت من القزازة جلست اتأملها وبعدين قلت بنفسي لايكون هذي هذيك الي يقولون عنها المهم قام واحد منهم وصب لي كوب وقال خذ لك واحد قلت ماهو انا الي يأخذ واحد ياقليل الحيا قال لاتفهم غلط هذي تخليك تروق وتنبسط وتشيل الهم عنك والله يا اخوان يوم فكرت بكلامه الا كلامه عين الصواب انا مهموم وفلوس مافيه وغداي احيانا شعير وعلف قلت بقلبي ياليته يمد الكوب ثاني مره ويوم اخذت نص ساعه وهو يمده قال واحد وامد يدي له بسرعة البرق وقلت واحد وانا اشربه يوم شربته والله ياجماعه الا هذي الطعم الي يجنن وحسيت كأني مستأنس ومبسوط المهم قال ثاني وانا ارد بسرعه قلت ثاني وانا اشربه ويوم اخذت نص ساعه ياجماعه الا انا دايخ ولا اقدر امشي ولساني صار ثقيل احاسب ضربتني جلطه المهم قمت ابغى اروح انام طلعت من عندهم وضيعت فراشي ودخت ولا دريت الا وانا راجع لهم سويت حالي ابغى أسهر ويوم علمت خوياي الثانين عن السالفه قالوا والله انك ماتفهم الشراب الي شربوك حرام وجلست ابكي وادعي عليهم كل يوم والى اللقاء في القصه القادمة من حقايقي يشهد الله القصيده احاول بكره اكتبها لكم المواضيع المتشابهه:
آخر تعديل غريب الأطوار يوم
11-23-2016 في 03:36 AM.
|
|
| كاتب الموضوع | غريب الأطوار | مشاركات | 4 | المشاهدات | 1443 |
|  |
| انشر الموضوع |
(عرض التفاصيل)
الأعضاء الذين شاهدوا هذا الموضوع منذ بعد 04-20-2024, 12:05 AM
(إعادة تعين) (حذف)
|
|
| لا توجد أسماء لعرضهـا. |
العرض العادي
|
|
الساعة الآن 10:13 AM بتوقيت الرياض
Designed and Developed by : Jinan al.klmah