[frame="11 80"]امسيكم بالخير وتواصل معكم على دروب المحبه والاخوة الصادقه اتمنى ان يحوز هذا النص على رضاكم واستحسانكم .
ماقلت لك لاتجرح القلب العليل
تدمي جراحه وانت ماعندك دواء
ذبحتني ياراعي الرمش الضليل
ياللي على وجنتك سلهامه هوى
هويت باسبابك وضيعت الدليل
واللي نويته كن قلبي مانوى
اجمًع اشتاتي وانا مالي حصيل
ياكود صوتٍ بين ضلعاني عوى
ياشبه مهره غيها نسف الشليل
والا الظبي لا ذيره همس الهوا
مـعـزلٍ ريان والـقـامه تـهـيـل
والصدر كنه طلع تينٍ ماستوى
الطف بحالي جعل حالك مايميل
واحي الفواد اللي من اسبابك ذوى
وسلامتكم /سهيل
[/frame]